Þingeyrarhreppur (nefndur Meðaldalsþingsókn í manntali árið 1703 og einnig Dýrafjarðarsveit vestan fram en Dýrafjarðarhreppur vestan fram í Jarðabók Árna Magnússonar og Páls Vídalín árið 1710, Meðaldalsþingsókn í jarðatali árið 1753). Sameinaðist Auðkúluhreppi árið 1990 og hélt nafninu en varð hluti af Ísafjarðarbæ árið 1996 ásamt Mýra-, Mosvalla-, Flateyrar- og Suðureyrarhreppum og Ísafjarðarkaupstað. (Ísafjarðarkaupstaður náði yfir Eyrarhrepp frá árinu 1971, Snæfjallahrepp (Snæfjalla- og Grunnavíkurhreppa) frá árinu 1994 og Sléttuhrepp frá árinu 1995). Prestakall: Sandar til ársins 1932 (í reynd til ársins 1915), Þingeyri frá árinu 1932 (í reynd frá árinu 1915). Sóknir: Sandar til ársins 1911, Þingeyri frá árinu 1911, Hraun í Keldudal til ársins 1971.
Björk Ingimundardóttir. Prestaköll, sóknir og prófastsdæmi á Íslandi. Reykjavík: Þjóðskjalasafn Íslands. 2013.