Jón Jónsson f. 1695
Einstaklingur í sögulegu manntali
Jón Jónsson (f. 1695)
Jón Jónsson (f. 1695)
Einstaklingur hefur ekki fundist í Íslenzkum æviskrám
Einstaklingur hefur ekki fundist í nafnaskrá Lbs
Mögulegar samsvaranir við Jón Jónsson f. 1695 í Íslenzkum æviskrám
Sýslumaður. --Foreldrar: Jón Brynjólfsson í Stóra Langadal á Skógarströnd og kona hans Halldóra Björnsdóttir, Þórðarsonar. Tekinn í Skálholtsskóla 1661, stúdent 1668. --Brynjólfur byskup Sveinsson lét honum í té góðan vitnisburð 26. apr. 1669, enda hafði hann verið um stund í þjónustu byskups. --Síðan var hann um hríð utanlands, sem sjá má af vitnisburði um hann frá síra Magnúsi Péturssyni á Hörgslandi. Var hann í Englandi, stundaði myndasmíð, því að hann var af náttúru skurðhagur, og græddi þar fé. Svo er að sjá sem hann hafi setzt að í Skaftafellssýslu, er hann kom út, og þar fekk hann uppreisn fyrir barneign, með konu, er hann síðan gekk að eiga. En 1680 keypti hann Staðarfell, fluttist þá þangað og var þar til dauðadags. Björn eldri, bróðir hans, fæddist um 1640; það er ekki alls kostar ljóst, hvor þeirra bræðra var lögsagnari í Dalasýslu 1686– 7, en mun þó fremur vera Björn eldri (sjá alþingisbók 1691, nr. 29). Aftur setti Miller amtmaður Björn yngra fyrir Dalasýslu 1694 og fekk hann konungsveiting fyrir henni 7. maí 1695, s. á. sem hann andaðist. Hann aftók Jörfagleði og Staðarfellsgleði, og var trú manna, að honum hafi hefnzt fyrir það. --Kona (1674): Margrét (d. 1730, áttræð) Nikulásdóttir klausturhaldara að Kirkjubæjarklaustri, Þormóðssonar. --Börn þeirra dóu í bólunni miklu 1707, nema Katrín (f. 1684, d. 1761), sem átti (1712) Gísla Jónsson í Mávahlíð (síðari kona hans); þau bl. (BB. Sýsl.; HÞ.).
Umboðsmaður, stúdent. --Foreldrar: Jón sýslumaður yngri Sigurðsson í Einarsnesi og kona hans Ragnheiður Torfadóttir prests í Gaulverjabæ, Jónssonar. Lærði í Hólaskóla, og orðið stúdent 1715. Mun hafa farið að búa í Einarsnesi um 1721, síðar á Gullberastöðum (er þar 1740), en á Brennisstöðum í Flókadal frá 1743 til æviloka. Hélt konungsjarðir í Borgarfirði 1727, en sagði því af sér 1734. Varð hreppstj. í Reykholtsdal 1754. --Kona 1 (1721): Margrét (d. 1725) Guðmundsdóttir í Álptanesi, Sigurðssonar (konungsleyfi til hjúskapar 14. apr. 1721, með því að þau voru bræðrabörn). --Börn þeirra, sem upp komust: Guðrún átti Guðmund Teitsson í Sólheimatungu, Ragnhildur átti síra Magnús Sæmundsson á Þingvöllum, Ragnheiður d. bl. 1773. --Kona 2: Þórunn (f. um 1701, d. 5. júlí 1774) Árnadóttir prests í Hvítadal, Jónssonar. Synir þeirra: Síra Páll á Valþjófsstöðum, síra Gísli í Arnarbæli (HÞ.).
Bóndi, stúdent. --Foreldrar: Síra Jón Þorsteinsson í Dufþekju og kona hans Guðrún Erlendsdóttir að Suðurreykjum, Þorvarðssonar. Var tekinn í Skálholtsskóla 1654, varð stúdent um 1662. Bjó jafnan embættislaus á Dufþekju. --Kona: Ástríður eða Ásta (f. um 1657) Pálsdóttir, Teitssonar frá Lundi. Dætur þeirra: Þórunn átti fyrst Martein Björnsson að Reyðarvatni, síðan Grím lögréttumann Jónsson sst., varð síðast s.k. síra Orms Snorrasonar sst., Þorbjörg átti Jón Eyjólfsson í Staðarkoti. Ástríður ekkja Þorsteins átti síðar síra Gottskálk Þórðarson að Keldum (HÞ.).
Skáld í Skáney (þaðan líkl. viðurnefni hans). --Foreldrar: Jón yngri krákur í Skáney Vigfússon (sýslumanns á Kalastöðum, Jónssonar) og kona hans Solveig Böðvarsdóttir prests í Reykholti, Jónssonar. --Var maður vel að sér um margt og orðheppinn, lögvís, en notaði þekking sína mjög til lögkróka. --Kvæði eru eftir hann í handritum, þ. á. m. Þrælaríma (sjá Lbs.). Varð svallsamur og andaðist gersnauður í Saurbæ á Hvalfjarðarströnd. --Kona 1: Guðrún Henriksdóttir sýslumanns að Ytra Hólmi, Gíslason; þau bl. --Kona 2: Helga Björnsdóttir í Heynesi, Ásgrímssonar; þau bl. (BB. Sýsl.).