--Prestur. --Foreldrar: Bjarni Guðmundsson að Dunki og kona hans Svanborg Guðmundsdóttir prests á Stað á Reykjanesi, Jónssonar. Lærði í Skálholtsskóla, varð síðan skrifari Brynjólfs byskups Sveinssonar fram á sumar 1644, en fekk þá Laugardælur og Hraungerði og hélt til dauðadags, hafði aðstoðarprest (síra Jóhann Þórðarson) frá 1681. Það má ráða af bréfi síra Torfa Jónssonar í Gaulverjabæ 21. sept. 1685 til Þormóðar Torfasonar, að síra Guðmundur hafi verið vel að sér, líkl. einkum í ísl. fræðum. --Hann var og skáldmæltur (orkti kvæði til síra Jóns Daðasonar í Arnarbæli, og er það með „Gandreið“ hans). --Kona (1648). Ásta Ormsdóttir sýslumanns í Eyjum, Vigfússonar. Dætur þeirra: Svanborg f.k. síra Jóhanns Þórðarsonar í Laugardælum, Þórunn átti síra Björn Jónsson að Hrepphólum. Laundóttir hans (með Ólöfu Egilsdóttur): Valgerður átti Þórólf Árnason á Eyri í Bitru (HÞ.; SGrBf.).