Skarðshreppur, var skipt úr Skarðsstrandarhreppi yngra árið 1918. Tvær jarðir úr Klofningshreppi lögðust til Skarðshrepps árið 1986. Skarðshreppur sameinaðist Suðurdala- (Hörðudals- og Miðdalahreppum), Haukadals-, Laxárdals-, Hvamms- og Fellsstrandarhreppum sem Dalabyggð árið 1994. Skógarstrandarhreppur kom þar inn í ársbyrjun 1998 og Saurbæjarhreppur árið 2006. Prestakall: Staðarhólsþing 1918–1970, Hvammur í Dölum 1970–2005, Hjarðarholts- og Hvammskall 2005–2007, Reykhólar frá árinu 2007. Sóknir: Skarð frá árinu 1918 og Dagverðarnes frá árinu 1986.
Björk Ingimundardóttir. Prestaköll, sóknir og prófastsdæmi á Íslandi. Reykjavík: Þjóðskjalasafn Íslands. 2013.