. Bóndi, ættfræðingur.--Foreldrar: Sigfús Guðmundsson á Fljótsbakka í Eiðaþinghá og Guðrún Árnadóttir á Löndum í Stöðvarfirði, Torfasonar.--Gerðist bóndi á Ketilsstöðum á Völlum 1836; keypti þá jörðina af Páli sýslumanni Melsteð; bjó þar fram til 1860; keypti þá jörðina Eskifjörð og bjó þar síðan. Var ættfróður og ritaði nokkuð í þeirri grein, sem geymt er í handriti. Kona: Elín Katrín Þorvarðsdóttir í Papey, Jónssonar; fekk Jón með henni hluta af Papeyjarauði og bjó við góð efni. Börn þeirra: Jón lærði gullsmíði, en dó á þroskaaldri ókv., Sesselja átti Jón bónda Pálsson í Eskifirði (E.J.: Ættir Austfirðinga; Austurland II; o.fl.) (H.St.).

Prestur, kaupfélagsstjóri. --Foreldrar: Jón skáld Árnason á Víðimýri og kona hans Ástríður Sigurðardóttir hreppstjóra að Reykjum á Reykjabraut, Sigurðssonar. --Tekinn í Reykjavíkurskóla 1880, stúdent 1886, með 2. einkunn (83 st.), próf úr prestaskóla 1888, með 2. einkunn betri (41 st.). Fekk Hvamm í Laxárdal 9. sept. 1889, vígðist 29. s.m., Mælifell 13. júní 1900, fekk lausn frá prestskap 8. apr. 1919, tók þá við forstöðu kaupfélags Skagfirðinga og hélt til æviloka. --Var 2. þm. Skagf. 1934–7. Naut mikils trausts í héraði og gegndi ýmsum trúnaðarstörfum. R. af fálk. --Kona (1890); Guðríður Petrea Þorsteinsdóttir á Grund í Svarfaðardal, Þorlákssonar. --Börn þeirra: Ingibjörg átti Sigurð kaupfélagsstjóra Þórðarson að Sauðárkróki, Jón verzlm. að Sauðárkróki, Steindór Kristján í Kjartansstaðakoti, Ástrún (dó 1920), Helga átti síra Svein Ögmundsson í Kálfholti, Páll (Kirkjurit 1937; Samvinnan, 25. árg.; BjM. Guðfr.; SGrBf.).