--Prestur. --Foreldrar: Helgi konrektor Sigurðsson að Móeiðarhvoli og kona hans Ragnheiður Jónsdóttir sýslumanns sst., Jónssonar, Lærði hjá föður sínum og síðan 5 ár hjá síra Steingrími Jónssyni síðar byskupi og varð stúdent frá honum úr heimaskóla 1823, með ágætum vitnisburði. Fór utan s. á. og var skráður í stúdentatölu í háskólanum í Kh., með 2. einkunn, tók annað lærdómspróf 1824, með 2. eink., lagði stund á guðfræði, en vann og að prentun rita fyrir fornfræðafélagið með öðrum, enda styrkþegi Árnasjóðs 1827; var og í stjórn Kh.-deildar bmf. og vann að pr. bóka þess; var með síra Þorgeiri Guðmundssyni í félagi um pr. nokkurra guðsorðabóka. Var hérlendis veturinn 1830–I1. --Kom alkominn til landsins 1832, fekk Reykholt 15. maí 1833, vígðist 19. s.m. og hélt til æviloka. Vinsæll maður og vel gefinn. Veiktist 1837 og sókti síðan á hann þunglyndi. Drukknaði í Reykjadalsá. --Kona (19. maí 1833): Sigríður Pálsdóttir sýslumanns á Hallfreðarstöðum, Guðmundssonar. Dætur þeirra, sem upp komust: Ragnheiður s.k. Skúla læknis Thorarensens að Móeiðarhvoli, Sigríður f.k. Péturs Sívertsens í Höfn í Melasveit, Guðrún átti síra Skúla Gíslason á Breiðabólstað í Fljótshlíð. Sigríður ekkja síra Þorsteins varð síðar s.k. síra Sigurðar G. Thorarensens í Hraungerði (Lbs. 48, fol.; Vitæ ord. 1833; SGrBf.; HÞ.; sjá og útfm. og erfiljóð í Lbs. 150, 8vo.).