Borgarneshreppur, varð til við skiptingu Borgarhrepps eldra árið 1913 og var stækkaður á kostnað Borgarhrepps yngra á árunum 1946 og 1977. Hreppurinn varð að Borgarnesbæ árið 1987 en að Borgarbyggð með Norðurárdals-, Stafholtstungna- og Hraunhreppum árið 1994. Þverárhlíðar-, Borgar- og Álftaneshreppar bættust við árið 1998 og Borgarfjarðarsveit (Andakíls-, Lundarreykjadals-, Reykholtsdals- og Hálsahreppar), Hvítársíðu- og Kolbeinsstaðahreppar árið 2006. Prestakall: Borg frá árinu 1913. Sóknir: Borg frá árinu 1913, Borgarnes frá árinu 1940 (kirkja vígð árið 1959).
Björk Ingimundardóttir. Prestaköll, sóknir og prófastsdæmi á Íslandi. Reykjavík: Þjóðskjalasafn Íslands. 2013.