Thómas Thómasson f. 1793
Einstaklingur í sögulegu manntali
Thómas Thómasson (f. 1794)
Thómas Thómasson (f. 1794)
Einstaklingur hefur ekki fundist í Íslenzkum æviskrám
Einstaklingur hefur ekki fundist í nafnaskrá Lbs
Börn
Páll Thómasson, (f. 1820) (M 1840) ☒
Páll Thómasson, (f. 1820) (M 1850) ☒
Páll Thómasson, (f. 1820) (M 1845) ☒
Páll Thómasson, (f. 1820) (M 1840) ☒
Páll Thómasson, (f. 1820) (M 1850) ☒
Páll Thómasson, (f. 1820) (M 1845) ☒
Mögulegar samsvaranir við Thómas Thómasson f. 1793 í Íslenzkum æviskrám
Prestur, skáld. Laungetinn sonur Tómasar stúdents Tómassonar að Ásgeirsá og Ásu Gísladóttur (Jónsdóttur, Bessastsk.), er síðar átti Gunnlaug Sveinsson að Þverá í Núpsdal. F. að Ásgeirsá. Ólst upp hjá móður sinni, lærði síðan undir skóla, fyrst hjá föður sínum, síðan síra Agli Jónssyni á Staðarbakka, tekinn í Bessastaðaskóla 1811, stúdent 1816, með góðum vitnisburði, sinnti síðan sjóróðrum og barnakennslu, en varð 1817 skrifari hjá Stefáni amtmanni Stephensen á Hvítárvöllum og var þar 2 ár, síðan barnakennari hjá Schram kaupmanni á Skagaströnd, vígðist 7. maí 1820 aðstoðarprestur síra Egils Jónssonar á Staðarbakka, bjó þar fyrst í Hnausakoti, síðar á Dalgeirsstöðum, fekk Tjörn á Vatnsnesi 12. jan. 1824, en Hestþing 17. maí 1830 og hélt til æviloka, bjó fyrst að Hesti 1830–5, síðan á Báreksstöðum til 1845, en síðan aftur að Hesti. --Hann var vel gefinn og vel að sér, góður ræðumaður, en ekki söngmaður. Hann var lélegur búmaður og mjög fátækur, enda greiðvikinn. Hann var skemmtinn í viðræðum og hjartagóður við alla bágstadda; hann var fjörmaður og bar með stillingu allt mótlæti. Skáldmæltur var hann og hefir orkt margt, en fátt er prentað eftir hann, nema nokkur erfiljóð og grafskriftir, annaðhvort einstakt eða í útfararminningum, en í handritum er varðveitt margt kvæða hans (Ibs., ehdr. í JS. 600, 4to.). Pr. er og líkræða yfir Ólafi Ólafssyni að Lundum, Rv. 1882. --Kona 1 (21. júní 1820): Oddný (f. 1784, d. 17. jan. 1856) Jónsdóttir umboðsmanns í Gvendareyjum, Ketilssonar (bróðurdóttir Magnúsar sýslumanns). --Börn þeirra, sem upp komust: Valgerður átti Guðmund Þórðarson að Hóli í Rv., Jónas söðlasmiður að Melaleiti, Sigríður (d. 1841, 17 ára), Þorbjörg, Sigþrúður, Ragnheiður eldri átti Jón hreppstjóra Runólfsson að Vatnshömrum, Ragnheiður yngri ólst upp á Kárastöðum á Vatnsnesi, Páll var að Ási í Melasveit 1856. --Kona 2 (24. ág. 1856): Arnbjörg (f. 7. okt. 1819, d. 23. júní 30 1867) Jóhannesdóttir Lynge á Bræðraparti á Akranesi. --Börn þeirra: Síra Jóhannes Lárus Lynge að Kvennabrekku, Elín átti Kristján Árnason að Árnahúsum á Skógarströnd (Vitæ ord. 1820; HÞ.. SGrBf.).