--Prestur. --Foreldrar: Síra Högni Guðmundsson í Stöð og kona hans Guðrún Jónsdóttir í Árnanesi, Þorbjarnarsonar. F. í Stöð. Ólst frá 10 ára aldri upp hjá síra Jóni Þorlákssyni að Hólmum, sem átti föðursystur hans, tekinn í Skálholtsskóla 1743, stúdent 6. júní 1747, með ágætum vitnisburði, vígðist 22. okt. 1752 aðstoðarprestur að Hólmum, til fóstra síns, fekk Ás í Fellum 1762, Hallormsstaði 1766, en Hólma 1779, er fóstri hans lét af prestskap (hafði fengið vonarbréf fyrir þeim 4. mars 1777), og hélt til æviloka. Varð aðstoðarprófastur fóstra síns 1760, tók að fullu við prófastsdæminu 1786 og hélt til 1805, er hann fekk lausn frá því starfi. Árið 1763 fal Finnur byskup honum og 1779 Hannes byskup að visitera í þeirra stað fjarðakirkjur flestar í Múlaþingi. Hann var talinn í röð merkustu presta. --Kona (1757): Ingveldur (d. 30. maí 1809, á 88. ári) Gunnlaugsdóttir á Skjöldólfsstöðum, Jónssonar. --Börn þeirra, sem upp komust: Vigfús og Guðmundur, dóu 18 og 19 ára, báðir stúð-, entar, Þórunn átti fyrst síra Jón aðstoðarprest Þorsteinsson að Hólmum, síðar síra Þorgrím Finnsson á Kolfreyjustað, Sigríður f.k, síra Jón Hallgrímssonar að Þingmúla (HÞ.: SGrBf.).