--Prestur. --Laungetinn sonur Jóns Jakobssonar, síðar sýslumanns að Espihóli, og Rósu Halldórsdóttur prests að Staðarhrauni, Sig" urðssonar. Ólst upp með föðurmóður sinni, Guðrúnu Jónsdóttur að Búðum, lærði 6 vetur hjá síra Vigfúsi Jónssyni í Miklaholti, stúdent 6. júlí 1796, með góðum vitnisburði frá Bjarna rektor Jónssyni í Skálholti. Var síðan hjá föðurmóður sinni, fór utan 1782, skráður í stúdentatölu í háskólanum í Kh. 10. febr. 1783, með 1. einkunn, lauk heimspekiprófi 1784, með 1. einkunn, en guðfræðaprófi 15. júní 1786, með 2. einkunn, varð síðan prestur í Noregi, síðast í Öster-Molands og Stokken prestakalli. --Talið er, að honum hafi verið boðið byskupsdæmi að Hólum 1799, en hann afþakkað. Faðir hans útvegaði honum erfðaréttindi eftir sig. Hann var latínuskáld, og er sumt prentað af slíkum kveðskap hans, enn fremur ritlingur, „Et Par Ord til Moderlandet Norge“ (Kria 1815) og varðar tengsl Noregs og Íslands. --Kona: Charlotte Martine, dóttir Barths sórenskrifara, og er merk ætt af þeim í Noregi (HÞ. Guðfr.; HÞ; sjá PEÓl. JS.).

Prestur, --Foreldrar: Síra Jón Sveinsson á Stað í Steingrímsfirði og kona hans Guðríður Jónsdóttir. F. á Prestbakka. Lærði fyrst hjá föðurbróður sínum, síra Guðlaugi síðast að Vatnsfirði, tekinn í Skálholtsskóla 1776, stúdent 20. apr. 1780, vígðist 3. ág. 1783 aðstoðarprestur föður síns, bjó í Grænanesi, fekk Prestbakka í Hrútafirði 18. dec. 1794, Hestþing 2. apr. 1811, Miklaholt 11. dec, 1812, í skiptum við síra Jón Bachmann, tók við því 1813, en sleppti því 1817 vegna fátæktar og niðurníðslu staðarins, hafðist við á ýmsum stöðum, var millibilsprestur í Breiðavíkurþingum 1822–6, fekk Grímsey 22. okt. 1826, fór norður og dvaldist að Hrafnagili veturinn 1826–T, fór vorið 1827 út í Grímsey, sagði af sér prestskap 9. júní 1828, fór þá að Miklagarði og andaðist þar. Talinn ekki skarpur að gáfum, en þó andríkur kennimaður, heldur hégómlegur, enginn búsýslumaður og veitti jafnan mjög erfiðlega. --Kona: Guðrún (d. 14. apr. 1832, 86 ára) Sumarliðadóttir að Víðidalsá, Pálssonar. --Börn þeirra, sem upp komust: Sumarliði (nefndi sig Vídalín eftir Víðidalsá) fór utan og komst í sjóliðið, Margrét óg., Jón „Vídalín“ garðyrkjumaður og hreppstjóri síðast að Reykjarfirði í Arnarfirði, Ljótunn átti Jón Þorvaldsson í Vallakoti í Andakíl, Guðríður átti Jón hreppstjóra Þórðarson á Hvanneyri og Gullberastöðum (Vitæ ord.; HÞ.; SGrBf.).

--Leyndarskjalavörður. Launsonur Jóns (er var skólagenginn, fór utan og varð hermaður í Kh., andaðist 19. maí 1758, þrítugur að aldri) Teitssonar (sýslumanns að Reykhólum, Arasonar) og Elínar Einarsdóttur sýslumanns í Strandasýslu, Magnússonar. Hann ólst upp með móðurfrændum sínum, á Sveinsstöðum í Neshreppi og í Ljáskógum, var tekinn í Skálholtsskóla 1765, fór utan 1770 og var tekinn í Maríuskóla (Frúarskóla) í Kh., stúdent þaðan 1773, skráður í stúdentatölu í háskólanum í Kh. 31. júlí s.á., varð baccalaureus í heimspeki 6. okt. 1774, lauk prófi í lögfræði 22. mars 1776, með 1. einkunn í báðum prófum, lagði stund á fornfræði og varð aðstoðarmaður í leyndarskjalasafni konungs 1780, prófessor að nafnbót 1784; fór til Englands með styrk úr sjóðnum ad usus publicos til rannsókna 1786, varð Dr. jur. í háskólanum í St. Andrews 1788. Varð mikils metinn í Englandi, t.d. boðið að vera forstöðumaður í British Museum, en hann hafnaði. Varð yfirmaður leyndarskjalasafns konungs ll. jan. 1791, justitsráð 17. febr. 1794, etatsráð 21. ág. 1810, r. af dbr. 28. jan. 1811, konferenzráð 1. nóv. 1828. Hann var í skóla- og dómsmálanefnd, sem sett var 12. dec. 1799. Hann var tryggur maður og vinfastur og studdi allmjög landa sína í Kh. Hann varð frægur af því, að hann fann fyrstur Bjólfs- (Beowulfs-) kviðu og lét síðar prenta í fyrsta sinn, Kh. 1815. Hann sá um prentun margra fornrita (Kristinréttur Grágásar 1776, Konunga erfðatal 1777, Kristinréttr Árna byskups 1777, Analecta 1778, Vafþrúðnismál 1779, Dipl. Arna-Magnæanum 1786, Eyrbyggja saga 1787, Fragment Chr. TI, 1810, Landslög hin nýju 1817), en hefir ekki samið mikið sjálfur: „Udkast til en Karakteristik af... Kronprinsen af Danmark 1793“ (á ensku 1791, á þýzku 1793), „Bevis at de Irske.... fortjene en udmærket Rang“ (i Det kgl. Vidensk. Selsk. 1794). Bréfagerðir hans nokkurar eru í Lbs. --Kona (1792) var ekkja eftir Hvidsteen bruggara, ung og auðug; börn þeirra ílendust í Danmörku (Bricka; Óðinn IX; Sunnanfari XIlI; o. fl.).

--Prestur. --Foreldrar: Síra Jón Jónsson á Barði og kona hans Guðrún Björnsdóttir umboðsmanns Ólsens á Þingeyrum. Tekinn í Reykjavíkurskóla 1846, stúdent 1854, með 2. einkunn (59 st.). Var síðan 1 vetur kennari hjá Trampe stiftamtmanni, næsta vetur nam hann læknisfræði hjá Jóni landlækni Hjaltalín, en hætti því námi, enda átti hann þá launbarn. Fór þá norður í Húnavatnssýslu og stundaði kennslu og lækningar, átti þar annað launbarn. Setti bú að Höfða í Höfðaströnd 1864. --Fekk leyfi til prestskapar 30. júní 1870, þótt ekki hefði tekið guðfræðapróf, og Dýrafjarðarþing 11. ág. 1870, vígðist 21. s.m., bjó lengstum að Gerðhömrum, fekk Sanda 16. sept. 1882, Stað á Reykjanesi 6. maí 1884, fekk þar lausn frá prestskap 21. febr. 1895, frá fardögum s.á., var síðast á Ísafirði og andaðist þar. --Kona (1864): Sigríður (f. 5. nóv. 1833, d. 7. okt. 1910) Snorradóttir í Klömbur, Jónssonar. Börmn þeirra, sem upp komust: Síra Magnús (Runólfur Magnús) á Stað í Aðalvík, Ingunn Sigríður átti Guðmund Snorra söðlasmið Björnsson á Flateyri og í Rv., Margrét Guðrún átti Jón Auðun Jónson alþm. og frkv.stj. á Ísafirði, Þorbjörg Ágústa kennari. Launbörn síra Jóns (með Helgu nokkurri): Hjálmar lærði skósmíðar, fór til Vesturheims, (með Hólmfríði Guðmundsdóttur, er síðar átti Eyvind Jónsson í Rv.): Jónína Sigurrós átti Odd Gíslason á Sæbóli, síðar á Ísafirði (Óðinn V; Nýtt kirkjubl. 1907; SGrBf.).

--Bóndi að Kleifum í Gilsfirði. --Foreldrar: Jón Ormsson í Króksfjarðarnesi og kona hans Kristín Eggertsdóttir. Var fróðleiksmaður, hefir samið sögu af Saura-Gísla (hdr. í Lbs.). --Kona 1: Anna Einarsdóttir, Skúlasonar stúdents að Stóru Borg, Þórðarsonar. --Dætur þeirra: Kristín Sofía óg., Anna Þórdís átti Jón skáld Eldon vestan hafs, Margrét átti Theodór Jónsson í Stóra Holti í Saurbæ, Jónína átti Lárus Einarsson að Ásgeirsá. --Kona 2: Ingveldur Sigurðardóttir. --Dætur þeirra: Hildur átti Eggert Magnússon í Tjaldanesi, Ragnheiður giftist vestan hafs, Anna átti Stefán Eyjólfsson að Kleifum (BB. Sýsl.; o.fl.).

. Bóndi. Foreldrar: Jón vinnumaður Jónsson í Reykjahlíð í Mývatnssveit og Friðbjörg Sigurðardóttir blinda í Sellandi, Sigurðssonar. Bóndi í Vogum við Mývatn 1854–65.--Lærður trésmiður, greindur maður og búþegn góður. Lærði ensku af lestri bóka. Bjóst til Brasilíu-farar vorið 1865, seldi búslóð sína og fluttist til Húsavíkur, en skip það, er útvega átti til ferðarinnar, kom ekki, og farareyrir eyddist að mestu við dvölina á Húsavík. Réðst í húsmennsku að Laxamýri, en dó næsta vetur. Ritaði ævisögu sína á ensku, og birtist hún í Frazers Magazine í jan. 1877.--Kona (1854): Guðrún Árnadóttir á Sveinsströnd, Arasonar; hún átti síðar Eyjólf Brandsson á Reykjum. Börn Jóns og hennar, sem upp komust: Jón Frímann í Brekknakoti, Árni Júlíus hreppstjóri á Þverá í Reykjahverfi, Þorsteinn Ágúst á Litlu-Reykjum (Þ.Þ.Þ.: Ævintýrið frá Íslandi til Brasilíu; handrit Indriða á Fjalli; I.1.).

Skáld. --Foreldrar: Jón Jónsson í Syðri Grenivík í Grímsey og kona hans Hólmfríður sst. Þorleifsdóttir, Guðmundssonar. Bjó lítt. Var með Guðmundi skáldi og hreppstjóra í Syðri Grenivík. Í Lbs. eru kvæði eftir hann og rímur af Ajax. Hrapaði úr Grímseyjarbjargi og dó af því. --Kona (9. sept. 1854): Sigurbjörg Bjarnadóttir í Pálsgerði í Höfðahverfi, Bjarnasonar. --Börn þeirra: Sigurbjörn, Kristján Hermann, Aldís, Júlíus (Ýmsar heimildir; BrSv.).