hr. Th. Thorarensen f. 1789
Einstaklingur í sögulegu manntali
hr. Th. Thorarensen (f. 1789)
hr. Th. Thorarensen (f. 1789)
Einstaklingur hefur ekki fundist í Íslenzkum æviskrám
Einstaklingur hefur ekki fundist í nafnaskrá Lbs
Mögulegar samsvaranir við hr. Th. Thorarensen f. 1789 í Íslenzkum æviskrám
--Prestur. --Foreldrar: Síra Gísli Þórarinsson í Odda og kona hans Jórunn Sigurðardóttir alþingisskrifara að Hlíðarenda, Sigurðssonar. Lærði fyrst hjá síra Árna Helgasyni, síðan Jóni síðar lektor Jónssyni, tekinn í Bessastaðaskóla 1807, stúdent 1811, með vitnisburði í meðallagi. --Vígðist 13. sept. 1812 aðstoðarprestur síra Markúsar Magnússonar í Görðum á Álptanesi, fekk Þykkvabæjarklaustursprestakall 1814, lenti þar í leiðu máli út af skipstrandi, en slapp þó skammlaust frá, og við önnur leið málaferli var hann bendlaður, fekk 1817 Stórólfshvolsþing, í skiptum við síra Jón Austmann, Hraungerði 2. okt. 1839, lét þar af prestskap 1860, andaðist í Breiðabólstað í Fljótshlíð. Hann þókti ágengur, enda vel efnum búinn, en lítill kennimaður. --Kona 1 (7. maí 1814); Guðrún (f. 6. maí 1796, d. 6. febr. 1844) Vigfúsdóttir sýslumanns að Hlíðarenda, Þórarinssonar (þau bræðrabörn). --Börn þeirra, sem upp komust: Vigfús sýslumaður í Strandasýslu, síra Gísli skáld á Stokkseyri, síra Stefán skáld að Kálfatjörn, Sigríður óg. --Kona 2 (27. sept. 1845): Sigríður Pálsdóttir sýslumanns á Hallfreðarstöðum, Guðmundssonar, ekkja síra Þorsteins Helgasonar í Reykholti; börn þeirra komust eigi upp. Almælt var, að launsonur síra Sigurðar væri Brynjólfur, sem eignaður var Bjarna Símonarsyni í Laugardælum (Bessastsk.; Vitæ ord.; SGrBf.; HÞ.).
Settur sýslumaður. --Foreldrar: Síra Guðmundur Þorgrímsson á Lambastöðum og kona hans Sigríður Halldórsdóttir prests í Hítardal, Finnssonar. Stúdent 10. júlí 1811 úr heimaskóla frá stjúpföður sínum, Geir byskupi Vídalín, með meðalvitnisburði (hafði um hríð verið í Bessastaðaskóla, en veikindi hindrað skólavist hans), fór síðan utan og lauk 20. jan. 1813 prófi í dönskum lögum, með 1. einkunn í bóklegu, en 2. einkunn í verklegu prófi. Settur sýslumaður í Kjósar- og Gullbringusýslu 15. apríl 1814, vikið frá sumarið 1818, vegna óreiðu, og algerlega með dómi 11. nóv. 1818. Varð haustið 1820 skrifari hjá stiftamtmanni, með 200 rd. árslaunum, mun hafa haldið því, meðan Geir byskup lifði, en um 1825 varð hann að láta konu sína og 2 dætur fara utan og ári síðar son sinn, veikan, varð 1829 skrifari hjá Eiríki sýslumanni Sverrissyni, en 1831 hjá Steingrími byskupi Jónssyni í Laugarnesi. Hann andaðist í Rv. --Kona (um 1813). María Dóróthea (f. um 1787) Möller, og mun hún hafa verið ekkja. Af börnum þeirra komust upp: Sigríður Kristín Guðrún (f. um 1813, d. 3. dec. 1886) átti S. Chr. Topsöe bæjarfógeta í Skelskör, og er af þeim merkt fólk í Danmörku (Lbs. 48, fol.; BB. Sýsl.; Tímar. bmf. II; HÞ. Guðfr., bls. 107–8; HÞ.).