Jón Jónsson f. 1687
Einstaklingur í sögulegu manntali
Jón Jónsson (f. 1687)
Jón Jónsson (f. 1687)
Einstaklingur hefur ekki fundist í Íslenzkum æviskrám
Einstaklingur hefur ekki fundist í nafnaskrá Lbs
Mögulegar samsvaranir við Jón Jónsson f. 1687 í Íslenzkum æviskrám
--Prestur. Foreldrar (líkl.): Jón (Jónsson) að Hrauni á Ingjaldssandi og kona hans Borgný Grímsdóttir. --Tekinn í Skálholtsskóla 1712, stúdent þaðan 1718. Vígðist 1. nóv. 1722 prestur að Dýrafjarðarþingum, hóf búskap á Mýrum og var þar til dauðadags. Deilur miklar urðu með honum og Snæbirni Pálssyni á Sæbóli, og lá við 1725, að síra Bjarni bannfærði Snæbjörn; töldu bæði byskup og amtmaður eigi annað fyrir hendi. Bar síra Bjarni hærra hlut í þeirri viðureign. --Var talinn gáfumaður og jafnvel forvitri, sláttumaður mikill og göngumaður og gekk fram á elliár til allra embættisverka. --Heldur lætur Harboe í skýrslum sínum lítið af þekkingu hans og framkomu. --Kona: Þuríður (varð vitstola) Magnúsdóttir að Hólum í Eyjafirði, Benediktssonar; eru talin 10 börn þeirra, en flest svo, að föður þeirra varð lítið yndi af þeim. Þau voru: Jón, Guðrún átti Jón Bárðarson á Hjöllum í Skötufirði, Ragnheiður átti Björn Gíslason í Arnarnesi, bl., Ingibjörg f. k. Jóns Pálssonar í Skálavík, Anna (átti 2 dætur), Magnús bl., Indriði bl., Jón annar bl., Gunnhildur bl. (HÞ.. SGrBf.).
--Prestur. --Foreldrar: Síra Jón Þórðarson að Tjörn í Svarfaðardal og kona hans Sigríður Markúsdóttir prests að Laufási, Geirssonar. Fekk Munkaþverárklaustursprestakall 22. apr. 1716, vígðist 3. maí s.á., varð 1730 aðstoðarprestur síra Halls Eiríkssonar að Höfða, fekk það prestakall 1737, eftir hann, og hélt til æviloka. Hann fekk því á orkað (konungsbréf 19. júní 1744), að sókn bæja til kirkna var breytt haganlegar í prestakalli hans. Fær heldur góðan vitnisburð í skýrslum Harboes. --Kona: Málmfríður (d. 1737) Hallsdóttir prests að Höfða, Eiríkssonar; (HÞ.; SGrBf.).
Prestur, --Foreldrar: Jón Guðmundsson í Siglunesi og kona hans Steinvör Ólafsdóttir, Ormssonar. Tekinn í Hólaskóla 1616, stúdent 1625, Var sveinn Þorláks byskups Skúlasonar 1628–33, fór utan 1634, skráður í stúdentatölu í háskólanum í Kh. 4. maí 1635, kom til landsins aftur 1637, hjálpaði Þorláki byskupi við biblíu hans veturinn 1637–8, heyrari í Hólaskóla veturinn 1638–9, vígðist 4. júní 1639 kirkjuprestur að Hólum, fekk Barð 1649 og hélt til æviloka. --Var vel að sér, fornfróður, hafði bréfaskipti við Ole Worm (sjá Epistolæ hans), orkti bæði á latínu og ísl. (sjá Lbs., sjá og kvæði pr. framan við málfræði Runólfs Jónssonar, Kh. 1651). --Hann byrjaði að taka saman ísl. orðabók, samdi rit um drauma (,Oedipus“), fornvísnaskýringar, þýddi sitt hvað, en flest mun þetta nú glatað. --Kona (1643): Björg Ólafsdóttir prests á Breiðabólstað í Vesturhópi, Erlendssonar; hafði hann áður (1641) átt með henni barn í lausaleik (sakeyrisreikningar Hegranesþings). --Börn þeirra: Síra Jón eldri á Barði, síra Páll í Goðdölum, Guðmundur heyrari í Hólaskóla, Krákur stúdent í Stóra Holti í Fljótum, Jón yngri í Tungu í Fljótum, Hildur átti Erlend lögréttumann Jónsson á Sökku, Vilborg átti Jón varalögmann Eyjófsson, Steinvör átti Ólaf sýslumann Einarsson í Skaftafellsþingi, Sigríður óg. (HÞ.; SGrBf.).
--Prestur. --Foreldrar: Síra Jón Þorgrímsson á Stað í Kinn og kona hans Steinvör Jónsdóttir prests og skálds að Laufási, Magnússonar. Lærði fyrst 1 vetur (1700–1) hjá síra Þórði Oddssyni á Völlum, síðan 4 vetur hjá síra Jóni Hjaltasyni í Saurbæ, tekinn í Hólaskóla 1705, varð stúdent 1708, vígðist 9. júní 1709 aðstoðarprestur föður síns, gegndi og jafnframt í ár (1711–12) Eyjadalsá, fekk Háls í Fnjóskadal 10. sept. 1712 og hélt til æviloka. Árið 1718 rauf þak af Hálskirkju; féll þá síra Þorgrímur af þakinu ofan í kirkjugarðinn, fótbrotnaði og lá yfir 1 ár í því meini. --Kona (16. okt. 1710): Þórunn (d. 1752) Jónsdóttir prests í Saurbæ í Eyjafirði, Hjaltasonar. --Börn þeirra: Síra Jón að Hálsi, síra Hjalti í Nesi, Ragnheiður átti síra Ólaf Brynjólfsson í Kirkjubæ í Tungu (HÞ.; SGrBf.).
--Lögsagnari á Eyri í Seyðisfirði. --Foreldrar: Jón Sigurðsson að Skarði í Ögursveit, síðar í Vigur, og kona hans Guðbjörg Jónsdóttir (úr Gufudalssveit). --Varð lögréttumaður 1724, settur sýslumaður í Barðastrandarsýslu 1735–7, í Ísafjarðarsýslu 1742–3. Búforkur mikill og fjárgæzlumaður, vitur og lögvís, harðger og eigi alls kostar jafnaðarmaður. Átti deilur við Erlend sýslumann Ólafsson, Mála-Snæbjörn Pálsson o. fl. --Kona: Guðrún Árnadóttir prests í Hvítadal, Jónssonar. --Börn þeirra: Magnús í Súðavík, Ólafur (Olavius) kammersekreteri, Jón varalögmaður í Víðidalstungu, Þórður stúdent í Vigur, Sigurður stúdent í Ögri, Ingibjörg átti síra Jón Sigurðsson á Rafnseyri, Solveig átti síra Jón Sigurðsson í Holti í Önundarfirði. Launsonur Ólafs (með Elísabetu Þórðardóttur smiðs, Halldórssonar): Síra Árni í Gufudal (BB. Sýsl.).