. Hreppstjóri.--Foreldrar: Ingimundur Bergsson í Hólum í Flóa og fyrri kona hans Ragnheiður Ásgrímsdóttir í Holti, Eyvindssonar. Bóndi á Stokkseyri 1782 –1824 og keypti ábýlisjörð sína 1805. Hreppstjóri í Stokkseyrarhreppi 1789– 1803, góður búhöldur. Kona: Guðrún (f. 1753, d. 27. jan. 1829) Einarsdóttir prests á Ólafsvöllum, Jónssonar, Börn þeirra: Einar drukknaði í Þorlákshöfn 1812, ókv., Elín átti fyrr Bjarna Magnússon á Baugsstöðum, en Bóndi á. síðar Hannes Árnason á Baugsstöðum, Markús ókv. bl., Þórður bóndi á Stokkseyri og Ingibjörg átti Jón Grímsson í Traðarholti (Bergsætt, Rv. 1932; Bólstaðir og búendur í Stokkseyrarhreppi, 140–41) (G.J.).

--Prestur. --Foreldrar: Jón Hólastólsráðsmaður Árnason og f. k. hans Margrét Jónsdóttir frá Vík á Vatnsnesi, Björnssonar. F. í Vík á Vatnsnesi. --Tekinn í Hólaskóla 1767, stúdent þaðan 1770, með ágætum vitnisburði. Vígðist 4. maí 1777 aðstoðarprestur síra Eiríks Jónssonar að Hofi á Skagaströnd og bjó á Steinnýjarstöðum (til vors 1780), fekk 15* það prestakall 17. júní 1779, við lát síra Eiríks, fekk Bergsstaði 30. apr. 1784, í skiptum við síra Benedikt Árnason, setti bú í Bólstaðarhlíð og var þar til dauðadags, en byggði öðrum prestsetrið (Bergsstaði). Síra Björn var vel gefinn og vel að sér, hagmæltur (sjá Lbs.), orðkringur og hagur, talinn með beztu kennimönnum, glaðlyndur, fjörmaður mikill, búsýslumaður hinn mesti og starfsamur, hlaut t.d. 6 rd. verðlaun frá konungi fyrir vefnað 10. sept. 1790 (alþb. 1792, bls. 16). Er talinn hafa þýtt guðsorðarit eftir Ph. Doddridge (hvar sem það er niður komið). --Kona 1: Ingibjörg (d. 1816) Ólafsdóttir á Frostastöðum, Jónssonar. --Dætur þeirra, er upp komust: Margrét átti síra Arnór Árnason aðstoðarprest á Bergsstöðum, Kristín átti síra Þorvald skáld Böðvarsson í Holti (3. kona hans), Elísabet átti síra Jón Pétursson í Steinnesi, Guðrún átti síra Jónas Benediktsson á Höskuldsstöðum (3. kona hans), Þóra átti síra Böðvar Þorvaldsson síðast á Mel (fyrri kona hans), Ingibjörg átti fyrr Guðmund Jónsson að Mælifellsá, síðar Pál hreppstjóra Magnússon að Mælifellsá, Ingibjörg yngri átti fyrr Sigurð sýslumann Snorrason (seinni kona hans) , síðar síra Benedikt Jónasson í Hítarnesi, Þórunn átti síra Gunnlaug Oddsson. --Kona 2 (26. maí 1817): Valgerður Klemensdóttir að Haukagili í Vatnsdal, Jónssonar; þau bl. --Valgerður giftist síðan tvisvar, en bl. með öllum mönnum sínum (HÞ.: SGrBf.).

Prestur, verzlunarstjóri. --Foreldrar: Björn sýslumaður Blöndal í Hvammi í Vatnsdal og kona hans Guðrún Þórðardóttir kaupmanns á Akureyri, Helgasonar. --Tekinn í Bessastaðaskóla 1841, stúdent 1846 (100 st.). Var síðan með móður sinni í vetur og kenndi bræðrum sínum, síðan tekinn í prestaskólann og lauk þar prófi 1849, með 1. einkunn (46 st.). Var síðan aftur með móður sinni og kenndi bræðrum sínum. Fekk Hof á Skagaströnd 1. nóv. 1850, vígðist 25. maí 1851, fekk þar lausn frá prestskap 28. júní 1860 og gaf sig að verzlun, gerðist verzlunarstjóri við Grafarós, síðar kaupfélags Skagfirðinga. Atgervismaður, þjáðist af brjóstveiki hin síðari ár. Var þm. Skagf. 1875–7. --Kona (1851): Arndís Pétursdóttir í Miðhópi, Péturssonar (þau systrabörn). --Dætur þeirra: Guðrún Sofía átti Jón Andrésson í Búðardal og Hvalgröfum, Sigríður Oddný, dó óg. Þau síra Jón og Arndís slitu samvistir og átti hún síðar Brynjólf Oddsson í Rúfeyjum (Vitæ ord. 1851; BjM. Guðfr.; SGrBf.).

--Prestur. Poreldrar: Högni (d. 27. dec. 1819, 84 ára) lögréttumaður Benediktsson í Skógum undir Eyjafjöllum og kona hans Guðný (d. 19. mars 1818, 86 ára) Jónsdóttir lögréttumanns í Selkoti, Ísleifssonar. F. í Skógum. Lærði 1 vetur undir skóla hjá síra Hálfdani Gíslasyni í Eyvindarhólum, tekinn í Skálholtsskóla 1779 og var þar, meðan skóli stóð, til 1784, stúdent frá Gísla rektor Thorlacius 1786, var síðan hjá foreldrum sínum í 3 ár, varð 1789 djákn á Breiðabólstað í Fljótshlíð, en setti bú á Kanastöðum í Landeyjum 1790 og sagði þá af sér djáknastarf-inu, vígðist 21. nóv. 1790 aðstoðarprestur síra Jóns Hálfdanarsonar að Eyvindarhólum og fór þá (1791) að búa í Drangshlíð, fekk Ólafsvöllu 20. júlí 1797, Útskála 29. okt. 1810, í skiptum við síra Bjarna Pétursson, en fór þangað ekki, því að 4. jan. 1811 fekk hann Ofanleiti, og var þar til æviloka, andaðist úr „blóðsótt“. Hann var búsæll og vel efnaður, hinn liprasti til prestsverka, þótt talinn væri gáfumaður í meðallagi. --Kona (1790): Guðrún (d. 19. nóv. 1824, 70 ára) Hálfdanardóttir prests að Eyvindarhólum, Gíslasonar, ekkja síra Páls Magnússonar að Ofanleiti, áttu 2 börn, sem dóu ung (Vitæ ord.; HÞ.; SGrBf.).

Bóndi, stúdent. --Foreldrar: Síra Jón Þorgrímsson að Hálsi í Fnjóskadal og kona hans Katrín Hallgrímsdóttir lögréttumanns á Svalbarði, Sigurðssonar. Lærði fyrst hjá síra Erlendi Jónssyni að Hrafnagili, síðan hjá Jóni konrektor Egilssyni (síðar presti að Laufási), tekinn í Hólaskóla 1766 og var þar um hríð, en lærði síðan aftur hjá síra Jóni Egilssyni að Laufási, varð stúdent 1774 úr heimaskóla frá Gísla byskupi Magnússyni og fekk samtímis predikunarleyfi frá honum. Það stóð til 1784, að hann yrði aðstoðarprestur síra Jóns Jónssonar að Kvíabekk, en Árni byskup Þórarinsson synjaði honum um vígslu, m. a. af því, að hann gæti ekki sýnt stúdentsvottorð; varð þá ekki meira af, enda andaðist síra Jón snemma á næsta ári. Þókti lítt lærður, en harðger og hraustmenni og þó góðmenni. --Bjó fyrst að Ytri Á (Gunnólfsá) í Ólafsfirði, síðan frá 1800 á Þóroddsstöðum, en lét af búskap 1818, fluttist þá að Kvíabekk og andaðist þar. --Kona (1776). Margrét (f. 1732, d. 10. nóv. 1811) Stefánsdóttir prests að Laufási, Einarssonar. --Sonur þeirra: Jón að Skáldalæk, flosnaði upp 1822, lenti að síðustu á sveit og andaðist 1862 (HÞ.).

--Prestur, skáld. --Foreldrar: Síra Þorleifur Jónsson í Hvammi í Hvammssveit og f. k. hans Þorbjörg Hálfdanardóttir prests að Mosfelli í Grímsnesi, Oddssonar. Lærði fyrst hjá föður sínum, síðan 2 vetur hjá síra Búa Jónssyni á Prestbakka. --Tekinn í Reykjavíkurskóla 1846, stúdent 1851, með 1. einkunn (100 st.), próf úr prestaskóla 1853, með 1. eink. (50 st.). --Stundaði kennslu í Rv. næsta vetur, en var síðan hjá foreldrum sínum. Fekk Fljótshlíðarþing 21. maí 1855, vígðist 2. sept. 1855, Ólafsvöllu 22. sept. 1858, fluttist þangað vorið 1859 og hélt til æviloka. Var bæklaður og heilsulinur. Pr. eftir hann: Ljóðmæli og ýmislegt fleira, Kh. 1868. Er talinn hafa átt nokkurn þátt (með Steingrími Thorsteinsson) í Redd-Hannesarrímu; 2 sálmar í sálmab. 1871 og 1886. --Kona (1858): Ingunn Árnadóttir að Núpi í Fljótshlíð, Vigfússonar. --Af börnum þeirra komst upp: Þorbjörg Guðrún. Ingunn ekkja síra Jóns átti síðar Brynjólf Guðmundsson í Vesturkoti hjá Ólafsvöllum (Vitæ ord. 1855; BjM. Guðfr.; Ljóðmæli, Kh. 1868; SGrBf.).

Skáld. --Foreldrar: Páll skáld Þorsteinsson í Pottagerði og kona hans Gunnvör Rafnsdóttir í Grýtu í Eyjafirði, Rafnssonar. Fróðleiksmaður. Eftir hann eru rímur og kvæði í handritum í Lbs. --Prjónaði alls konar föt og ýmislegt með útflúri og litum. --Kona: Margrét Gunnlaugsdóttir að. --Skuggabjörgum í Deildardal, Jónssonar. --Börn þeirra: Margrét átti Hjört Guðmundsson að Uppsölum, Aldís óg., Gunnvör Gunnlaug átti Sigurð Jónsson í Litlu Gröf á Langholti í Skagafirði (JBf. Ritht.; Alm. þjóðvinafél. 1900; BrSv.).

--Bóndi. --Foreldrar: Þorlákur Þorsteinsson á Þórðarstöðum í Fnjóskadal og kona hans Guðlaug Bjarnadóttir að Reykjum í Fnjóskadal, Jónssonar. Setti bú á Þórðarstöðum 1853 og var þar til æviloka. Búmaður mikill og verndaði vel skóg jarðarinnar, smiður góður, fróðleiksmaður og ættvís. Handrit, sem hann safnaði, eru í Lbs. --Kona 1 (5. júlí 1852): Rósa (d. 23. ágúst 1863) Jónsdóttir alþm. að Munkaþverá, Jónssonar. --Börn þeirra, sem upp komust: Jón á Öngulsstöðum, Benedikt á Bakka í Fnjóskadal, Stefán á Þórðarstöðum. --Kona 2 (4. apr. 1878): Björg (d. 22. ág. 1887) Jónsdóttir á Kambsstöðum, Helgasonar, ekkja Benedikts Bjarnasonar í Tungu í Fnjóskadal; þau bl. Launsonur Jónatans (með Ingibjörgu Þorsteinsdóttur, ekkju Tómasar skálds Jónassonar á Hróastöðum): Þórður (Sunnanfari XI; Br7.; o. fl.).

Trésmiður, skáld. --Foreldrar: Jón Helgason í Hvammi í Mýrdal og s. k. hans Steinunn Ólafsdóttir. Lauk trésmíðanámi í Rv. 1852. Var í Kh. 1852–4. Vann að smíðum víða um land. Átti síðast heima á Akranesi. Iðjumaður mikill, vel gefinn og vinsæll. Auk kvæða og smárita í blöðum er pr. eftir hann: Mannamunur, Ak. 1872 (2. pr. Rv. 1912); Grýla, Ak. 1873; Skin eftir skúr, Ak. 1886. --Sögur, ljóðmæli og leikrit (á dönsku) eru í handritum eftir hann í Lbs. --Kona 1 (1853): Guðrún Rannveig Jónsdóttir frá Illugastöðum í Fnjóskadal; þau skildu bráðlega. Dóttir þeirra: Kristín átti Jóhann Einarsson á Víðivöllum í Fnjóskadal. --Kona 2 (1880): Anna Valgerður Bjarnadóttir í Frakkanesi á Skarðsströnd, Jónssonar; þau Jón bl. (Mannamunur, 2. pr.).

--Prestur. --Foreldrar: Síra Jón Magnússon á Staðastað og kona hans Þórunn Hansdóttir klausturhaldara Schevings. Lærði 1770–6 hjá síra Vigfúsi Jónssyni í Miklaholti og varð stúdent úr heimaskóla 6. júlí 1776 frá Bjarna rektor Jónssyni í Skálholti, með góðum vitnisburði, var síðan með foreldrum sínum, vígðist 2. okt. 1780 aðstoðarprestur föður síns, fekk Garða á Akranesi 2. nóv. 1797 og hélt til æviloka, var 1807 kosinn prófastur í Borgarfjarðarsýslu, en afsakaði sig með heilsuleysi, og var það tekið til greina. Var gáfumaður mikill og vel að sér, kenndi nemöndum skólalærdóm, kennimaður góður og vel metinn, en undarlegur í geði. Líkræða er eftir hann í útfm. Sigríðar M. Stephensens, Leirárg. 1806. --Kona 1 (3. júlí 1782): Oddný (f. í sept. 1748, d. 14. maí 1806) Skúladóttir landfógeta, Magnússonar, og voru þau bræðrabörn. Af börnum þeirra komst einungis upp: Guðmundur í Garðaseli. --Kona 2 (19. maí 1811): Guðrún (f. 14. febr. 1784, d. 13. marz 1863) Egilsdóttir í Njarðvík Sveinbjarnarsonar. --Börn þeirra, er upp komust: Magnús var fyrst í Keflavík, var þar viðriðinn ljótt mál, bjó síðan í Minni Vogum, síra Sveinbjörn ritstjóri, síðast prestur í Glæsibæ, Lárus dyravörður í Latínuskólanum (d. á Álptanesi), Egill í Austurkoti í Vogum, síra Oddur í Gufudal, Þórunn átti Andrés Gottfred Pétursson á Brunnastöðum, Árni í Narfakoti. Guðrún ekkja síra Hallgríms átti síðar Vigfús hreppstjóra Halldórsson að Suðurreykjum í „ Mosfellssveit. (Lbs. 48, fol.; Vitæ ord.; HÞ.; SGrBf.).

--Eyfirðingaskáld, yngri. --Foreldrar: Jón Árnason að Hálsi í Eyjafirði og kona hans Ingveldur Kjartansdóttir. Hafði mikla löngun til lækninga og stundaði þær á Stekkjarflötum í Eyjafirði, enda nam eitthvað af Jósep lækni Skaftasyni. Í Lbs. eru eftir hann rímur af Þorleifi jarlsskáldi og af Eggert og Júdasi heimska (samdi hann þar sjálfur efnið); enn fremur eru þar kvæði eftir hann. Andaðist á Melum í Hrútafirði, að því er virðist ókv. og bl.

--Prestur. --Foreldrar: Síra Jón Bergsson að Hofi í Álptafirði og kona hans Rósa Brynjólfsdóttir prests í Heydölum, Gíslasonar. Tekinn í Bessastaðaskóla 1843, stúdent úr Reykjavíkurskóla 1849, með 2. einkunn (69 st.), próf úr prestaskóla 1851, með 1. eink. (43 st.). Var 1 ár heima, síðan sýsluskrifari í Árnesþingi. Fekk 29. okt. 1852 Bjarnanes, vígðist 8. maí 1853. Prófastur í Austur-Skaftafellssýslu 1860–74. Fekk Ás í Fellum 7. sept. 1874, Vallanes 20. mars 1878 og hélt til æviloka. Prófastur í SuðurMúlasýslu 1878–86. Ræða eftir hann er pr. í útfm. Jóns Austmanns, Rv. 1889. --Kona 1: Sigríður (d. 16. mars 1887, 64 ára) Þorsteinsdóttir í Núpakoti undir Eyjafjöllum, Magnússonar. --Börn þeirra, sem upp komust: Rósa óg., Jón bóndi og kaupm. á Egilsstöðum, Þorsteinn guðfræðingur, Brynjólfur að Ási í Fellum. --Kona 2: Guðrún Helga Jónsdóttir að Gilsá í Breiðdal, Einarssonar, ekkja Einars alþm. Gíslasonar á Höskuldsstöðum. Þau síra Bergur bl. (Vitæ ord. 1853; JKr. Prest.; SGrBf.; BjM. Guðfr.).

--Skáld. --Foreldrar: Yfirdómari, Síra Jón Þórarinsson í Vogum í Mývatnssveit og kona hans Helga Tómasdóttir að Ósi, Tómassonar. Tekinn í Hólaskóla 1777, stúdent 15. maí 1781, með ágætum vitnisburði. Var 3 ár skrifari hjá Ólafi stiftamtmanni Stefánssyni. Skráður í stúdentatölu í háskólanum í Kh. 27. febr. 1786, með 2. einkunn, og lauk það ár prófi í heimspeki, með 1. einkunn, en embættisprófi í lögfræði 24. júní 1791, einnig með 1. einkunn í báðum prófum. Varð 19. ág. s.á. varalögmaður sunnan og austan, en 14. jan. 1800 lögmaður sunnan og austan. Yfirdómari í landsyfirdómi 11. júlí 1800 og 1. yfirdómari þar 6. júní 1806. Varð handgenginn Jörundi Jörgensen í valdatöku hans, lamaðist eftir það og var sjúklingur til dauðadags. Fekk lausn frá embætti 18. júní 1817. Hann bjó að Elliðavatni 1 ár (1797–8), í Nesi við Seltjörn 1798–1811, en átti síðan heima í Reykjavík til dauðadags. Eftir hann eru þýðingar nokkurra ritgerða í ritum lærdómslistafélagsins: Um bólusetning, Um pottöskubrennu af þangi, Um ávísun til að bleikja lérept, Um húsblas, Um gáfnapróf, auk kvæða, og hann var skrifari félagsins um tíma. Hann var hinn mesti gáfumaður og helzta skáld sinnar tíðar. Kvæði hans (pr. í Viðey 1833, athugasemdir Bjarma amtmanns Þorsteinssonar í bréfi 10. febr. 1834 í Lbs. 339, fol., „ sjá og Lbs. 462, 4to.). Ræða eftir hann, er hann var í Hólaskóla, í JS. 400, 4to. --Kona (22. júní 1796): Þuríður (d. 26. sept. 1839) Ólafsdóttir á Frostastöðum, Jónssonar. --Dætur þeirra: Helga átti Dr. Sveinbjörn rektor Egilsson, Ragnhildur f.k. Stefáns land- og bæjarfógeta Gunnlaugssonar (Kvæði, formálinn; Útfm., Viðey 1833; Safn til sögu Ísland II; Tímar. bmf..; Skírnir 1925; HÞ.).