--Prestur. --Foreldrar: Högni Þorbjarnarson að Álptárósi (Marteinssonar í Álptanesi, Halldórssonar) og kona hans Arnfríður Torfadóttir, Þorsteinssonar. Lærði fyrst hjá síra Jóni Halldórssyni í Hítardal og fekk góðan vitnisburð hjá honum, tekinn í Skálholtsskóla 1715, stúdent 1718, vígðist 3. nóv. 1720 aðstoðarprestur síra Jóns Jónssonar í Hítarnesi, setti bú á Kolbeinsstöðum og mun hafa búið þar til dauðadags, fekk Hítarnesþing 1. sept. 1738, við uppgjöf síra Jóns, og hélt til æviloka. Í skýrslum Harboes fær hann lélegan vitnisburð. --Kona 1: Ingveldur (d. 1734) Sigurðardóttir að Hamraendum í Stafholtstungum, Jónssonar. --Börn þeirra: Síra Sigurður í Hítarnesi, Guðrún átti Sigurð á Ánastöðum Sigurðsson sýslumanns í Mýrasýslu, Högnasonar. --Kona 2: Guðrún (ekki getið faðernis); þau bl. --Kona 3: Guðrún Magnúsdóttir sýslumanns, Hrómundssonar; þau bl. (HÞ.; SGrBf.).