Jón Guðmundsson f. 1786
Einstaklingur ekki skráður í sögulegt manntal
Einstaklingur hefur ekki fundist í Íslenzkum æviskrám
Einstaklingur hefur ekki fundist í nafnaskrá Lbs
Mögulegar samsvaranir við Jón Guðmundsson f. 1786 í Íslenzkum æviskrám
Prestur, skáld. --Foreldrar: Guðmundur Jónsson á Krýnastöðum og kona hans Guðbjörg Halldórsdóttir, Grímssonar. F. í Saurbæ í Eyjafirði. --Benedikt yfirdómari Gröndal, föðurbróðir hans, tók hann að sér, og var hann í Reykjavíkurskóla eldra síðasta veturinn, sem sá skóli stóð (1803–4), en 4 vetur í Bessastaðaskóla, stúdent 20. maí 1809, með góðum vitnisburði. Hann kól mjög á fótum haustið 1810 á Holtavörðuheiði, svo að höggva varð af honum allar tær, varð síðan djákn á Grenjaðarstöðum, fekk Skeggjastaði 11. ág. 1815, vígðist 3. sept. s. á., fluttist þangað vorið 1816, fekk Hjaltastaði í Útmannasveit 15. sept. 1827, fluttist þangað vorið 1828, lét þar af prestskap 1856. Hann mun hafa verið nokkuð mikill fyrir sér ungur, að því er ráða má af bréfum Benedikts Gröndals til Bjarna amtmanns Þorsteinssonar, en stilltist brátt með aldri, karlmenni og glímumaður, söngmaður góður, vel gáfaður, skáld gott, sem þeir frændur fleiri; sjá um kveðskap hans Lbs. (þar á meðal ríma af Valnytjaþjófi og fótaveikum munki); kv. pr. í Íslenzkar gátur o.s.frv. IV. --Kona (28. júlí 1816): Margrét (f. 18. júlí 1796, d. 21. mars 1866) Stefánsdóttir prests í Sauðanesi, Einarssonar. --Börn þeirra, sem upp komust: Síra Stefán á Kolfreyjustað, Þórarinn smiður að Grófargili, Anna átti Björn Björnsson á Bóndastöðum (Bessastsk.; Vitæ ord. 1815; HÞ.; SGrBf.).