Stórkaupmaður. --Foreldrar: Ásgeir kaupm. Ásgeirsson í Ísafirði og Kh. og kona hans Sigríður Jensdóttir Sandholts. --Stundaði þegar í æsku verzlunarstörf og tók við forstöðu verzlunar föður síns utanlands, er hann lézt 1877, jókst hún síðan mjög, og voru búðir hennar víða um Vestfjörðu, með fiskiútgerð mikilli, setti og hvalveiðastöð í Seyðisfirði vestra, en fluttist síðar til Eskifjarðar. --Hafði ferðir um Ísafjarðardjúp frá 1891 á gufubát litlum, en síðar keypti hann gufuskip mikið og hafði til ferða í milli landa. Dugnaðarmaður mikill, gleðimaður og rausnarmaður. --R. af dbr., etatsráð. --Kona 1 (10. ág. 1880): Lára (d. 12. febr. 1904), dóttir Holms veræzlunarstjóra í Ísafirði; þau bl. --Kona 2 (1906): María (d. 1908), dóttir Jespers Bahnsons yfirhershöfðingja og um tíma hermálaráðherra Dana; þau bl. (Óðinn XB) Ásgeir Bjarnason (1703–4. ág. 1772). --Prestur. --Foreldrar: Síra Bjarni Guðmundsson í Árnesi í Trékyllisvík og kona hans Guðrún Árnadóttir prests í Skarðsþingum, Einarssonar. F. -í Árnesi. Tekinn í Skálholtsskóla 1719, stúdent 1722, settur prestur í Ögurþingum og vígðist þangað 6. ág. 1730, bjó þar í Strandseljum, að Skarði, síðar að Fæti og Eyri í Seyðisfirði, Hvítanesi og síðast að Ögri. Fekk 10. júní 1746 vonarbréf fyrir Holti í Önundarfirði, eftir síra Sigurð Sigurðsson (að hvötum Harboes byskups, sem hælir honum mjög í skýrslum sínum) , en nýtti sér það ekki. --Fekk Stað í Súgandafirði 1763, en hafði skipti 1765 á Stað fyrir Dýrafjarðarþing við síra Gísla Bjarnason. Bjó þar á Mýrum til dauðadags, tók Jón, son sinn, sér til aðstoðarprests 1766. --Hann var merkismaður, hægur og siðlátur, ágætur skrifari og hefir skrifað upp fjölda handrita, hagmæltur nokkuð (sjá JS. 474, Svo.). Ritstörf: Ættartölubók, annáll og íslenzkt-latneskt orðasafn, allt í landsbókasafni. Þýddi Jean de Serres: Dauðans sætu þankar (í JS. 628, 8Svo.). --Kona: Þórdís (f. um 1699) Jónsdóttir yngra í Veiðileysu, Sigmundssonar. --Börn þeirra, er upp komust: Sigríður f. k. Sigurðar Ólafssonar í Ögri, síra Jón í Holti í Önundarfirði (HÞ.; Saga Ísl. VI; SGrBf.).