Fellsstrandarhreppur yngri, varð til úr Fellsstrandarhreppi eldra og nokkrum bæjum úr Skarðsstrandarhreppi eldra árið 1772. Allar jarðir í Klofningshreppi nema tvær bættust við Fellsstrandarhrepp árið 1986. Fellsstrandarhreppur sameinaðist Suðurdala- (Hörðudals- og Miðdalahreppum), Haukadals-, Laxárdals-, Hvamms- og Skarðshreppum sem Dalabyggð árið 1994. Skógarstrandarhreppur kom í hópinn í ársbyrjun 1998 og árið 2006 Saurbæjarhreppur. Prestakall: Hvammur í Dölum 1772–1881, Staðarfellsþing 1881–1890 (aldrei veitt en Staðarfelli þjónað af Skarðsþingapresti), Hvammur 1890–2005, Hjarðarholts- og Hvammskall 2005–2007, Dalakall frá árinu 2007. Sóknir: Staðarfell frá árinu 1772, Dagverðarnes frá árinu 1986.
Björk Ingimundardóttir. Prestaköll, sóknir og prófastsdæmi á Íslandi. Reykjavík: Þjóðskjalasafn Íslands. 2013.