. Hreppstjóri. Foreldrar: Einar (d. 31. dec. 1853, ára) Jónsson í Þverárdal í Bólstaðarhlíðarhr. (á Skeggsstöðum, Jónssonar) og kona hans Valgerður (d. 20. júlí 1834, 74 ára) Jónsdóttir á Flögu í Vatnsdal, Jónssonar (í Hnausum, f, 1685, Bessasonar á Hvarfi í Víðidal, Sigurðssonar).--Hóf búskap á Mörk á Laxárdal. Keypti Gil í Svartárdal og bjó þar síðan. Búhöldur góður og jarðabótamaður; sléttaði í túni og færði út, hlóð túngarð, byggði vel bæ sinn og gerði tilraun með áveitu. Einn helzti forgöngumaður að stofnun Búnaðarfélags Svínavatns- og Bólstaðarhlíðarhreppa. Var lengi hreppstjóri og mjög viðriðinn flest sveitarmál. Nafntogaður risnumaður. „Sóttur mjög til ráða, ef vandi þótti á vera.--Brást hann ávallt vel við og liðsinnti mönnum eftir föngum.--Þóttu ráð hans jafnan vel gefast, því hann réð mönnum heilt og var sjálfur góðgjarn og mikill drengskaparmaður“ (sögn Jónasar Tllugasonar). Hafði mikla mannhylli. Yfirvarðforingi, er kláðavörðurinn var settur, 1858. Kona (10. okt. 1822): Guðrún (d. 14. nóv. 1855, 56 ára) Tllugadóttir á Holti í Svínadal, Gíslasonar. Börn þeirra: Illugi söðlasmiður (átti Ingibjörgu Ólafsdóttur á Auðólfsstöðum, Björnssonar; þau foreldrar Jónasar fræðaþular), Einar kvæntist ekki, átti launson, Sigríður átti Gísla Ólafsson frá Auðólfsstöðum, Björg átti Einar Guðmundsson frá Þverárdal, Laundóttir Jónasar (með Dagbjörtu Kráksdóttur): Guðrún átti Ólaf Jónsson á Brandsstöðum (M.B.; kirkjubækur).