Þingvallahreppur (svo í manntali árið 1703 en Þingvallasveit í Jarðabók Árna Magnússonar og Páls Vídalín árið 1711, þá sögð fylgja Grímsnesi til hreppsskila, Þingvallasveit í jarðatali árið 1752). Virðist hafa verið hluti af Grímsneshreppi um aldamótin 1700 og eitthvað fram á 18. öld. Þingvallahreppur var sameinaður Grafningshreppi á árunum 1828 til 1861 sem Þingvallahreppur. Þingvallahreppur varð að Bláskógabyggð með Biskupstungna- og Laugardalshreppum árið 2002. Prestakall: Þingvellir til ársins 2011 (prestur á Mosfelli í Mosfellssveit þjónaði á Þingvöllum á árunum 1928–1958, færslur eru í Þingvallabókum), Skálholt frá árinu 2011. Sókn: Þingvellir.
Björk Ingimundardóttir. Prestaköll, sóknir og prófastsdæmi á Íslandi. Reykjavík: Þjóðskjalasafn Íslands. 2013.