. Bóndi.--Foreldrar: Síra Gunnlaugur Gunnlaugsson á Hálsi í Fnjóskadal og seinni kona hans Helga Jónsdóttir prests á Hálsi, Þorgrímssonar. Var 2 vetur í Bessastaðaskóla, en lauk ekki prófi. Bóndi í Böðvarsnesi og á Sörlastöðum í Fnjóskadal. Var hyggindamaður og einn meðal auðugustu óðalsbænda á Norðurlandi. Þótti nokkuð fastur á fé sínu, en þó hjálpfús og umlíðunarsamur; lipurmenni, háttÞrúður og glaðvær. Kona (11. maí 1819): Þórey (d. 25. júní 1862, 70 ára) Þórarinsdóttir í Sigluvík, Árnasonar. Af börnum þeirra dóu 3 ung og 2 ógift fulltíða, en 3 dætur giftust: Þórunn miðkona síra Þorláks Jónssonar á Skútustöðum, Helga s. k. síra Jóns Austmanns í Stöð í Stöðvarfirði, og Steinvör fyrri kona Jóns trésmiðs Sigfússonar á Espihóli (Norðanfari V; kirkjubækur).