Húsavíkurhreppur yngri, varð til við skiptingu Húsavíkurhrepps eldra árið 1912, Húsavíkurkaupstaður í árslok 1949. Hreppurinn keypti jarðirnar Bakka og Tröllakot í Tjörneshreppi yngra árið 1915, sem fóru í lögsagnarumdæmi Húsavíkurhrepps árið 1922.1 Jörðin Kaldbakur í Reykjahreppi fór í Húsavíkurkaupstað árið 1954. Reykjahreppur rann saman við Húsavíkurkaupstað árið 2002 undir heitinu Húsavíkurbær, sem varð að sveitarfélaginu Norðurþing árið 2006 með Kelduness-, Öxarfjarðar- (áður Öxarfjarðar-, Presthóla- og Fjallahreppum) og Raufarhafnarhreppum. Prestakall: Húsavík frá árinu 1912. Sókn: Húsavík frá árinu 1912.
Björk Ingimundardóttir. Prestaköll, sóknir og prófastsdæmi á Íslandi. Reykjavík: Þjóðskjalasafn Íslands. 2013.