--Prestur. --Foreldrar: Síra Jón Pétursson, síðast í Steinnesi, og kona hans Elísabet Björnsdóttir prests í Bólstaðarhlíð, Jónssonar. F. að Ytra Hóli á Skagaströnd. Lærði hjá síra Gunnlaugi Oddssyni, stúdent frá honum úr heimaskóla 21. apríl 1831, skrifari hjá Ólafi sýslumanni Finsen 1831–4, síðan hjá Krieger stiftamtmanni 1 ár (hefir Krieger haft miklar mætur á honum, því að síðar í arfleiðsluskrá sinni gaf hann honum 450 rd.), Fór utan 1835, skráður í stúdentatölu í háskólanum í Kh. í okt. s.á., með 1. einkunn, tók 2. lærdómspróf 1836, með 1. einkunn, lauk prófi guðfræðinga í hebresku 23. apríl 1838 (einkunn: Admissus cum laude), en embættisprófi í guðfræði 2. maí 1840, með 1. einkunn. Fekk Glaumbæ 16. nóv. s.á., vígðist 6. júní 1841, varð prófastur í Hegranesþingi 18. okt. s. á., fekk Hof í Vopnafirði 5. maí 1849 og hélt til æviloka, var settur prófastur í Norður-Múlasýslu 21. júní 1853 (skipaður 11. maí 1854), sagði því starfi lausu 1879. Hann var einn þeirra, er Jón Sigurðsson benti á í yfirkennaraembætti í latínuskólanum eftir uppþotið þar (1850), og buðu stiftsyfirvöldin honum það embætti 11. nóv. 1850, en hann vildi ekki þiggja (sem ýmsir aðrir). Var 10. apr. 1844 kvaddur til að vera konungkjörinn varaþingmaður og settist á alþingi 1845 (með því að þá andaðist aðalmaðurinn, Steingrímur byskup Jónsson), átti sæti á alþingi 1847 og 1849, einnig konungkjörinn á þjóðfundinum 1851, en gekk þá í aðalmálinu úr flokki hinna konungkjörnu þingmanna, sem frægt var, og var ekki konungkjörinn eftir það, kosinn þingmaður Norðmýlinga 1858, sat á öllum þingum 1859–69, nema 1867, og var forseti alþingis 1863. Hann varð r. af dbr. 29. júní 1866, dbrm. 24. maí 1877, heiðursfélagi h. ísl. bmf. 12. jan. 1881. --Kona 1 (6. júní 1841): Gunnþórunn Ingibjörg Ragnheiður (f. 9. maí 1824, d. 12. sept. 1856) Gunnlaugsdóttir prests, Oddssonar. --Börn þeirra, er upp komust: Þórunn Elísabet átti Jörgen Pétur Gudjohnsen verzlunarstjóra á Vopnafirði, síra Gunnlaugur Jón Ólafur á Breiðabólstað í Vesturhópi, síra Jón Gunnlaugur í Sauðanesi, síra Lárus Halldór síðast fríkirkjuprestur í Rv., síra Þorsteinn Jósep að Þinghól í Mjóafirði, Ólafur Þorsteinn skrifstofustjóri í h. ísl. stjórnardeild í Kh., Gunnþórunn Ingibjörg Ragnheiður átti frænda sinn Ólaf Gunnlaugsson Oddsen í Saurbæ á Langanesströndum. --Kona 2 (23. ág. 1859): Valgerður (f. 16. mars 1833, d. 25. júlí 1894) Ólafsdóttir yfirdómara Finsens, og er ekkert af þeim komið (Vitæ ord. 1841; Andvari XII.; HÞ. Guðfr.; Alþingismannatal; PEÓl.: Jón Sigurðsson; HÞ.).

--Prestur. --Foreldrar: Jón vefari Schiöld Þorsteinsson (prests að Krossi, Þorsteinssonar) og kona hans Þórey Jónsdóttir frá Hnefilsdal. F. á Arnheiðarstöðum í Fljótsdal. Lærði fyrst hjá síra Einari Hjörleifssyni (síðast í Vallanesi), síðan 1 vetur hjá Jóni guðfræðingi Þórarinssyni, síðast 1 vetur hjá síra Búa Jónssyni. Tekinn í Bessastaðaskóla 1833, stúdent 1838 (84 st.), vígðist 9. maí 1839 aðstoðarprestur síra Guðmundar Erlendssonar á Klyppsstað, fekk prestakallið 15.dec.1853, við lát hans, fekk Kirkjubæ í Tungu 24. nóv. 1868, fluttist þangað vorið eftir og hélt til æviloka. --Kona 1: Margrét Hjörleifsdóttir prests á Hjaltastöðum, Þorsteinssonar. Synir þeirra: Þórður hreppstjóri í Sauðhaga, Einar í Sauðhaga. --Kona 2: Þórunn „ Magnúsdóttir prests í Heydölum, Bergssonar. Dætur þeirra: Margrét átti Einar Gunnlaugsson á Höskuldsstöðum í Breiðdal, Vilborg átti Benedikt hreppstjóra Eyjólfsson á Þorvaldsstöðum í Skriðdal, Þórey átti Björn hreppstjóra Árnason í Syðri Ey (Vitæ ord. 1839; SGrBf.).

--Prestur. --Foreldrar: Finnur byskup Jónsson og kona hans Guðríður Gísladóttir í Mávahlíð, Jónssonar byskups á Hólum, Vigfússonar, Tekinn í Skálholtsskóla 1753, stúdent 12. maí 1760. --Fekk Reynivöllu 1766, vígðist 6. okt. s. á., fekk Hruna 7. mars 1767 (konungsstaðfesting 8. apríl 1768), í skiptum við síra Jón Þórðarson. Hann missti alt búfé sitt í harðindunum 1783–4, sagði lausu prestakallinu 8. ág. 1797. Hann var snemma mjög heilsulinur (brjóstveikur) og hefir því ekki verið sendur utan til háskólanáms, enda gáfnatregur, en vandaður maður, gestrisinn og heldur vel látinn; hann var hagur mjög til saumaskapar. --Kona (1770). Vilborg (d. 13. nóv. 1809, á 69. ári) Jónsdóttir prests á Gilsbakka, Eyjólfssonar. Synir þeirra: Síra Torfi síðast á Breiðabólstað í Fljótshlíð, síra Jón að Klausturhólum (HÞ.; SGrBf.).

--Prestur. --Foreldrar: Síra Sveinn Guðlaugsson í Hvammi í Norðurárdal og kona hans Helga Jónsdóttir prests á Staðastað, Jónssonar. Tekinn í Skálholtsskóla 1751, stúdent 7. maí 1755, vígðist 12. sept. 1756 aðstoðarprestur síra Guðmundar Jónssonar á Prestbakka í Hrútafirði, fekk það prestakall 4. maí 1757, við uppgjöf hans, Garpsdal 1771 (fluttist þangað vorið 1772), Stað í Steingrímsfirði 20. maí 1780, sagði þar af sér prestskap 28. febr. 1798, frá 2 næstu fardögum, bjó síðan í Grænanesi, en síðast í Kálfanesi, var 22. júní 1781 kosinn prófastur í Strandasýslu (þeir síra Hjálmar Þorsteinsson í Tröllatungu fengu jöfn atkvæði, og skoraðist síra Hjálmar undan), en sagði af sér prófastsdæmi 1791. Þókti merkismaður, kennimaður góður, hagorður, hinn mesti starfsmaður, efnamaður, vel metinn. --Kona (1757): Guðríður (d. 24. nóv. 1804, 71 árs) Jónsdóttir eldra lögréttumanns að Háafelli í Hvítársíðu, Vigfússonar. --Börn þeirra, sem upp komust: Síra Sveinn síðast í Grímsey, Jón stúdent elzti á Laugabóli, Brynjólfur í Aratungu og víðar, Kristján á Kleppustöðum, Jón stúdent yngri á Geirmundarstöðum, síra Hjalti á Stað í Steingrímsfirði, síra Daníel í Miðdalaþingum, síra Jón yngsti að Auðkúlu, Sigríður varð bráðkvödd óg. og bl., Eufemía f. k. Sveinbjarnar Magnússonar að Hrófbergi (þau bl.), Guðríður átti Arnfinn Þorleifsson í Söðulsholti og víðar; þau skildu bl. (HÞ.; SGrBf.).

--Prestur. --Foreldrar: Síra Ari Guðlaugsson síðast að Ofanleiti og kona hans Kristín Grímsdóttir lögsagnara að Giljá, Grímssonar. --F. á Stað í Grindavík. Tekinn í Reykjavíkurskóla eldra 1796, stúdent 31. maí 1801, fór síðan 43 til Vestmannaeyja, vígðist aðstoðarprestur föður síns 2. júní 1805, fekk prestakallið 13. okt. 1809. Var mjög vel látinn af sóknarfólki sínu. --Kona (16. okt. 1802): Þorbjörg (f. um 1778, d. 6. júní 1819) Pétursdóttir á Gjábakka í Vestmannaeyjum, Vilhjálmssonar. Af börnum þeirra 5 komst einungis upp: Ástríður (f. 7. maí 1803, d. 16. ág. 1825) f. k. Jóns Magnússonar í Þormóðsdal. Þorbjörg ekkja síra Jóns varð síðar f.k. síra Benedikts Magnússonar að Mosfelli (Vitæ ord. 1805; HÞ.).

--Bóndi. --Foreldrar: Jón (d. 22. okt. 1850) Ara'son í Rauðseyjum og víðar og kona hans Gróa Einarsdóttir dannebrogsmanns í Rauðseyjum, Ólafssonar. F. í Rauðseyjum og ólst upp með foreldrum sínum í Mýrartungu í Reykhólasveit. Var látinn nema skólalærdóm, en var synjað um viðtöku í Bessastaðaskóla 1826. --Stundaði nám í heimaskóla 1828–31 hjá síra Árna Helgasyni í Görðum, en varð aldrei stúdent, þótt hann kallaði sig svo sjálfur og væri kallaður af öðrum. --Hann fór utan til Kaupmannahafnar 1831, en kom aftur 1833 og fluttist til föður síns, er þá var kominu að Heydal í Mjóafirði vestur, tók við búi af honum 1836, en um 1840 fluttist hann að Bæjum á Snæfjallaströnd, var síðar í þurrabúð að Snæfjöllum um 1860, en síðar í húsmennsku að Bæjum og 1876 til heimilis í Unaðsdal, þá á sveit. --Kona (15. okt. 1835): Guðrún (f. um 1815, d. niðursetningur að Skarði 14. maí 1886) Þorsteinsdóttir í Ögri, Sigurðssonar. --Börn þeirra, er upp komust: Þorsteinn, drukknaði 7. dec. 1864, 28 ára, ókv. og bl., Gróa kona Guðmundar Jónssonar frá Bakka í Dýrafirði, Margrét kona Hjálmars Björnssonar í Æðey, Guðríður, sem bjó með Kristjáni Þorkelssyni í húsmennsku að Snæfjöllum (HÞ.).

--Prestur. --Foreldrar: Halldór hreppstjóri að Myrká, Búðarnesi og víðar Jónsson prests að Myrká, Jónssonar prests á Völlum, Halldórssonar og f.k. hans Guðrún Vigfúsdóttir. Lærði undir skóla hjá síra Árna Halldórssyni, síðan síra Bjarna Pálssyni. Tekinn í Bessastaðaskóla 1828, stúdent 1834, með vitnisburði í betra meðallagi. Var um hríð við Hofsósverzlun á sumrum, en á vetrum barnakennari og skrifari hjá Birni sýslumanni Blöndal og Lárusi sýslumanni Thorarensen að Enni. Vígðist 21. júlí 10 1839 aðstoðarprestur síra Magnúsar Magnússonar í Glaumbæ og gegndi prestakallinu eftir lát hans til vors 1841, þjónaði Flugumýrarþingum fyrir síra Sölva Þorkelsson frá því um haustið 1841, varð aðstoðarprestur hans vorið 1842 og fluttist þá að Hjaltastöðum, fekk prestakallið við uppgjöf hans, 1844, fekk Saurbæjarþing 24. nóv. 1846, í skiptum við síra Ólaf Þorvaldsson, fluttist þangað vorið 1847 og hélt til æviloka, bjó í Stóra Holti. Hann var hraustmenni, sæmilegur í prestsverkum, söngmaður góður, búsýslumaður mikill, læknir góður, hafði á sér almenningsorð. --Kona 1 (27. október 1842): Sigríður (f. 3. sept. 1816, d. 19. maí 1847) Magnúsdóttir prests í Steinnesi, Árnasonar. --Af dætrum þeirra komst upp: Steinunn Jakobína átti síra Jón Thorarensen í Stóra Holti. --Kona 2 (21. okt. 1847): Margrét (f. 2. júní 1818, d. 12. apr. 1899) Magnúsdóttir, systir f.k. hans; hún hafði átt barn í lausáleik (með Vigfúsi gullsmið Bjarnasyni Thorarensen), og varð því síra Jón að fá uppreisn til þess að giftast henni og fekk 17. apr. 1848, eða eftir hjónabandið. --Börn þeirra, sem upp komust: Theodór gullsmiður að Efri Brunná, Sigríður átti Stefán að Brandagili Ólafsson (prests á Mel, Pálssonar), Steinunn var með móður sinni, óg. og bl., d. í Rv. 1910 (Bessastsk.; Vitæ ord. 1839; HÞ.: SGrBf.).

--Prestur. --Foreldrar: Síra Ásgeir Bjarnason í Dýrafjarðarþingum og k.h. Þórdís Jónsdóttir í Veiðileysu, Sigmundssonar, F. að Fæti í Seyðisfirði. Tekinn í Skálholtsskóla 1759, stúdent 1763, með mjög lofsamlegum vitnisburði, vígðist 3. ág. 1766 aðstoðarprestur föður síns, fekk Dýrafjarðarþing eftir hann í sept. 1772, bjó á Mýrum, fekk Sanda 16. maí 1783, Holt í Önundarfirði 19. júlí 1796 og hélt til æviloka, var prófastur í Vestur-Ísafjarðarsýslu frá 1783 til æviloka. --Hannes byskup Finnsson segir um hann, að hann sé ágætlega lærður maður; var hann og kennimaður góður, viðfelldinn og vel metinn, þó þókti kveða um of að drykkfelldni hans og jafnvel konu hans. --Kona (1770): Þorkatla (d. 1813) Magnúsdóttir prests á Söndum, Snæbjarnarsonar, --Börn þeirra, sem upp komust: Helga átti Ólaf Matthíasson að Hóli í Bolungarvík, Þórdís átti síra Sigurð Jónsson á Rafnseyri, síra Ásgeir í Holti (HÞ.; SGrBf.). 54 Jón Ásgeirsson (25. apr. 1758–19. nóv. 1834). --Prestur. --Foreldrar: Síra Ásgeir Jónsson á Stað í Steingrímsfirði og f.k. hans Kristín Guðnadóttir. F. á Stað. Tekinn í Skálholtsskóla 1775, stúdent 16. maí 1779, með góðum vitnisburðum, talinn þar skara fram úr öðrum að tölvísi, varð síðan skrifari Jóns sýslumanns Eggertssonar á Hvítárvöllum, en djákn í Hítardal 1781, fekk 18. sept. 1786 Hvamm í Norðurárdal, vígðist 10. júní 1787 og tók þá við prestakallinu, fekk Nesþing 21. jan. 1792 og hélt til æviloka, bjó þar alla tíð í Stapatúni. Hann var vel gefinn og vel að sér, söngmaður góður, þókti betur fallinn til veraldlegrar umsýslu en prestsverka, enda aðsjáll og vel efnum búinn, hæglátur í geði og þó kíminn. --Kona (1785): Sigríður (f. um 1744, d. 16. mars 1831) Einarsdóttir prests að Vindási í Kjós, Torfasonar. --Sonur þeirra: Ásgeir Stadfeldt sórenskrifari í Noregi (Vitæ ord.; HÞ.; SGrBf.).

--Prestur. --Foreldrar: Jón smiður Illugason að Bóndhól og kona hans Helga Guðmundsdóttir, ættuð úr Grindavík. Tekinn í Bessastaðaskóla 1834, stúdent 1840 (75 st.). Stundaði síðan kennslu og skriftir (hjá Sveinbirni síðar rektor Egilssyni og Eiríki sýslumanni Sverrissyni í Kollabæ). Fekk Grímsey 7. ág. 1843, vígðist 10. sept. s. á., fekk Stóru Völlu á Landi 28. apríl 1846, Kálfholt 30. nóv. 1876, en afsalaði sér því og fekk aftur Stóru Völlu, í skiptum við síra Jón Brynjólfsson, fekk lausn frá prestskap þar 13. jan. 1883 frá fardögum það ár, andaðist að Þúfu á Landi. --Kona (24. júní 1847): Ingibjörg (f. 25. okt. 1820, d. 14. dec. 1900) Jónsdóttir prests á Breiðabólstað í Fljótshlíð, Halldórssonar. --Börn þeirra, sem upp komust: Margrét átti Árna söðlasmið Halldórsson í Haga í Holtum, Guðmundur héraðslæknir í Stykkishólmi, Helga s. k. Magnúsar Árnasonar í Vatnsdal í Fljótshlíð (Skýrslur; SGrBf.).