Læknir. --Foreldrar: Jón ritstjóri Guðmundsson og kona hans Hólmfríður Þorvaldsdóttir prests og skálds í Holti, Böðvarssonar. --Tekinn í Reykjavíkurskóla 1850, varð stúdent 1857, með 2. einkunn (75 st.), stundaði læknisfræði í háskólanum í Kh. 1857–9, en tók próf hjá Jóni landlækni Hjaltalín 17. sept. 1863, með 1. einkunn (87 st., 13 prófgr.). Settur 6. okt. 1863 og skipaður 6. febr. 1865 héraðslæknir í norðurhluta Vesturamts. Fekk lausn 15. nóv. 1900. Póstafgr.maður á Ísafirði 1889–1905, formaður sparisjóðs Ísf. frá stofnun hans 9. apr. 1876 til 1904, er hann var lagður við útibú landsbankans á Ísafirði, forstöðumaður þess 1904–14. --Hafði lengi lyfjabúð og bóksölu. --R. af dbr. 28. mars 1899. Var ábyrgðarmaður fyrstu tveggja tölubl. Þjóðviljans, Ísaf. 1860. --Kona (28. ág. 1864): Þórunn (f. 23. dec. 1842, d. 9. dec. 1912) Jónsdóttir prests á Gilsbakka, Hjartarsonar. --Börn þeirra: Hólmfríður átti Árna verzlunarstjóra (móðurbróður sinn) Jónsson á Ísafirði, Jón læknir á Hesteyri, Kristín kaupmaður í Reykjavík, óg., Helga átti síra Pál Stephensen í Holti í Önundarfirði, Gyríður átti Dr. Björn Bjarnason frá Viðfirði, Sigríður f. k. Þorvalds verkfræðings Krabbes í Reykjavík, Ólafur stórkaupmaður í Kh. (Skýrslur; Sunnanfari IX; Lækn.; BB. Sýsl.).

Hreppstjóri. --Foreldrar: Jón Þorsteinsson í Norður Hvammi í Mýrdal og kona hans Maren Guðnadóttir í Merkinesi, Ólafssonar. Bjó í Norður-Vík í Mýrdal frá 1883, vann mjög að jarðabótum, og fekk verðlaun úr sjóði Kristjáns níunda. Gegndi ýmsum trúnaðarstörfum, rak jafnframt verzlun. --Kona (1880): Ragnhildur Gunnlaugsdóttir í Norður-Vík, Arnoddssonar. Synir þeirra: Gunnlaugur læknir á Þingeyri, Jón í Norður-Vík (Br7.; o. fl.).

--Sýslumaður. --Foreldrar: Síra Jón Thorlacius í Saurbæ í Eyjafirði og f.k. hans Ólöf Hallgrímsdóttir prests að Hrafnagili Thorlaciuss. Tekinn í 2. bekk Reykjavíkurskóla 1869, stúdent 1874, með 1. einkunn (86 st.). Tók próf í heimspeki í háskólanum í Kh. 21. júní 1875, með 1. einkunn, í lögfræði 13. júní 1879, með 2. einkunn (63 st.). Settur sýslumaður í Skaftafellssýslu 3. júlí 1879, fekk Norður-Múlasýslu 30. júní 1880, fekk þar lausn með eftirlaunum 29. maí 1896 (hafði verið vikið frá 30. júní 1894 fyrir vanhirðu). 1. þm. Norðmýl. 1886– 7 (fekk ekki að sitja á alþingi 1887, með því að hann fekk ekki sett löglærðan mann í stað sinn). Átti heima á Seyðisfirði, meðan hann var sýslumaður og um hríð eftir það, en fluttist síðan til Kh. og andaðist þar; hafði lengi verið heilsubilaður. Ókv. --Launsonur hans (með Þórunni Jónsdóttur í Krossavík og víðar, Jónssonar): Jón verzlunarm. í Rv. (Lögfr.; Alþmt.).

--Sýslumaður. --Foreldrar: Jón sýslumaður Thoroddsen að Leirá og kona hans Kristín Þorvaldsdóttir umboðsmanns í Hrappsey, Sívertsens. Tekinn í Reykjavíkurskóla 1873, stúdent 1879, með 1. einkunn (85 st.), tók próf í lögfræði í háskólanum í Kh. 19. jan. 1884, með 1. einkunn (99 st.). Var 1884 settur málflm. í landsyfirdómi, 26. ág. s. á. settur sýslumaður í Ísafjarðarsýslu og bæjarfógeti á Ísafirði, fekk það embætti 6. okt. 1885. Var vikið frá embætti um stundar sakir 15. sept. 1892, fekk lausn með eftirlaunum 31. maí 1895, enda hafði hann þá unnið fyrir hæstarétti mál, sem landstjórnin hafði höfðað gegn honum 1892 fyrir dómsafglöp, er hún taldi hann hafa framið. Var síðan um hríð kaupmaður á Ísafirði. Keypti Bessastaði 1901 og bjó þar, en fluttist til Rv. 1908 og var þar til æviloka. Var í sambandslaganefnd 1907–8 o. fl. merkum nefndum. R. af dbr. 8. júlí 1907. 1. þm. Eyf. 1891, þm. Ísf. 1893–1902, þm. N.-Ísf. 1903–15. --Ritstjóri Þjóðviljans 1887–1915, Sköfnungs 1902. Stýrði prentsmiðju, sem hann átti, á Ísafirði, Bessastöðum og í Rv. --Kona (1884): Theodóra (f. 1. júlí 1863) Guðmundsdóttir prests á Breiðabólstað á Skógarströnd, Einarssonar. --Börn þeirra, sem upp komust: Unnur átti Halldór Georg lækni Stefánsson, Guðmundur prófessor í læknisfræði, Skúli málflm. og alþm., Þorvaldur fór til Vesturheims, Kristín Ólína yfirhjúkrunarkona í Rv., Jón lögfræðingur, Ragnhildur átti Pálma rektor Hannesson, Bolli bæjarverkfr. í Rv., Sigurður verkfr. í Rv., Sverrir bankaritari í Rv., María Kristín átti Harald lækni Jónsson í Vík í Mýrdal, Katrín læknir í Rv. (Sunnanfari XTI; Andvari, 45. árg.; BB. Sýsl.; KlJ. Lögfr.; Alþingismannatal).

--Prestur. --Foreldrar: Jón Árnason á Skútustöðum og kona hans Þuríður Helgadóttir sst., Ásmundssonar. --F. á Litlu Strönd í Mývatnssveit. Fór til Vesturheims 1874, stundaði þar ýmsa vinnu, lauk þar kennaraprófi í Lindsay 1877, kom s.á. aftur til landsins. Tekinn í 2. bekk Reykjavíkurskóla 1878 (með aldursleyfi), varð stúdent (utanskóla, tók 5. og 6. bekk á einum vetri) 1882, með 1. einkunn (95 st.), lauk guðfræðaprófi úr presta. skóla 1884, með, 1. einkunn (50 st.) Fekk 8. mars 1884 Borg, vígðist 19. s.m., Mývatnsþing 20. mars 1888. Prófastur settur 1889, skipaður 1890, í SuðurÞingeyjarsýslu, og var það til 1913. Fekk Hólma 26. febr. 1913 og hélt til æviloka. Varð bráðkvaddur. Þingm. Mýram. 1886–91, N-Þing. 1902–'7, gegndi að auk ýmsum trúnaðarstörfum í héraði. Var í kirkjumálanefnd 1904. R. af dbr. 12. jan. 1909. --Var hagmæltur (sjá „Nönnu“, fylgirit „Skuldar“ og söngbók kristilegs félags ungmenna). --Ritgerðir og þýðingar eru eftir hann í Kirkjubl. og í Verði ljós. --Kona 1 (22. sept. 1884): Dýrleif (f. 11. maí 1860, d. 2. dec. 1894) Sveinsdóttir að Hóli í Höfðahverfi, Sveinssonar. --Börn þeirra: Þuríður átti sænskan húsagerðarmann, Bergström, fluttist til Vesturheims, Jón realstúdent úr Flensborgarskóla 1905, fór til Vesturheims, læknir í Seattle. --Kona 2 (19. mars 1896): Auður (f. 1. mars 1869) Gísladóttir hreppstjóra að Þverá í Dalsmynni, Ásmundssonar. --Börn þeirra, sem upp komust: Dýrleif Þorbjörg cand. phil., átti Skúla lækni Guðjónsson, vinnur í skrifstofu borgarfógeta í Rv., síra Gunnar á Æsustöðum (Bergsstöðum), Inga átti Vilhjálm skólastjóra Þ. Gíslason, Ólöf Dagmar stúdent átti Hákon hæstaréttarritara Guðmundsson (Nýtt kirkjublað 1916; Bjarmi, 10. árg.; BjM. Guðfr.; HÞ.; Óðinn XIX o. fl.; SGrBf.).