Stefán Thorarensen f. 1837
Einstaklingur í sögulegu manntali
Stefán Thorarensen (f. 1837)
Stefán Thorarensen (f. 1837)
Einstaklingur hefur ekki fundist í Íslenzkum æviskrám
Einstaklingur hefur ekki fundist í nafnaskrá Lbs
Mögulegar samsvaranir við Stefán Thorarensen f. 1837 í Íslenzkum æviskrám
Stúdent. --Foreldrar: Síra Eiríkur Bjarnason á Staðarbakka og kona hans Herdís Jónsdóttir. Lærði fyrst hjá síra Einari Thorlacius í Saurbæ, tekinn í Bessastaðaskóla 1823, stúdent 1825, með góðum vitnisburði. Var byskupsskrifari 1828–9, fór þá utan til háskólanáms, en veiktist og hvarf aftur heim. Fór aftur utan 1832, lauk aðgönguprófi í háskólann 1832, með 1. eink., síðan lærdómsprófi 1833. Orðlagður iðjumaður. Andaðist í Kh. úr lifrarbólgu, kominn fast að prófi í lögfræði. Ókv. og bl. (Bessastsk.; Skírnir 1838).
Hreppstjóri o. fl. --Foreldrar: Jón kaupm. Daníelsson á Grund í Eyrarsveit og kona hans Guðrún Jónsdóttir prests og skálds Hjaltalíns. Tók við búi af föður sínum á Grund og bjó þar 50 ár. Hafði framan af jafnframt verzlun, einkum viðskipti við Frakka, en þá var Grundarfjörður ein helzta höfn hérlendis, er frakknesk fiskiskip leituðu til og oft í hópum. Hafði hann jafnframt lögreglueftirlit með þeim og kvaddur af amtmanni til að taka tolla af þeim og rita á skipskjöl, en hann var frönskumaður góður, Dugnaðarmaður mikill og gegndi flestum trúnaðarstörfum í sveit sinni. --Orðlagður að rausn og gestrisni. --Kona: Stefanía Jakobína Árnadóttir sýslumanns í Krossnesi, Þorsteinssonar (Thorsteinssons). --Börn þeirra: Dr. Jón í Lundúnum, Stefán læknir í Aars í Danmörku, Óli Steinbach tannlæknir á Ísafirði, Kristín átti Blount verkfræðing í Lundúnum, Kristensa átti Stefán skógarvörð Kristjánsson að Vöglum í Fnjóskadal. Launsonur Stefáns: Stefán Guðmundur amtsforvalter í Varde í Danmörku (Óðinn XX; Br7.).
--Prestur. --Foreldrar: Síra Stefán Högnason á Breiðabólstað í Fljótshlíð og kona hans Guðrún Halldórsdóttir prests á Stað í Steingrímsfirði, Einarssonar. Nam skólalærdóm hjá síra Þorvaldi Böðvarssyni, stúdent úr heimaskóla 6. júní 1790 frá Gísla rektor Thorlacius; var hjá föður sínum um hríð, tók að búa á Árgilsstöðum í Hvolhrepp 1793, vígðist 4. okt. 1807 aðstoðarprestur síra Bjarnhéðins Guðmundssonar í Kirkjubæ í Vestmannaeyjum, fluttist þangað 1808, fekk Hrepphóla 9. sept. 1816, fluttist þangað næsta vor og hélt til æviloka. Hann var hraustmenni, mikill fyrir sér, slarksamur við öl, átti oft erfitt í búi, kennimaður í betra lagi og allvel látinn. --Kona (29. sept. 1793): Sigríður (f. í ág. 1767, d. 9. dec. 1844) Böðvarsdóttir prests í Guttormshaga, Högnasonar (þau bræðrabörn). --Börn þeirra: Síra Böðvar aðstoðarprestur á Hallormsstöðum, Þórunn átti Guðmund Guðmundsson í Móakoti á Vatnsleysuströnd, Stefán (d. úr holdsveiki 1836, ókv. og bl.), Hólmfríður (d. 1845, óg. og bl.), síra Jón að Hrepphólum, Guðrún s. k. Snorra Sveinbjarnarsonar að Laugum í Ytra Hrepp (Vitæ ord. 1807; HÞ.: SGrBf.).