Borgarhreppur yngri, varð til við skiptingu Borgarhrepps eldra í Borgar- og Borgarneshreppa árið 1913. Borgarneshreppur var stækkaður á kostnað Borgarhrepps yngra á árunum 1946 og 1977. Borgarhreppur sameinaðist Borgarbyggð (Norðurárdals-, Stafholtstungna- og Hraunhreppum og Borgarnesbæ) árið 1998 ásamt Þverárhlíðar- og Álftaneshreppum og árið 2006 komu Borgarfjarðarsveit (Andakíls-, Lundarreykjadals-, Reykholtsdals- og Hálsahreppar), Hvítársíðu- og Kolbeinsstaðahreppar inn í Borgarbyggð. Prestaköll: Borg frá árinu 1913, Stafholt frá árinu 1913. Sóknir: Borg frá árinu 1913, Stafholt frá árinu 1913.
Björk Ingimundardóttir. Prestaköll, sóknir og prófastsdæmi á Íslandi. Reykjavík: Þjóðskjalasafn Íslands. 2013.