Auðkúluhreppur (nefndur Auðkúluþingsókn eða Arnarfjörður í manntali árið 1703 en Arnarfjarðarströnd í Jarðabók Árna Magnússonar og Páls Vídalín árið 1710, Auðkúluþingsókn í jarðatali árið 1753), sameinaðist Þingeyrarhreppi árið 1990 sem varð hluti af Ísafjarðarbæ árið 1996 ásamt Mýra-, Mosvalla-, Flateyrar- og Suðureyrarhreppum og Ísafjarðarkaupstað. (Ísafjarðarkaupstaður náði einnig yfir Eyrarhrepp frá árinu 1971, Snæfjallahrepp (Snæfjalla- og Grunnavíkurhreppa) frá árinu 1994 og Sléttuhrepp frá árinu 1995). Prestaköll: Hrafnseyri til 1970, Bíldudalur 1970–1981, Þingeyri frá árinu 1981 (kallinu þjónað af Þingeyrarpresti á árunum 1961–1970, 1975–1981), Álftamýri til ársins 1881. Sóknir: Hrafnseyri, Álftamýri til ársins 1969 (í raun ársins 1966).
Björk Ingimundardóttir. Prestaköll, sóknir og prófastsdæmi á Íslandi. Reykjavík: Þjóðskjalasafn Íslands. 2013.