Jón Jónsson f. 1682
Einstaklingur í sögulegu manntali
Jón Jónsson (f. 1682)
Jón Jónsson (f. 1682)
Einstaklingur hefur ekki fundist í Íslenzkum æviskrám
Einstaklingur hefur ekki fundist í nafnaskrá Lbs
Mögulegar samsvaranir við Jón Jónsson f. 1682 í Íslenzkum æviskrám
Sýslumaður. --Foreldrar: Jón (d. 2. mars 1707) í Tungu í Fljótum Sveinsson prests á Barði, Jónssonar, og kona hans Helga (d. 19. okt. 1723, 67 ára) Guttormsdóttir að Hraunum í Fljótum, Jónssonar. Lærði í Hólaskóla, stúdent 1704, varð 1705 djákn að Möðruvallaklaustri, fór utan 1708, skráður í stúdentatölu í háskólanum í Kh. 3. dec. s. á., kom til landsins næsta sumar og var í þjónustu Lárusar sýslumanns Schevings, sem fyrir siglinguna, og með honum einnig utanlands, settur alþingisskrifari 16. júlí 1710, fekk 16. júlí 1712 vonarbréf fyrir því starfi og var þá vara-alþingisskrifari, en áfram í þjónustu Lárusar Schevings 4 ár, setti 1716 bú í Grenivík og átti þar heima til æviloka, fekk hálft Munkaþverárklaustur 18. júlí 1722 (staðfesting konungs 23. maí 1723), fekk Vaðlaþing 29. mars 1727, lausn frá embætti 20. febr. 1748. Hann var talinn ekki bráðskarpur, en gerðist lærður maður af iðjusemi. Hann var búhöldur góður og gerðist vel efnaður, en þó greiðvikinn, vel látinn af háum og lágum. Hann var skáldmæltur (sjá Lbs.). Honum eru eignaðar þýðingar á náttúru- og þjóðarétti og almennri veraldarsögu Ludv. Holbergs, biblíukjarna og jafnvel Nýja testamenti og skýringar á orðunum skattur og þingfararkaup, en ekkert af þessu mun nú kunnugt í handritum. --Kona (12. júní 1716): Guðrún (d. 1765) Þórarinsdóttir í Grenivík, Vigfússonar. --Börn þeirra: Þórarinn sýslumaður á Grund, Málmfríður átti Svein lögmann Sölvason (Útfm. eftir Svein lögm. Sölvason, Kh. 1769; BB. Sýsl.; HÞ.).
Stúdent. --Foreldrar: Jón prentari Snorrason í Miklaholti í Byskupstungum og kona hans Guðrún Þorsteinsdóttir. --Mun hafa lært í Skálholtsskóla, líklega orðið stúdent 1700 og andazt í bólunni miklu (HÞ.).
Lögréttumaður, stúdent. --Foreldrar: Síra Jón Ólafsson að Fellsmúla og f. k. hans Margrét Jónsdóttir prests að Fellsmúla, Jónssonar. Tekinn í Skálholtsskóla um 1703, stúdent 1707 eða 1708, bjó í Haukadal í Byskupstungum frá 1716 til æviloka, varð lögréttumaður í Árnesþingi 1727. --Kona 1: Solveig (d. 1725) Jónsdóttir lögréttumanns að Hliði á Álptanesi, Péturssonar, ekkja síra Jóns Erlingssonar á Ólafsvöllum; þau Ólafur líkl. bl. --Kona 2: Guðrún (f. um 1693) Eyjólfsdóttir prests á Snæúlfsstöðum, Björnssonar. --Börn þeirra: Loptur í Ósgerði í Ölfusi, Margrét átti Jón Þorsteinsson. Laundóttir Ólafs: Guðrún (f. um 1714) giftist og átti börn (HÞ.).
--Prestur. --Foreldrar: Síra Jón Stefánsson að Mosfelli í Grímsnesi og kona hans Þorgerður Jónsdóttir kolls á Draflastöðum, Ormssonar. Fekk Landþing 12. maí 1628 og hélt til æviloka; bjó að Fellsmúla. --Kona 1: Margrét Hallsdóttir prests í Bjarnanesi, Hallvarðssonar. --Börn þeirra: Sigríður átti Björn Þorvaldsson frá Skammbeinsstöðum, Oddur í Austvaðsholti, Illugi. --Kona 2: Ingiríður Eiríksdóttir prests að Hálsi í Hamarsfirði, Höskuldssonar. --Börn þeirra: Eiríkur á Hjallanesi, Margrét f.k. síra Jóns Ólafssonar að Fellsmúla (HÞ.; SGrBf.).
--Prestur. --Foreldrar: Síra Jón skáld á Melum Jónsson og kona hans Margrét Daðadóttir sýslumanns á Eyrarlandi, Árnasonar. Lærði í Skálholtsskóla. Var í yfirreið með Brynjólfi byskupi Sveinssyni 1664, er til heimilis að Skrauthólum á Kjalarnesi 1669. Fekk meðmæli Jóhanns fógeta Kleins 28. júlí 1670 til Mela- og Leirársóknarmanna, að hann yrði kjörinn prestur þeirra, predikaði að Leirá 31. s.m., og lýstu þá sóknarmenn þar yfir því, að þeir hefðu ekki neitt í móti honum, ef Halldór yngri Jónsson frá Reykholti (síðar prestur í Reykholti) væri ekki fáanlegur, en hann afsalaði sér tilkalli til Mela 1. ág. s. á., og var þá Helgi 7. s.m. kjörinn og kallaður til prests að Melum af sóknarmönnum, vígðist 14. s.m. og hélt staðinn til æviloka (úttekt fór fram 27. maí 1671, full afhending 28. maí 1672). Hann var „ólíkur föður sínum“ og „lausingi“ (JH. Prest.). --Kona (1671). Ása (d. í Flekkudal 1699) Torfadóttir sýslumanns í Árnesþingi, Erlendssonar; þau bl. Hún arfleiddi Hans Willumsson (Vilhjálmsson) Londemann að mestöllum eignum sínum, fekk (sjá Alþb..1698) staðfesting konungs að arfleiðslunni 17. apríl 1697 (HÞ.; SGrBf.).
--Sýslumaður. --Foreldrar: Síra Jón Jónsson á Melum og kona hans Margrét (d. 28. maí 1682, á 81. ári) Daðadóttir á Eyrarlandi, Árnasonar. Hann var um hríð utanlands ungur og nam trésmíðar (sjá JH. Ætt.), kom til landsins 1651. Nokkuru eftir það gekk hann í þjónustu Bessastaðafógeta, fekk Kjósarsýslu 1663, en gegndi og oft sýslumannsstörfum í Gullbringusýslu, bjó á Jörfa á Kjalarnesi. Hann hefir samið rit um galdur, „Einföld deklaration“ (JS. 606, 4to.). Hann týndist á útsiglingu á Höfðaskipi fyrir Langanesi. --Kona: Margrét (f. um 1640, d. 1716) Pétursdóttir Gams, er var þjónustumaður á Bessastöðum og á Arnarstapa. --Börn þeirra: Jónas (eða Jón) Gam rektor í Næstved, Pétur lögréttumaður að Vallá (f. um 1678, d. 1725), Sofía s.k. Lárusar sýslumanns Schevings (BB. Sýsl.; HÞ.).