Sýslumaður. --Foreldrar: Vigfús lögréttumaður í Lögmannshlíð Jónsson (lögmanns, Sigurðssonar) og kona hans Guðrún Halldórsdóttir lögmanns, Ólafssonar. Óvíst er, hvort hann hefir verið stúdent (og þá úr Hólaskóla, um 1654), en 1655– 7 er hann í Skálholti, í þjónustu Brynjólfs byskups, enda systursonur konu hans. --Hefir farið að búa í Lögmannshlíð um 1660 og var þar til æviloka, varð fyrst lögréttumaður í Vaðlaþingi, síðar lögsagnari og sýslumaður í Þingeyjarþingi að hálfu um 1668–9, lét af því starfi 1683, og voru þá lesnir upp í lögréttu vitnisburðir hans. --Hann var valmenni, búhöldur í meðallagi, góðviljaður, en þó nokkuð féfastur. --Kona (kaupmáli 26. sept. 1660): Helga (d. 1688) Magnúsdóttir sýslumanns, Arasonar. Dóttir: Þorbjörg átti Pétur Bjarnason að Staðarhóli (BB. Sýsl.; HÞ.).