Jón Jónsson f. 1670
Einstaklingur í sögulegu manntali
Jón Jónsson (f. 1670)
Jón Jónsson (f. 1670)
Einstaklingur hefur ekki fundist í Íslenzkum æviskrám
Einstaklingur hefur ekki fundist í nafnaskrá Lbs
Mögulegar samsvaranir við Jón Jónsson f. 1670 í Íslenzkum æviskrám
--Prestur. --Foreldrar: Jón Helgason að Höfða á Höfðaströnd og kona hans Herdís Ásgrímsdóttir skálds að Höfða, Magnússonar. Vígðist 1694 að Þönglabakka (sumir segja 1693 aðstoðarprestur síra Þorkels Þórðarsonar þar, sem fórst í snjóflóði s. á.), var dæmdur frá prestskap 10. júní 1696 vegna of bráðrar barneignar með konu sinni, fekk veiting fyrir Grundarþingum 29. júlí 1697, sagði af sér prestskap þar 30. mars 1746. --Kona (14, júlí 1695). Sigríður Þorkelsdóttir prests á Þönglabakka, Þórðarsonar. --Börn þeirra: Þuríður átti síra Jón Sigfússon, síðast í Saurbæ í Eyjafirði, Þóra átti Jón að Rauðalæk Helgason, Sigurðssonar, Herdís, Þorkell, Ólafur á Guðrúnarstöðum, Benedikt á Krossastöðum, Gísli, Jónar 2, Björg átti Hallgrím Hallgrímsson á Arnarstöðum, Árni (HÞ.: SGrBf.).
--Prestur. --Foreldrar: Jón (föðurnafn ekki greint) og Sesselja Einarsdóttir, borgfirzk., Hann ólst upp hjá Þórði byskupi Þorlákssyni og varð skrifari hans, fekk Miðdal um 1698 og hélt til æviloka, andaðist í miklu bólu. --Kona: Ingibjörg (f. um 1677, d. um 1756–7) Erlingsdóttir í Brautarholti, Eyjólfssonar. --Börn þeirra: Sigurður stúdent að Grímslæk, Steinunn f.k, síra Þorláks Sigurðssonar að Kirkjubæjarklaustri (HÞ; SGrBf.).
Bóndi í Melrakkadal. Faðir: Jón Jónsson (sjá þar) að Helgavatni. Eftir Gísla eru til (í Br. Mus.) skýringar á Jónsbók. Hann skrifaði og upp mörg eintök af Jónsbók „handa Strandamönnum“. Honum er og eignaður kveðskapur (sjá Ísl. gát. o.s.frv. IV) (PEÓl. Mm.; Lbs.).
--Prestur. --Foreldrar: Síra Jón Halldórsson í Kaupangi og kona hans Sigríður Jónsdóttir, Ásgrímssonar. Hann var í móðurætt að 2. og 3. í frændsemi við Odd byskup Einarsson, og mun því hafa komizt á Suðurland og lært í Skálholtsskóla og mun vera sá hinn sami, sem er í yfirreið með Oddi byskupi 1607, vottur í Skálholti 12. dec. 1611 og orðinn prestur í Árnesþingi (aðstoðarprestur?) 1612, greiðir þá sekt fyrir einfalt legorðsbrot (sakeyrisreikningar Árnesþings 1612–13), varð prestur að Skarði á Skarðsströnd um 1617 og hefir verið það nokkur ár, varð 1622 í annað sinn að greiða sekt fyrir einfalt legorðsbrot (sakeyrisreikningar Dalasýslu), en er um 1627 a. m. k. kominn í Mýrasýslu (lukti þá sekt fyrir áflog (sakeyrisreikningar Mýrasýslu 1627–S8), hefir um það bil eða litlu fyrr verið orðinn prestur í Borgarþingum, en þar getur hans í skjölum 1634. Hann bjó á Ferjubakka, lét af prestskap 1660, fluttist þá að Ölvaldsstöðum og hafði tillag frá nokkurum helztu prestsetrum, vestra. Hann mun sá (en ekki nafni hans að Staðarhrauni), sem bar galdur á Gísla Sigurðsson á Beigalda (Alþb. 1656). --Kona 1: Guðrún Guðmundsdóttir prests á Stað á Reykjanesi, Jónssonar. Dætur þeirra: Sigríður, Þóra d. óg. og bl., Halldóra 3. kona Gísla Ólafssonar í Bæ í Miðdölum. --Kona 2: Kristín Marteinsdóttir á Álptanesi, Halldórssonar (HÞ. SGrBf.).
--Prestur. --Foreldrar: Jón lögréttumaður Guðmundsson að Helgavatni í Þverárhlíð (síðar að Síðumúla), Hallssonar, og kona hans Kristín Einarsdóttir að Sturlureykjum, Ásmundssonar. Lærði í Skálholtsskóla og stúdent þaðan, var skrifari Odds byskups Einarssonar á síðustu árum hans, vígðist 11. júlí 1630 að Ögurþingum, fekk Nesþing 1632 og hélt til dauðadags, bjó að Þæfusteini og andaðist þar. --Hann var maður ráðsettur og hófsmaður hinn mesti, hafði óbeit á drykkju; auðgaðist vel. --Kona (1632). Jórunn (enn á lífi 1696) Illugadóttir á Kalastöðum, Vigfússonar. --Börn þeirra: Síra Jón að Staðarhrauni, Guðrún átti síra Sigurð Helgason í Brekkubæ undir jökli, Rósa átti Guðlaug Þórðarson í Gröf í Eyrarsveit, Sesselja bl., Kristín bl. (HÞ.; SGrBf.).
--Prestur. --Foreldrar: Síra Jón Guðmundsson í Hítardal og kona hans Guðríður Gísladóttir lögmanns, Þórðarsonar. Lærði hjá föður sínum, skráður í stúdentatölu í háskólanum í Kh. 28. sept. 1628, varð þar fyrstur Íslendinga attestatus, kom til landsins 1630, vígðist 24. okt. 1630 aðstoðarprestur föður síns, fekk vonarbréf fyrir Hítardal 11. mars 1633, tók við staðnum 1634, við lát hans og hélt til æviloka. --Hann var fremstur klerka í Skálholtsbyskupsdæmi, auðmaður mikill, en þó rausnsamur og höfðingi. Vitur maður og: manna bezt að sér um marga hluti. Bréf hans 3 um náttúru landsins og menning landsmanna eru prentuð með ritum Th. Browne's læknis (sjá Þorv. Th. Landfr. Ísl. Il). Eftir hann er merk ættartölubók (brot í frumriti í Lbs., uppskriftir í Lbs. og AM.). Fleira mun og mega finna eftir hann í handritum, þ. á. m. merka uppskrift af Landnámabók (AM. 106, fol.). --Kona (konungsleyfi 16. apr. 1642 vegna þremenningsfrændsemi): Helga (f. 1626, d. 13. ág. 1693) Árnadóttir lögmanns, Oddssonar. --Börn þeirra, sem upp komust: Þorsteinn að Skarði, Guðríður átti Jón Hólabyskup Vigfússon (PEÓI. Mm.; Saga Ísl. V; SGrBf.; o. fl.).
--Prestur. --Foreldrar: Jón Eyjólfsson, síðar sýslumaður í Nesi við Seltjörn og varalögmaður, og kona hans Vilborg Sveinsdóttir prests á Barði, Jónssonar. Lærði hjá móðurföður sínum, tekinn í Skálholtsskóla 1685, stúdent þaðan 1687, með lofsamlegum vitnisburði, var með Heidemann landfógeta utanlands veturinn 1687–8, fór utan aftur 1692 og skráður í stúdentatölu í háskólanum í Kh. 8. dec. s. á., varð þar attestatus árið eftir (1693), með 2. einkunn, talinn þá manna bezt að sér í grísku, nefndur jafnvel af lærðum mönnum í háskólanum „Íslendingurinn gríski“. Var hjá foreldrum sínum 1693–5 (sumir segja, að hann hafi farið utan aftur 1694 og komið 1695), en var heyrari að Hólum 1695–9, vígðist prestur að Þingeyraklaustri 30. júlí 1699 og var þar til 1702, fekk veiting amtmanns fyrir Þingvöllum 15. ág. 1702, en komst aldrei þangað vegna mótþróa Jóns byskups Vídalíns, fekk Völlu í Svarfaðardal 1704 og hélt til dauðadags. Hann var ókv. og bl. Var meir hneigður til bóka en búsýslu, tungumálamaður mikill, latínuskáld (sjá Lbs.), ágætlega að sér í íslenzkum fræðum, yfirleitt talinn lærðastur presta í Hólabyskupsdæmi um sína daga. Ritstörf: Vallaannáll (Ann. bmf. I), skýringar á Aldarhætti síra : Hallgríms Péturssonar (pr. í Vísnabók, Hól. 1748). Óprentað: Onomasticon (Saml., Lbs., A M.), Ævisaga Lúthers eftir Sechendorff, þýðing (AM., Thott.), Þýðing nýja testamentis (Lbs.), fornyrðaskýringar í lögum, kvæðum o. fl. (sjá Lbs.). Skrifaði margt handrita og skjala, og er sumt varðveitt (Saga Ísl. VI; Ann. bmf. I; HÞ... SGrBf.).
Bóndi, stúdent. --Foreldrar: Jón (d. um 1681) Ásmundsson á Ormarsstöðum í Fellum og kona hans Ingunn Vigfúsdóttir prests að Hofi í Vopnafirði, Árnasonar. Tekinn í Skálholtsskóla 1686, hefir orðið stúdent um 1690–2, bjó síðan á Ormarsstöðum, enn á lífi 27. ág. 1706, ekki ólíklegt að hann hafi andazt í miklubólu. --Kona 1: Sigríður (d. í sept. 1699) Jónsdóttir prests í Bjarnanesi, Eiríkssonar; hún andaðist af barnsförum og barnið einnig. --Kona 2: Rannveig (f. um 1654, enn á lífi 1735) Stefánsdóttir prests í Vallanesi, Ólafssonar, ekkja síra Egils Guðmundssonar að Stafafelli; þau bl. (HÞ.).
--Umboðsmaður, stúdent? --Foreldrar: Jón klausturhaldari Eggertsson á Möðruvöllum (Ökrum) og kona hans Sigríður (hin stórráða) Magnúsdóttir að Sjávarborg, Jónssonar. Lærði í Hólaskóla, en óvíst er, hvenær hann hefir orðið stúdent. Hann kenndi Þorleifi Skaftasyni, síðar presti, undir skóla og kom honum í Hólaskóla 1699. Bjó á Ökrum í Blönduhlíð og andaðist þar. --Hann hélt Reynistaðarklaustur 1 ár, en hafði mörg ár Fljótaumboð. Hann mun hafa verið allmikill fyrir sér (sjá alþb. 1694, nr. 43). --Kona: Ragnhildur Eiríksdóttir prests og skálds að Höfða, Hallssonar. --Börn þeirra: Jón skáld á Steinsstöðum og í Héraðsdal, Eiríkur að Reykjum í Tungusveit, Ragnheiður átti Svein Bjarnason á Ökrum (HÞ.).