Jón Jónsson f. 1727
Einstaklingur ekki skráður í sögulegt manntal
Einstaklingur hefur ekki fundist í Íslenzkum æviskrám
Einstaklingur hefur ekki fundist í nafnaskrá Lbs
Mögulegar samsvaranir við Jón Jónsson f. 1727 í Íslenzkum æviskrám
Lögmaður. --Foreldrar: Jón Þorláksson í Víðidalstungu og kona hans Hildur Arngrímsdóttir prests lærða á Mel, Jónssonar. Lærði í Hólaskóla. Skráður í stúdentatölu í háskólanum í Kh. 11. sept. 1685, varð þar attestatus í guðfræði 1688, fekk 10. mars s. á. konungsveiting fyrir rektorsembætti í Skálholti, kom út s. á., en tók ekki við embættinu fyrr en 1690 og hélt til 1696, fekk Dalasýslu 17. apríl 1697, en hafði gegnt henni frá 1696, Varð varalögmaður sunnan og austan 20. apríl s.á., var skipaður vorið 1702 í nefnd með Árna Magnússyni að kanna hagi Íslands, og stóðu þau störf til 1713, tók að fullu við lögMannsdæmi 1705, tók Strandasýslu 1708, í skiptum fyrir Dalasýslu, tók síðan aftur Dalasýslu 1718, settur frá lögmannsembætti af fulltrúum konungs 1713, en eftir hæstaréttardómi 1716 skyldi hann halda lögmannsdæminu (en lúka sektir nokkurar) og hélt til æviloka. Hann andaðist í tjaldi sínu á alþingi, en lík hans var flutt að Víðidalstungu og jarðsett þar, enda hafði hann búið þar. Hann var mjög riðinn við deilur þær, er hæst stóðu á öndverðri 18. öld; einkum voru skærur miklar með honum og Oddi lögmanni Sigurðssyni. Hann var einn vitrasti maður sinnar tíðar, prýðilega að sér, og er viðbrugðið þekkingu hans í lögum og fornfræði. Hann var hið bezta skáld, sem þá var uppi (Vísnakver hans pr. í Kh. 1897, sjá og Lbs.). --Eftir hann er og pr.: Deo, regi, patriæ, Sorö 1768; Jus Patronatus (í þýðingu Magnúsar sýslumanns Ketilssonar), Kh. 1771; De linguæ septentrionalis appellatione, pr. með Gunnlaugs sögu ormstungu, Kh. 1775; Skýringar fornyrða lögbókar (ágrip í ritum lærdómslistafélags, en pr. í heilu lagi í Rv. 1849–54, sjá þó Lbs.); Aldarfarsbók, Rv. 1904; Jarðabók hans og Árna er nú fullprentuð. --Í handritum eru lagaritgerðir eftir hann (sjá Lbs.). Ritgerð hans um skáld og rithöfunda á 16. og 17. öld (Recensus poétarum et scriptorum) er nú glötuð, en a.m.k. kaflar úr henni í bókmenntadrögum Hálfdanar Einarssonar í JS. 567–9, 4to., 10 og í Lærdómssögu síra Þorsteins Péturssonar í JS. 30, 4to. --Ein bréfabóka hans er varðveitt (í Raskssafni, uppskrift í Lbs.). --Kona (8. nóv. 1696): Þorbjörg (f. 20. febr. 1667, dr. 19. maí 1737) Magnúsdóttir digra í Vigur, Jónssonar. --Börn þeirra: Jón eldri sýslumaður í Vaðlaþingi, Jón yngri guðfræðingur, Magnús í Ögri, Hólmfríður átti Bjarna sýslumann Halldórsson á Þingeyrum (Vísnakver, Kh. 1897; Fornyrði, Rv. 1849–54; Saga Ísl. VI; Safn II; BB. Sýsl.; HÞ.).
--Prestur. --Foreldrar: Jón bryti að Hólum Þorvaldsson prests að Presthólum,. Jónssonar, og kona hans Guðrún Jónsdóttir prests og skálds að Laufási, Magnússonar. Tekinn í Hólaskóla 1711, stúdent 1718, varð djákn á Þingeyrum 18. febr. 1719, fekk Grímsey 1724, vígðist 18. júní s. á. Drukknaði á Grímseyjarsundi með konu sinni og ungu barni þeirra. --Kona (17. júní 1725): Lisebet Símonardóttir, danskrar ættar (náskyld Lárusi sýslumanni Scheving), ekkja síra Sigurðar Bjarnasonar að Kvíabekk (HÞ.; SGrBf.).
--Prestur. --Foreldrar: Jón smiður Jónsson í Tungu í Fljótum og kona hans Ingibjörg Eiríksdóttur að Brekku í Fljótum, Þorsteinssonar. Fór tvævetur í fóstur til síra Þorvarðs Bárðarsonar að Kvíabekk, tekinn í Hólaskóla 1744, stúdent 1749, vígðist 6. ág. 1752 aðstoðarprestur síra Þorvarðs Bárðarsonar að Kvíabekk, fekk Knappsstaði 1754 og hélt til æviloka. Eftir vitnisburði Gísla byskups Magnússonar var hann ágætur ræðumaður, enda skarpur maður að skilningi, en nokkuð önuglyndur og bráðlyndur. --Um hann eru sagnir. --Kona (30. sept. 1753): Hólmfríður (d. 1780) Þorláksdóttir stúdents að Sjávarborg, Markússonar. --Börn þeirra: Ingiríður óg og bl., Jón ókv. og bl., Torfi ættfræðingur í Klúkum, Ari í Leyningi í Siglufirði, Sigríður óg. og bl., Guðrún átti Berg Guðmundsson á Húnsstöðum, Þórarinn ókv. og bl., Páll varð prentari erlendis, Þórunn óg. og barmnl., Hólmfríður átti fyrst laundóttur (er andaðist skömmu eftir fæðinguna), giftist síðan Jóhannesi Arasyni að Nautabúi í Hjaltadal, síðar á Kappastöðum (Vitæ ord.; HÞ.: SGrBf.).