John f. 1826
Einstaklingur í sögulegu manntali
Jon (f. 1828)
Jon (f. 1828)
Einstaklingur hefur ekki fundist í Íslenzkum æviskrám
Einstaklingur hefur ekki fundist í nafnaskrá Lbs
Mögulegar samsvaranir við John f. 1826 í Íslenzkum æviskrám
Stiftslæknir. --Foreldrar: Ólafur yfirdómari Finsen og kona hans María Nikolína, dóttir Óla kaupmanns Möllers í Rv. --Tekinn í Bessastaðaskóla 1843, stúdent úr Reykjavíkurskóla 1848, með 2. einkunn (67 st.). --Tók 1. og 2. lærdómspróf í háskólanum í Kh. 1848–9, með 2. einkunn. Var settur heraðstoðarlæknir 1850–1 (í Slésvíkurstyrjöldinni), settur kólerulæknir í Kh. 1853, tók þar próf í læknisfræði 27. júní 1855, með 2. einkunn betri (133 st.), settur 1855 aðstoðarlæknir í setuliðsspítalanum í Kh. Varð 31. maí 1856 héraðslæknir í austurhéraði Norðuramts, jafnframt 1860–6 settur læknir í Austfirðingafjórðungi. Varð 30. mars 1867 héraðslæknir í Örsted á Jótlandi, 4. júní 1875 stiftslæknir á Lálandi og Falstri, var það til æviloka og átti heima í Nyköbing á Falstri. --Varð Dr. med. í háskólanum í Kh. 6. nóv. 1874, r. af dbr. 1884. --Ritstörf: Stuttur leiðarvísir til að þekkja og varast fjárkláðann, Ak. 1856; Iagttagelser angaaende Sygdomsforholdene i Island, Kh. 1874. Auk þessa nokkurar greinir í Ugeskrift for Læger. --Kona (8. apr. 1855): Sofie Vilhelmine (f. 6. ág. 1815, d. 4. ág. 1892), dóttir P. J. --Funcks yfirdómara; þau bl. (Skýrslur; Lækn.; Slægtsbog for Familien Finsen, Kh. 1935).
--Prestur, skáld. --Foreldrar: Síra Þorleifur Jónsson í Hvammi í Hvammssveit og f. k. hans Þorbjörg Hálfdanardóttir prests að Mosfelli í Grímsnesi, Oddssonar. Lærði fyrst hjá föður sínum, síðan 2 vetur hjá síra Búa Jónssyni á Prestbakka. --Tekinn í Reykjavíkurskóla 1846, stúdent 1851, með 1. einkunn (100 st.), próf úr prestaskóla 1853, með 1. eink. (50 st.). --Stundaði kennslu í Rv. næsta vetur, en var síðan hjá foreldrum sínum. Fekk Fljótshlíðarþing 21. maí 1855, vígðist 2. sept. 1855, Ólafsvöllu 22. sept. 1858, fluttist þangað vorið 1859 og hélt til æviloka. Var bæklaður og heilsulinur. Pr. eftir hann: Ljóðmæli og ýmislegt fleira, Kh. 1868. Er talinn hafa átt nokkurn þátt (með Steingrími Thorsteinsson) í Redd-Hannesarrímu; 2 sálmar í sálmab. 1871 og 1886. --Kona (1858): Ingunn Árnadóttir að Núpi í Fljótshlíð, Vigfússonar. --Af börnum þeirra komst upp: Þorbjörg Guðrún. Ingunn ekkja síra Jóns átti síðar Brynjólf Guðmundsson í Vesturkoti hjá Ólafsvöllum (Vitæ ord. 1855; BjM. Guðfr.; Ljóðmæli, Kh. 1868; SGrBf.).
--Prestur. Launsonur Þórðar síðar prests að Mosfelli í Mosfellssveit Árnasonar og Guðnýjar vk. á Bessastöðum, Magnúsd. F. á Bessastöðum á Álptanesi. Var með föður sínum, er síðan lét hann læra hjá síra Ásmundi Jónssyni í Odda. Varð óreglulegur nemandi í Bessastaðaskóla 1843 2 vetur, en fullkominn 1 vetur, og síðan í Reykjavíkurskóla, stúdent 1849, með 1. einkunn (79 st.), próf úr prestaskóla 1851, með 1. einkunn (49 st.). --Var síðan skrifari Helga byskups Thordersens. Fekk Auðkúlu 8. apr. 1856, vígðist 25. júní s. á. og hélt til æviloka. Prófastur í Húnavatnsþingi 1862–72, 1881–5. Merkisprestur og vel látinn. Ritstörf: Ræða í útfm. Jóseps læknis Skaftasonar, Rv. 1878. --Kona (1856): Sigríður (f. 8. febr. 1830, d. 23. mars 1916) Eiríksdóttir sýslumanns í Kollabæ, Sverrissonar. --Börn þeirra, sem upp komust: Vilborg átti síra Eirík Gíslason á Stað í Hrútafirði, Guðný átti Brynjólf Gíslason í Skildinganesi, síra Theodór að Bægisá, Guðrún átti Eggert hæstaréttardómara Briem, Kristín miðkona síra Richards bankabókara Torfasonar, Þóra s.k. síra Stefáns M. Jónssonar að Auðkúlu (Vitæ ord. 1856; SGrBf.).
Hreppstjóri. --Foreldrar: Jón Hallgrímsson að Melaleiti og kona hans Halldóra Sigurðardóttir að Ytra Hólmi, Björnssonar. Var hinn mesti atorkumaður. Bjó í Miðteigi (er hann nefndi Guðrúnarkot) á Akranesi 1854–1906. Dbrm., þm. Borgf. 1869–73. --Kona (11. júlí 1853): Margrét (d. 2. júlí 1903) Jónsdóttir að Hnausum, Ólafssonar, ekkja Teits gullsmiðs Magnússonar Bergmanns. Dóttir þeirra Hallgríms: Halldóra átti síra Jón A. Sveinsson í Görðum á Akranesi (Alþingismannatal; o. fl.).
--Prestur. --Foreldrar: Síra Þorvarður Jónsson síðast á Prestbakka á Síðu og fyrsta kona hans Anna Skúladóttir stúdents að Stóru Borg, Þórðarsonar. F. á Breiðabólstað í Vesturhópi. Tekinn í Bessastaðaskóla 1843, stúdent úr Reykjavíkurskóla 1849, með 3. einkunn (39 st.), próf úr prestaskóla 1851, með 1. einkunn (44 st.). Fekk Breiðavíkurþing 7. mars 1852, vígðist 9. maí s. á., Hvamm í Norðurárdal 25. mars 1854, Garða á Akranesi 8. maí 1858, í skiptum við síra Benedikt Kristjánsson, Reykholt 28. apr. 1862 og hélt til æviloka. Prófastur í Borgar“ fjarðarsýslu, settur 1859, skip. aður 1859–66. --Kona (1. sept. 1850): Guðríður (f. 21. okt. 1830, d. 2. apr. 1867) Skaftadóttir dbrm. og smáskammtalæknis í Stöðlakoti í Rv., Skaftasonar. --Börn þeirra, sem upp komust: Anna átti Sigurð hreppstjóra Ólafsson á Hellulandi, síra Skafti á Hvanneyri, Guðný átti Gunnar að Lóni Ólafsson (alþm. að Ási, Sigurðssonar) (Vitæ ord. 1852; BjM. Guðfr.; Óðinn 1913; SGrBf.).
Sýslumaður. Launsonur Jóns Hálfdanarsonar að Urðum og Elínar Haldórsdóttur að Ytra Garðshorni í Svarfaðardal, Jónssonar. Lærði í Hólaskóla, stúdent 1769, fór utan 1770, skráður í stúdentatölu í háskólanum í Kh. 15. dec. s. á., varð baccalaureus í heimspeki 1773, varð annar styrkþegi Árnasjóðs 1779. Fekk Ísafjarðarsýslu 10. apr. 1797, átti heima í Bolungarvík, síðan á Eyri í Seyðisfirði, en síðast í Vigur. --Hann fekk lausn frá sýslustörfum 1812. Hann þókti maður mjög vel að sér, og var á orði haft, að hann yrði rektor í Skálholti og síðar í Reykjavíkurskóla. Hann sinnti mjög fornfræðum, meðan hann var í Kh. --Hann þýddi á latínu Njálssögu, pr. í Kh. 1809, þýddi og að nokkru og hafði með öðrum umsjá með Sæmundar-Eddu hinni miklu, pr. í Kh. 1787–1828. --Hann var skáldmæltur, og er pr. eftir hann nokkuð í lærdómslistafélagsritum, en sér eru pr.: Kristjánsmál, Kh. 1783, Hrímiskviða („Skáldmæli kölluð H.“), Kh. 1783; margt kvæða hans er í handritum í Lbs. Reikningsbók (,Vasakver fyrir bændur og einfaldlinga“) eftir hann er pr. í Kh. 1785. --Kona (1797): Johanne Christiane Smidt (d. 1820); þau bl. (BB. Sýsl. HÞ.).
--Bóndi. --Foreldrar: Pálmi Jónsson að Sólheimum í Svínavatnshreppi og kona hans Ósk Erlendsdóttir á Holtastöðum, Guðmundssonar. Bjó að Sólheimum 1848–67, í Stóra Dal 1867–86. Þm. (varaþm.) Húnv. 1863–5. --Kona (14. júlí 1847): Ingibjörg Salóme (d. 1909) Þorleifsdóttir í Stóra Dal, Þorkelssonar. --Börn þeirra: Þorleifur póstmeistari í Rv., Jón í Stóra Dal, Guðrún átti Jón Guðmundsson (Arnljótssonar) í Stóra Dal, Pálmi á Ytri Langamýri, Ingiríður, Ósk, Guðmundur (Alþingismannatal; o. fl.).
Sýslumaður. --Foreldrar: Jón landlæknir Þorsteinsson og kona hans Elín Stefánsdóttir amtmanns Stephensen. Tekinn í Bessastaðaskóla 1841, stúdent 1846 (91 st.), tók 1. og 2. lærdómspróf 1846– 7, með 2. einkunn, próf í lögfræði 16. jan. 1853, með 2. einkunn í báðum prófum. Settur s. á. sýslumaður í SuðurMúlasýslu, fekk sýsluna 30. apr. 1854 og hélt til æviloka. Átti heima í Eskifirði. Var hraustmenni og harðger. --Kona: Þórdís (d. 22. nóv. 1891) Pálsdóttir amtmanns Melsteðs. --Börn þeirra: Elín átti Magnús landshöfðingja Stephensen, síra Jón á Þingvöllum (BB. Sýsl.; Tímar. bmf.).
--Fræðimaður. --Foreldrar: Jón Jónsson, síðar bóndi að NorðurReykjum (sjálfur hafði Jón Bf. það fyrir satt, að faðir sinn væri síra Jón Bachmann). og Guðríður þá (er Jón fæddist) vinnukona á Hvanneyri í Andakíl Jónsdóttir eldra á Bakka á Kjalarnesi, Vilhjálmssonar í Arnarholti á Kjalarnesi, Jónssonar. --Ólst upp í Svíra hjá Hvanneyri, var síðan vinnumaður um hríð. --Fluttist til Rv. 1852. Stundaði fyrst prentstörf hjá Einari Þórðarsyni, síðar prentsmiðjustjóra Ísafoldar, en fór auk þess í bóksöluferðir fyrir hann og Egil Jónsson bókbindara. Fluttist norður 1854, fór að Kaupangi, til Erlends Ólafssonar og nam bókband (sveinsbréf 1856), settist eftir það að á Akureyri og stundaði þar bókband og bóksölu, settist að í Rv. 1865, varð þar lögregluþjónn sama haust. Fekk lausn með eftirlaunum 1888. Fluttist aftur til Akureyrar 1894, til Klemens bæjarfógeta, sonar síns, og var þar og síðar, frá 1904, í Rv. á vegum hans eða hjá honum til æviloka. Hann safnaði mjög bókum (gaf mest af þeim eftir sinn dag Lbs.). Safnaði og handritum og útvegaði bmf. mikinn fjölda þeirra; varð því síðar heiðursfélagi þess. Rit: Söguágrip um prentsmiðjur og prentara á Íslandi, Rv. 1867; Stutt æviminning Sigurðar Breiðfjörðs skálds, Rv. 1878; Stutt rithöfundatal á Íslandi, Rv. 1884. Ritaði árbók Íslands í almanak hins ísl. þjóðvinafélags í mörg ár. Fjöldi greina er og eftir hann í öllum helztu blöðum landsins þá. Eftir hann liggur og í handriti: Ágrip af sögu Íslands. Studdi Lidderdale í skrárgerð hans um ísl. bækur í British Museum. Jón Sigurðsson galt honum og laun fyrir að skrifa fræðimannatal, og er það raunar mest úr fyrri fræðimannatölum, varðveitt með öðrum handritum hans í Lbs. --Kona (13. júní 1856): Anna 79 Guðrún Eiríksdóttir að Vöglum og Botni í Eyjafirði, Sigurðssonar. --Börn þeirra, sem upp komust: Guðný átti Björn sýslumann Bjarnarson að Sauðafelli, Dr. Finnur prófessor í Kh., Klemens landritari og ráðherra, Guðrún óg. og bl., Vilhjálmur (Borgfjörð) stúdent og póstafgrm. í Rv., Ingólfur stúdent og verzlunarstjóri (Skírnir 1912; Lögrétta 1912 (einnig sérpr.); Sunnanfari 1894; Óðinn TI; o. fl.).