John John s f. 1739
Einstaklingur ekki skráður í sögulegt manntal
Einstaklingur hefur ekki fundist í Íslenzkum æviskrám
Einstaklingur hefur ekki fundist í nafnaskrá Lbs
Mögulegar samsvaranir við John John s f. 1739 í Íslenzkum æviskrám
Læknir. Launsonur Jóns stúdents Þorgrímssonar og Sigríðar Benediktsdóttur lögmanns, Þorsteinssonar. Ólst upp hjá móðurbróður sínum, Jóni sýslumanni Benediktssyni í Rauðuskriðu, var í Hólaskóla 1757–9, en varð ekki stúdent, mun hafa farið utan 1759, komst í riddaralífvörð konungs, en kom heim 1763, lærði læknisfræði hjá Bjarna landlækni Pálssyni, fór utan með honum 1765 og fullkomnaði sig betur í læknisfræði, kom aftur 1766, tók próf í læknisfræði hjá Bjarna landlækni 27. apr. 1767, var skipaður fjórðungslæknir í syðra umdæmi Vestfirðingafjórðungs 26. júní 1767, var veturinn 1767–S8 til heimilis að Staðarfelli, setti bú að Reykhólum vorið 1768, fluttist að Bjarnarhöfn 1773 og var þar til æviloka, fekk lausn frá embætti 1. okt. 1802, með 20 rd. eftirlaunum árlega. Var rausnarmaður, skörulegur og harðfengur, átti þjark við suma, einkum síra Sæmund Magnússon Holm. --Kona (1769): Halldóra (f. 1750, d. 1821) Skúladóttir landfógeta, Magnússonar. --Börn þeirra, er upp komust: Síra Jón Bachmann að Klausturhólum, Árni varð sykursuðusveinn erlendis, Kristín f. k. Ólafs fjórðungslæknis Brynjólfssonar. (Tímar. bmf. XI; BB. Sýsl.; HÞ.).
Byskup. --Foreldrar: Síra Jón skáld Þorgeirsson á Hjaltabakka og kona hans Guðrún Steingrímsdóttir. Tekinn í Hólaskóla 1678, stúdent 1683, var síðan í þjónustu Solveigar Magnúsdóttur (lögmanns, Björnssonar) að Hólum í Eyjafirði, fór utan 1686, skráður í stúdentatölu í háskólanum í Kh. 7. sept. s.á., varð attestatus í guðfræði, kom til landsins 1688, varð þá millibilsprestur í Hítardal, kirkjuprestur í Skálholti 1692, fekk Hítarnes 1693, Setberg 1699, kvaddur utan til að taka við Hólabyskupsdæmi 1710, fekk veiting fyrir því 25. maí 1711, vígðist á trinitatis s. á., kom til landsins samsumars og sat að Setbergi um veturinn, tók við Hólastól 1712 og hélt til æviloka. Var vel gefinn maður og skáldmæltur, einnig á latínu (sjá Lbs. og pr. rit), valmenni, en eigi skörungur mikill. Mikill vexti og rammur að afli. Eftir hann er prentað: Dægrastytting (Hól. 1719, 1727, 1757); Upprisusálmar (Psalterium triumphale), Hól. 1726, oft pr. eftir það, síðast í Viðey 1834. --Sá um prentun biblíunnar, Hól. 1728. Þýðingar pr.: Anthropologia sacra eftir Jóh. Lassenius, Hól. 1716; Tvennar sjö sinnum sjö hugvekjur eftir sama, Hól. 1723; Guðrækilegar vikubænir eftir sama, Hól. 1728, 1733, 1800. (Tvennar vikubænir), 1853 (Bæna- og sálmakver); Tárapressa eftir J. R. Rachlöv, Hól. 1719 (sjá Jón Þork. Vídalín: Sjö predikanir, Hól. 1722); Mánaðasöngur eftir Joh. Obarius, Hól. 1727; vikusálmar eftir sama (aftan við rím Þórðar byskups, Skál. 1692). Sálmar eftir hann eru í sálmabókum. --Varðveittar eru eftir hann prestastefnubók, visitazíubók, en einungis 1 bindi (ekki heilt) af bréfabókum hans. Kvæði pr. eftir hann er í Ísl. gátur, skemmt. o. s. frv. MI. --Kona (1694): Valgerður (f. 1668, d. 12. febr. 1751) Jónsdóttir prests að Staðarhrauni, Guðmundssonar. --Börn þeirra, sem upp komust: Jón Bergmann stúdent, læknir og skáld, Guðmundur rektor, Sigfús, Jórunn átti fyrst Hannes sýslumann Scheving, síðar síra Stefán Einarsson að Laufási, Helga átti fyrst Jón sýslumann Vídalín (Pálsson), síðan launbarn með Jóni stúdent Marteinssyni, giftist síðan Einari ráðsmanni Jónssyni í Viðvík (Úfm., Hól. 1741; Saga Ísl. VI; JH. Bps. Il; HÞ.; SGrBf.).
--Prestur. --Foreldrar: Síra Jón Þorgrímsson á Stað í Kinn og kona hans Steinvör Jónsdóttir prests og skálds að Laufási, Magnússonar. Lærði fyrst 1 vetur (1700–1) hjá síra Þórði Oddssyni á Völlum, síðan 4 vetur hjá síra Jóni Hjaltasyni í Saurbæ, tekinn í Hólaskóla 1705, varð stúdent 1708, vígðist 9. júní 1709 aðstoðarprestur föður síns, gegndi og jafnframt í ár (1711–12) Eyjadalsá, fekk Háls í Fnjóskadal 10. sept. 1712 og hélt til æviloka. Árið 1718 rauf þak af Hálskirkju; féll þá síra Þorgrímur af þakinu ofan í kirkjugarðinn, fótbrotnaði og lá yfir 1 ár í því meini. --Kona (16. okt. 1710): Þórunn (d. 1752) Jónsdóttir prests í Saurbæ í Eyjafirði, Hjaltasonar. --Börn þeirra: Síra Jón að Hálsi, síra Hjalti í Nesi, Ragnheiður átti síra Ólaf Brynjólfsson í Kirkjubæ í Tungu (HÞ.; SGrBf.).
--Prestur. --Faðir: Jón Eggertsson á Snartarstöðum í Núpasveit. Ólst upp hjá síra Skúla Þorlákssyni á Grenjaðarstöðum, gekk í Skálholtsskóla, stúdent þaðan um 1685. --Hann vígðist prestur að Svalbarði (líkl. 1690), en tók til fulls við staðnum árið eftir. Í yfirreið byskups 1702 er fundið mjög að niðurníðslu á Svalbarði, og afsagði byskup ábyrgð sína á því, en vildi þó ekki beinlínis dæma prest frá kallinu, með því að hann vildi ekki sleppa því. --Síra Eggert lét af prestskap 1734, en hafði haldið aðstoðarprest frá 1728, síra Jóhann Kristjánsson, sem þá fekk Svalbarð. Fluttist síra Eggert þá að Heiði á Langanesi, en andaðist í Sauðanesi. --Kona 1: Þórunn (f. um 1673, d. 1707) Þorvaldsdóttir prests að Presthólum, Jónssonar. --Börn þeirra, er upp komust: Einar (af honum ættir), Sæmundur (var um tíma í Hólaskóla), Þorvaldur hreppstjóri á Valþjófsstöðum í Núpasveit. --Kona 2 (24. júní 1719). Kristín Einarsdóttir á Harðbak á Sléttu, „Sigurðssonar. --Börn þeirra komust ekki upp (HÞ.; SGrBf.).
Prestur, --Foreldrar: Síra Jón Sigurðsson að Kvíabekk og f. k. hans Þorbjörg Jónsdóttir, sem var bóndi á Grund í Svínadal, Jannessonar. --Tekinn í Hólaskóla 1754, stúdent 14. maí 1759, með ágætum vitnisburði, kenndi síðan börnum Lárusar klausturhaldara Schevings, vígðist 17. nóv. 1765 aðstoðarprestur föður síns, fekk prestakallið eftir hann 26. mars 1770 og hélt til æviloka; varð holdsveikur og andaðist af „brjósterfiði“. Hann var jafnan fátækur, enda lítill búsýslumaður. Hann var skáldmæltur og er talsvert eftir hann í handritum í Lbs. og Raskssafni. --Kona (28. sept. 1769): Sesselja (d. 13. okt. 1823, 84 ára) Bjarnadóttir, Hallssonar. --Börn þeirra: Jón bjó í Fljótum með móður sinni, d. 9. ág. 1834, þá niðursetningur, Hafliði, Guðrún (d. 14 ára 1786), Þorfinnur stúdent, Sesselja var hjá Sigurði byskupi Stefánssyni að Hólum og dó ung (HÞ.; SGrBf.).
--Prestur. --Foreldrar: Jón lögréttumaður Jónsson að Þverá í Reykjahverfi og Einarssöðum og f. k. hans Ingibjörg Erlendsdóttir að Þverá, Halldórssonar. Lærði fyrst hjá síra Sæmundi Jónssyni á Stað í Kinn og síra Birni Magnússyni á Grenjaðarstöðum, tekinn í Hólaskóla 1757, stúdent 20. maí 1760, var síðan í þjónustu Jóns sýslum. Benediktssonar í Rauðaskriðu, fór utan 1761. Hann var skráður í stúdentatölu í háskólanum í Kh. 19. dec. s.á., tók guðfræðapróf 20. apr. 1763, með 3. einkunn, kom þá aftur til landsins og var hjá Jóni sýslum. í Rauðaskriðu, vígðist aðstoðarprestur síra Björns Magnússonar á Grenjaðarstöðum 27. maí 1764 og gegndi prestakallinu um tíma (til 1768) eftir lát hans (1766), varð síðan aðstoðarprestur síra Jóns Þorleifssonar að Múla og fekk prestakallið 29. okt. 1776, eftir lát hans, lét af prestskap 1804, en dvaldist að Múla til æviloka. --Hann var góðmenni, frækinn, vel gefinn og vel að sér, manna liprastur í hvívetna, snjall í embættisverkum, en búhöldur enginn og jafnan fátækur, enda drykkfelldur til muna, vel skáldmæltur (í handritum í Lbs. er margt kvæða hans, og mun merkast talið ævidrápa og ríma af doktor og betlara, eða Talerus, einnig nefnt Tötradúkakvæði. --Kona (1764): Guðrún (d. 30. apr. 1806, talin 84 ára) Björnsdóttir prests í Hofsþingum, Björnssonar; þau bl. (HÞ. Guðfr.; HÞ.; SGrBf.).
--Prestur. --Foreldrar: Síra Jón Andrésson í Arnarbæli og kona hans Sigríður Hannesdóttir prests í Arnarbæli, Erlingssonar. F. á Kröggólfsstöðum. Tekinn í Skálholtsskóla 1758, stúdent 15. apr. 1763, vígðist 29. júlí 1764 aðstoðarprestur föður síns og bjó á Kröggólfsstöðum, fekk Miðdal 7. ág. 1783, lét þar af prestskap í fardögum 1783 og andaðist þar. Þókti heldur treggáfaður. --Kona (1766): Agatha (d. 10. mars 1815, 74 ára) Halldórsdóttir að Úfljótsvatni, Brandssonar. --Börn þeirra, sem getið er: Guðmundur, Helga átti Arngrím Pálsson í Úthlíð, Guðrún átti Þorleif Guðmundsson á Böðmóðsstöðum, Steinunn átti Jón Bjarnason frá Efsta Dal, Jón, Einar, Hannes, Guðlaug átti Þórð Einarsson að Mýrarhúsum, Guðlaug (önnur) átti Jón Helgason í Krýsuvíkurhverfi, Andrés, Ragnheiður átti Tómas Einarsson í Auðsholti, Sigríður, Anna (HÞ.; SGrBf.).
--Prestur. --Foreldrar: Síra Jón Gunnlaugsson síðast að Reynistaðarklaustri og kona hans Þuríður Jónsdóttir. --F. í Hvammi í Hjaltadal. Tekinn í Hólaskóla 1758, varð stúdent þaðan 1763. Vígðist 2. dec. 1764 aðstoðarprestur föður síns, og var það til æviloka. Dó af líkþrá. --Kona (1764): Sigríður Sigurðardóttir á Hafsteinsstöðum, Jónssonar; þau bl. Hún varð síðar miðkona síra Jónasar Benediktssonar á Höskuldsstöðum (Vitæ ord.; SGrBf.).