--Prestur. --Foreldrar: Síra Halldór Ámundason á Mel og s.k. hans Margrét Egilsdóttir prests á Staðarbakka, Jónssonar. Lærði hjá föður sínum og 1 vetur hjá Birni adjunkt Gunnlaugssyni. Tekinn í Bessastaðaskóla 1836, stúdent 27. maí 1842 (96 st.). Vígðist (með aldursleyfi) 16. apr. 1843 aðstoðarprestur föður síns, fekk Glæsibæ 23. okt. 1843, fluttist þangað vorið 1844, fekk Hrafnagil 26. mars 1860. Var prófastur í Vaðlaþingi 1857–76. Fekk Hólma 19. ágúst 1880, fluttist þangað vorið 1881, fekk lausn frá prestskap 4. nóv. 1892 frá fardögum 1893, fluttist að Útskálum 1907 og andaðist þar. --R. af dbr. 2. ág. 1874. --Kona (1850): Jakobína Sofía (f. 20. mars 1830, d. 6. sept. 1914) Magnúsdóttir á Stóra Eyrarlandi Thorarensens. --Börn þeirra, sem upp komust: Halldór aðaldómari, síra Kristinn að Útskálum, Jóhannes (d. í Reykjavíkurskóla), Margrét f.k. síra Jóhanns Lúthers Sveinbjarnarsonar að Hólmum, Ragnheiður miðkona síra Jóns Halldórssonar í Sauðanesi, Sofía síðasta kona sama manns (Vitæ ord. 1843; Sunnanfari II; Nýtt kirkjublað 1908; HÞ.; SGrBf.).

--Prestur. --Foreldrar: Halldór Rögnvaldsson að Brekku í Svarfaðardal og kona hans Guðrún Björnsdóttir að Ytra Garðshorni, Arngrímssonar. Tekinn í Reykjavíkurskóla 1867, stúdent 1873, með 1. einkunn (95 st.), próf úr prestaskóla 1876, með 1. einkunn (49 st.). Fekk Goðdali 1. sept. 1876, vígðist 3. s.m., Viðvík 6. maí 1886 og hélt til æviloka. Prófastur í Hegranesþingi 1889–1908. R. af dbr. 18. júlí 1905. Vel að sér og kenndi ýmsum undir skóla, dugmikill, áhugasamur og vel látinn. Ritg. eru eftir hann í Bjarma, Kirkjublaði, Nýju kirkjublaði, Tíðindum prestafél. Hólastiftis. --Kona (28. ág. 1877); Jóhanna Sofía (f. 10. apr. 1855, d. 2. jan. 1931) Jónsdóttir dómstjóra, Péturssonar. Synir þeirra: Pétur ættfræðingur og hagstofufulltrúi í Reykjavík, Páll alþingismaður og landbúnaðarráðunautur, Guðmundur fór til Vesturheims (Óðinn IV; Bjarmi 1908; BjM. Guðfr.; SGrBf.).

--Prestur. --Foreldrar: Síra Halldór Jónsson að Hofi í Vopnafirði og f. k. hans Gunnþórunn Gunnlaugsdóttir dómkirkjuprests í Rv., Oddssonar. Lærði í Reykjavíkurskóla, stúdent 1870, með 1. eink. (92 st.), próf úr prestaskóla 1873, með 1. eink. (48 st.). --Varð þá byskupsskrifari í Rv. --Fekk Valþjófsstaði 17. jan. 1877, vígðist 13. maí s. á., leystur frá embætti 28. júní 1883, vegna þess að hann tók upp breytingar í kirkjusiðum. Prófastur í Norður-Múlasýslu 1879–83. --Var fríkirkjuprestur á Reyðarfirði 1886–99 (bjó á Kollaleiru), fríkirkjuprestur í Rv. 1899–1903. Alþm. Sunnmýl. 1886–91, stundakennari í latínuskólanum 1903–4, endurskoðunarmaður landsreikninga 1904–5. Eftir að hann kom til Rv. stýrði hann (lengstum með öðrum) Aldarprentsmiðju, en seldi prentverkið 1907. Talinn mjög vel gefinn, skáldmæltur og frækinn glímumaður. Var ritstjóri blaðs, „Fríkirkjunnar“, 1899–1902; þýddi: Frá valdi Satans til guðs, Rv. 1904, og (með öðrum) „Heimilisvinurinn“, Rv. 1905. Sálmar eru eftir hann í blöðum og sálmabókum. --Kona (6. maí 1876): Kirstín Katrín Pétursdóttir söngkennara, Guðjónssonar. --Börn þeirra: Guðrún skáldkona átti síra Sigurbjörn Á. Gíslason í Rv., Halldór hraðritari, Pétur fulltrúi í skrifstofu alþingis, Valgerður f. k. síra Þorsteins Briems í Görðum á Akranesi, (BjM. Guðfr.; Óðinn V; Bjarmi, 2. árg.; SGrBf.).