--Prestur. --Foreldrar: Síra Högni Stefánsson að Hrepphólum og kona hans Sigríður Böðvarsdóttir prests í Guttormshaga, Högnasonar. F. á Árgilsstöðum í Hvolhrepp. Síra Guðmundur Böðvarsson að Kálfatjörn, móðurbróðir hans, leiðbeindi honum nokkuð og styrkti hann til náms. Tekinn í Bessastaðaskóla 1818, stúdent þaðan 1824, með vitnisburði í betra meðallagi. --Var síðan 1 ár barnakennari í Arnarbæli, þá hjá foreldrum sínum, en var 1829 skrifari hjá Bonnesen sýslumanni á Velli. --Vígðist 12. sept. 1830 aðstoðarprestur síra Gunnlaugs Þórðarsonar á Hallormsstöðum og þjónaði því prestakalli eftir lát hans, til 1833, er það var veitt öðrum. Fór síðan til föður síns og andaðist úr holdsveiki, ókv. og bl.; siðprúður maður og vandaður (Bessastsk.; Vitæ ord. 1830; SGrBf.; HÞ.).