--Prestur. --Foreldrar: Síra Þorsteinn Stefánsson að Krossi og kona hans Margrét Hjörleifsdóttir prests á Valþjófsstöðum, Þórðarsonar. --Tekinn í Reykjavíkurskóla eldra 1789, stúdent 1. júní 1793, kenndi á Valþjófsstöðum næsta vetur, var síðan 3 ár hjá Guðmundi sýslumanni Péturssyni í Krossavík, vígðist 13. ág. 1797 aðstoðarprestur síra Einars Stefánssonar að Hofi í Vopnafirði. Fekk það prestakall að veitingu 1. okt. 1805, tók við því í fardögum 1806 og hélt til æviloka, en hafði aðstoðarpresta frá 1838, varð alblindur 1841. --Var prófastur í Norður-Múlasýslu 1810–41. Var mikill maður vexti og hraustur, stilltur og gætinn, fjáraflamaður mikill og var talinn einn af auðugustu mönnum landsins. Hann gaf 23. dec. 1836 sjóð til verðlauna fyrir nytsöm alþýðurit. --Kona (í sept. 1798): Oddný (d. 15. júlí 1855, 84 ára) Guttormsdóttir sýslumanns, Hjörleifssonar. --Börn þeirra, sem upp komust: Síra Ármi aðstoðarprestur að Hofi, Björg átti síra Stefán aðstoðarprest Pálsson, síra Hjörleifur á Völlum, síra Guttormur í Stöð (Vitæ ord.; HÞ.; SGrBf.).