Jon Jon s f. 1735
Einstaklingur ekki skráður í sögulegt manntal
Einstaklingur hefur ekki fundist í Íslenzkum æviskrám
Einstaklingur hefur ekki fundist í nafnaskrá Lbs
Mögulegar samsvaranir við Jon Jon s f. 1735 í Íslenzkum æviskrám
Stjarnfræðingur. --Foreldrar: Jón Vigfússon eldri að Háafelli í Hvítársíðu og kona hans Ingibjörg Stefánsdóttir prests á Stað í Grindavík, Hallkelssonar. Tekinn í Skálholtsskóla 1754, stúdent þaðan 26. apr. 1757, talinn af Finni byskupi Jónssyni frábær gáfumaður, og Magnús amtmaður Gíslason segir hann vera mikinn hugvitsmann; var a.m.k. 1759 í þjónustu Magnúsar amtmanns Gíslasonar, umsjónarmaður frá 1760 með gerð og smíð steinhúsanna á Bessastöðum og í Nesi við Seltjörn, til þess er hann fór utan haustið 1762, skráður í stúdentatölu í háskólanum í Kh. 15. jan. 1763, baccalaureus í heimspeki 29. júlí 1763, lauk embættisprófi í guðfræði 3. dec. 1766, með 3. einkunn, varð skömmu síðar observator í stjörnuturninum í Kh., varð skrifari landshagsnefndar 1770, ferðaðist með nefndarmönnum um landið og varð eftir hérlendis, er þeir fóru, fekk vonarbréf fyrir Staðastað 21. maí 1772 og jafnframt skipaður af konungi s.d. observator hér á landi með 80 rd. árslaunum, en vonarbréfið fyrir Staðastað var tekið aftur 5. maí 1774, og skyldi hann þá fá leigulausan bústað að Lambhúsum á Álptanesi og laun hans hækka í 100 rd., þegar Staðastaður losnaði. --Andaðist að Arnarhóli í Rv., ókv. og bl., og hafði lengi verið mjög heilsuveikur (brjóstveiki og þunglyndi); var þá skömmu fyrr byrjað á að koma upp stjörnuturni að Lambhúsum (Landfr.; HÞ.)
Prestur, --Foreldrar: Síra Jón Loptsson í Belgsdal og kona hans Sigþrúður Einarsdóttir prests á Stað í Seingrímsfirði, Sigurðssonar. Vígðist "7. okt. 1688 prestur að Garpsdal og þjónaði jafnframt Reykhólasókn, bjó fyrst á Ingunnarstöðum, þá að Tindum, síðan í Garpsdal, síðast aftur á Ingunnarstöðum. Var prófastur í Barðastrandarsýslu 10. nóv. 1705–8, fekk Miklaholt 1708 (vonarbréf fyrir því 10. maí 1698), var settur prófastur í Snæfellsnessýslu 24. ág. 1720, til þess er síra Snorri Jónsson að Helgafelli var kosinn til þess, er þó afsakaði sig frá því, en varð að láta undan við byskup 1723, fekk Staðastað 1721 og hélt til æviloka. Hann var umsýslumaður og skörungur, lipur í prestsverkum og vel liðinn, ýkinn nokkuð, vel að sér, kenndi ýmsum undir skóla. --Kona: Kristín (f. um 1664, d. 6. maí 1733) Ólafsdóttir að Stóra Ási í Hálsasveit, Vigfússonar, gáfukona mikil, skildi jafnvel og talaði latínu. --Börn þeirra: Ólafur eldri blindi bjó síðast í Gröf í Miklaholtshreppi, Helga (í. 1695, varð blind 1711) átti síra Svein Guðlaugsson í Hvammi í Norðurárdal, Guðrún átti Jakob lögréttumann Eiríksson að Búðum, síra Ólafur yngri á Stað á Snæfjallaströnd, Sigþrúður var blind, átti 1733 launson, Bjarna, síðast prest að Mælifelli (HÞ.; SGrBf.).
--Prestur. --Foreldrar: Jón smiður Rafnsson á Langamýri og Hafsteinsstöðum og kona hans Sesselja Þorvaldsdóttir að Steini, Þórðarsonar. F. á Langamýri. Tekinn í Hólaskóla 1752, stúdent 1759 (eftir háskólabókum hefir hann orðið stúdent úr heimaskóla í Kh. og þá 1761, ekki í Vita), fór utan, skráður í stúdentatölu í háskólanum í Kh. 28. júlí 1761 (hafði tafizt 1 vetur í Noregi), tók guðfræðapróf 29. mars 1764, með 3. einkunn, vígðist 4. dec. s. á. aðstoðarprestur síra Björns Þorlákssonar á Hjaltabakka, fekk prestakallið 21. dec. 1767 og hélt til æviloka, varð bráðkvaddur. --Til eru eftir hann erfiljóð á dönsku um Bjarna sýslumann Halldórsson á Þingeyrum í ÍB. 389, 4to. --Kona: Kristín (d. 1832) Eggertsdóttir lögréttumanns í Stóra Dal (Sléttárdal), Þorsteinssonar. --Börn þeirra, sem upp komust: Eggert á Ásbjarnarstöðum, Jón drukknaði ókv. í Staðarsveit, Jón yngri á Njálsstöðum, Valgerður Kristín átti Þorberg Árnason að Fjósum, Anna María f.k. Jóns Jónssonar að Hnjúkum (Vitæ ord.; HÞ. Guðfr.; HÞ.; SGrBf.).
--Prestur. --Foreldrar: Síra Jón Guðmundsson á Stað í Kinn og s.k. hans Guðrún Ingimundardóttir að Fremsta Felli, Björnssonar. Var hjá þeim feðgum síra Þorleifi Skaftasyni að Múla og síra Jóni, syni hans, tekinn í Hólaskóla 1752, stúdent 15. maí 1759, með allgóðum vitnisburði, varð djákn að Möðruvallaklaustri 1760, fekk Svalbarð 18. febr. 1761, vígðist 19. apr. s. á., fekk Kvíabekk 14. apr. 1785 og hélt til æviloka. Hann var raddmaður og ræðumaður mikill, hagmæltur, skapstór, en þó brjóstgóður, og mikill dugnaðarmaður. --Kona 1 (29. sept. 1761): Margrét Jónsdóttir lögréttumanns á Einarsstöðum, Jónssonar. --Börn þeirra, sem upp komust: Ingibjörg dó 24 ára, óg. og bl., Guðrún átti Guðmund Erlendsson á Frostastöðum, Kristín dó 16 ára, Jón dó í Hólaskóla, talinn mannvænlegur, síra Jóhannes að Vesturhópshólum, Katrín átti Þórarin járnsmið Jónsson síðast í Hafnarfirði (sonur þeirra Jakob Johnsen Húsavíkur-Johnsen), María átti Hall Ásgrímsson í Geldingaholti, Elísabet dó 14 ára, Grímur skólagenginn, borgari í Reykjavík, misendisMaður, dæmdur að lokum til ævilangrar Brimarhólmsvistar. 63 --Kona 2 (20. sept. 1790): Halldóra Jónsdóttir prests að Hálsi í Fnjóskadal, Þorgrímssonar. --Af börnum þeirra komust upp: Ingibjörg átti Jón Indriðason á Fornastöðum. Halldóra ekkja síra Ólafs varð síðar s.k. Gísla Ásmundssonar í Nesi í Höfðahverfi (Vitæ ord.; HÞ.: SGrBf.).
Prestur, --Foreldrar: Jón að Hvammi í Fljótum Þorláksson á Grýtubakka (Benediktssonar) og kona hans Helga Jónsdóttir í Tungu í Fljótum, Jónssonar. Lærði fyrst hjá móðurbróður sínum, síra Sveini Jónssyni á Knappsstöðum, tekinn í Hólaskóla 1754, stúdent 1759, varð djákn á Grenjaðarstöðum 1761, vígðist 27. maí 1764 aðstoðarprestur síra Ketils Jónssonar í Húsavík, fekk prestakallið 1769, við uppgjöf hans, sagði þar af sér prestskap 4. febr. 1808, vegna heyrnarleysis, andaðist í Garði í Kelduhverfi. Vel að sér, kenndi nemöndum skólanám, talinn einn hinna árvökrustu presta, var hagmæltur (sjá ljóðabréf í ÍB. 421, 8vo.). --Kona 1 (1764). Sigríður (f. 1733, d. 25. febr. 1790) Ketilsdóttir prests í Húsavík, Jónssonar. Af 7 börnum þeirra komst einungis upp: Guðrún f. k, Ísleifs dómstjóra Einarssonar. --Kona 2: Helga (d. 6. ág. 1816) Magnúsdóttir; áttu son, er dó ungur (HÞ.: SGrBf.).