. Sundkennari. Foreldrar: Bjarni (d. 2. júní 1812, 46 ára) Bjarnason vinnumaður á Breiðabólstað í Vesturhópi og kona hans Guðrún Sveinsdóttir. Ólst upp hjá síra Bjarna Jónssyni á Breiðabólstað og síðar hjá ekkju hans, Elínu Stefánsdóttur. Nam sund af Jóni Þorlákssyni Kjærnested.--Gerðist hann svo góður sundmaður og einnig glímumaður, að hann var af þessum íþróttum sínum nefndur ýmist Sund-Gestur eða Glímu-Gestur. Gerðist sundkennari og kenndi víða þar sem jarðhiti var, einkum í Húnavatnssýslu, en einnig á Snæfellsnesi (Kolviðarneslaug) og sennilega einnig í Borgarfirði og á Reykjanesi við Ísafjarðardjúp. Bjó á ýmsum stöðum stöðum í Víðidal og á Vatnsnesi 1813–37, en síðan nokkur ár í Staðarsveit á Snæfellsnesi og loks á Þrándarstöðum í Kjós, til 1852, en átti heima í Krossanesi á Vatnsnesi síðustu æviár sín og kenndi sund „allt þar til þremur dögum áður en hann dó“. Kona 1 (10. okt. 1813): Þórunn (d. 1. sept. 1831, 59 ára) Aradóttir á Stóru-Ásgeirsá, Guðmundssonar; skildu. Sonur þeirra: Bjarni, dó ókv. Kona 2 (um 1830): Málfríður (d. 9. nóv. 1844, 54 ára) Guðmundsdóttir. Dóttir þeirra: Kristín átti Jónas Helgason í Saurbæ á Vatnsnesi. Kona 3 (1. ág. 1846): Guðrún (d. 1851) Guðmundsdóttir; hún átti áður Þórð Gíslason á Þrándarstöðum. Sonur Gests og hennar: Gestur, dó 17 ára. Laundætur Gests: (með Guðnýju Stefánsdóttur af Álftanesi): Anna átti Guðmann Árnason í Krossanesi (f.k, hans), (með Kristínu Jóhannesdóttur úr Staðarsveit): Guðrún (Guðlaugur Jónsson o. fl.).