Jón Jónsson f. 1715
Einstaklingur ekki skráður í sögulegt manntal
Einstaklingur hefur ekki fundist í Íslenzkum æviskrám
Einstaklingur hefur ekki fundist í nafnaskrá Lbs
Mögulegar samsvaranir við Jón Jónsson f. 1715 í Íslenzkum æviskrám
--Sýslumaður. --Foreldrar: Jón lögréttumaður Ólafsson að Öxnakeldu og f. k. hans Elín Þórðardóttir á Ökrum, Finnssonar. Fór ungur til Bjarna sýslumanns Halldórssonar á Þingeyrum og var að tilstilli hans tekinn í Skálholtsskóla 1734, stúdent þaðan 22. apr. 1739, skráður í stúdentatölu í háskólanum í Kh. 18. dec. s. á., lagði stund á lög, fekk veiting fyrir Vestmannaeyjasýslu 13. apr. 1740 og hélt til dauðadags. Var aftur utanlands a. m. k. veturinn 1742–3, ef ekki lengur (líklega með Bjarna sýslumanni Halldórssyni). Fekk hálft Þykkvabæjarklaustur 1745, en sleppti því 1749. --Kona: Oddrún (d. 25. apr. 1799, 79 ára) Pálsdóttir á Steinsmýri, Þorsteinssonar. Þau áttu 6 börn, og fæddist hið yngsta sama dag sem maður hennar var grafinn. --Þessi komust upp: Jósep bjó með móður sinni í Norðurgarði, ókv. og bl., Eggert timburmaður í Noregi, Ragnheiður átti fyrst Þórð Guðmundsson (bl.) , síðar Jón Einarsson á Seltjarnarnesi, varð síðast niðursetningur í Vestmannaeyjum, kallaði sig Westmann. --Laundóttir Böðvars sýslumanns (með Kristínu Jónsdóttur prests að Eyvindarhólum, Oddssonar): Ingibjörg átti Jón Sigmundsson í Stöðulkoti í Þykkvabæ (BB. Sýsl.; HÞ.).
--Prestur. --Foreldrar: Jón Jónsson frá Skjaldarstöðum og kona hans Ingibjörg (föðurnafn ekki greint) frá Litla Dunhaga. Þau bjuggu í koti hjá Möðruvallaklaustri, og kom Hannes Scheving honum í Hólaskóla, stúdent þaðan 14. apr. 1739, vígðist 27. jan. 1743 aðstoðarprestur síra Jóns Bjarnasonar að Blöndudalshólum, fekk það prestakall 1746, en Upsir (líkl. 16. nóv.), í skiptum við síra Ásmund Pálsson, fekk Stærra Árskóg 12. sept. 1765, í rauninni í skiptum við síra Magnús Einarsson, og var þar til dauðadags. Í skýrslum Harboes fær hann sæmilegan vitnisburð, enda þókti hann skarpur til náms og skilnings. --Hann var skáldmæltur (sjá Lbs.), en mjög fátækur, enda vandist á drykkjuskap að Blöndudalshólum. --Kona: Kristín (d. um 1767) Ísleifsdóttir í Hvammi í Vatnsdal, Bjarnasonar, Ólafssonar prests í Grímstungum, „ Hallssonar. --Börn þeirra: Jón „lærði“ (líkl. svo nefndur í háði, því að hann lærði ekki í skóla), Ingibjörg (HÞ.; SGrBf.).
Heyrari, bóndi. --Foreldrar: Jón byskup Vigfússon að Hólum og kona hans Guðríður Þórðardóttir prests í Hítardal, Jónssonar. Talinn stúdent úr heimaskóla, fór utan með föður sínum 1689, skráður í stúdentatölu í háskólanum í Kh. 4. apríl 1690, og hefir háskólanám hans ekki verið langt, því að hann kom út aftur með föður sínum vorið 1690, að því er segir í Mælifellsannál, en er í ættartölu einni talinn attestatus. Hann var heyrari í Skálholti 2 ár, 1699–1701. Hann bjó frá 1702 að Reykhólum, en fluttist 1704 að Brimilsvöllum, 1705 að Mávahlíð og var þar til dauðadags, drukknaði í Ábótapolli í Tunguós (í milli Fróðár og Mávahlíðar). Hann var vel gefinn maður og skáldmæltur (sjá Lbs.). --Kona 1 (18. sept. 1701). Margrét (f. um 1680, d. í bólunni miklu 1707) Magnúsdóttir lögmanns að Ingjaldshóli, Jónssonar. --Börn þeirra: Magnús amtmaður, Guðríður átti Finn byskup Jónsson, Ragnheiður átti síra Jón Jónsson í Stafholti. --Kona 2 (1712): Katrín (f. um 1684, d. 1761) Björnsdóttir sýslumanns að Staðarfelli, Jónssonar; þau bl. (BB. Sýsl.; HÞ.).
--Prestur. --Foreldrar: Síra Jón Ólafsson að Kálfatjörn og kona hans Ingibjörg (föðurnafns eigi getið). --Lærði í Skálholtsskóla, stúdent 20. apr. 1739, vígðist 1. júlí 1742 aðstoðarprestur föður síns, fekk Kálfatjörn við uppgjöf hans, haustið 1745, sagði þar af sér prestskap 17. okt. 1785, frá fardögum 1786, og fluttist þá að Bakka og var þar til æviloka. Í skýrslum Harboes fær hann sæmilegan vitnisburð, en ekki fyrir lærdóm. --Kona (24. júní 1744). Ragnhildur (d. í mars 1793, 77 ára) Högnadóttir lögréttumanns að Laugarvatni, Björnssonar. --Börn þeirra: Högni í Flekkuvík, skólagenginn, en hætti námi vegna áhugaleysis og tornæmis, Halldór á Bakka, ókv. og bl., Ragnhildur átti síra Einar Þorleifsson í Guttormshaga (HÞ.; SGrBf.).