Skólastjóri. --Foreldrar: Jón Árnason í Lækjarkoti í Mosfellssveit og kona hans Sigríður Gísladóttir, Gíslasonar. Lauk kennaraprófi í Johnstrups Seminarium í Kh. --Varð kennari í barnaskóla Rv. 1898, skólastjóri þar 1923 og síðan. Gegndi ýmsum trúnaðarstörfum. Sinnti mjög kennsluog bindindismálum. Ritstjóri Kennarablaðs 1899–1900, Goodtemplars 1901–3. --Kona 1 (1898): Anna Magnúsdóttir dbrm. að Dysjum á Álptanesi, Brynjólfssonar. --Börn þeirra: Steinþór mag. scient., adjunkt í menntask. í Rv., Guðrún. --Kona 2: Rósa Tryggvadóttir á Jórunnarstöðum í Eyjafirði, Sigurðssonar. --Börn þeirra: Hróar, Tryggvi, Konráð (Br7.; Óðinn XXVIII; Menntamál, 9. árg.).

Umboðsmaður á Snartarstöðum, stúdent. --Foreldrar: Síra Jón Stefánsson á Helgastöðum og s.k. hans Helga Magnúsdóttir í Myrkárdal, Jónssonar prests að Myrká, Ketilssonar. Tekinn í Bessastaðaskóla 1818, stúdent 1825, með vitnisburði í betra meðallagi. Var skrifari Páls sýslumanns Melsteðs, síðar amtmanns, þrívegis settur sýslumaður í Suður-Múlasýslu, 1834, 1838–9, 1843–4. --Kona: Þórunn Sigurðardóttir stúdents og umboðsmanns á Eyjólfsstöðum á Völlum, Guðmundssonar. --Börn þeirra: Björn í Dölum í Fáskrúðsfirði, Ingunn átti Gísla skipstjóra Jónasson (sonur þeirra Þorsteinn ritstj.) (Bessastaðask.; o. fl.).

Skáld, hreppstjóri. --Foreldrar: Jón Jónsson í Hraunhöfn og kona hans Birta Nicolaidóttir. Bjó í Hólkoti og Kálfárvallakoti í Suðursveit. --Eftir hann eru rímur af Maron sterka og kveðskapur í Lbs. --Kona 1: Vigdís Jónsdóttir frá Ytri Tungu í Staðarsveit. Dætur þeirra: Oddfríður átti Sigurð Jónsson á Kálfárvöllum, Herdís átti Óla Einarsson í Öxl. --Kona 2: Þorbjörg Guðmundsdóttir prests á Staðastað, Jónssonar, ekkja Jóns Sveinssonar í Bergsholti; þau Jón bl. Hann fluttist síðast til dóttur sinnar í Öxl (Kirkjubækur; o. fl.).

. Bankastjóri.--Foreldrar: Jón (d. 25. júlí 1900, 72 ára) Magnússon á Bolafæti í Hrunamannahreppi, síðar í Unnarholti, og kona hans Guðfinna (d. 14. jan. 1915, 81 árs) Bjarnadóttir á Bolafæti, Jónssonar. Stúdent í Reykjavík 1898 með 1. einkunn (92 st.). Lauk lögfræðiprófi við háskólann í Kh. 2.mars 1906 með 2. eink. (87 st.). Vann eitt ár (1899– 1900) í þjónustu W. Fiske prófessors í Florenz á Ítalíu og um tíma á ísl. stjórnarskrifstofu í Khöfn. Bæjarfógetafulltrúi og bæjargjaldkeri á Seyðisfirði frá ág. 1906 til febrúarloka 1910.--Fluttist þá til Reykjavíkur og vann í nokkra mánuði að lögfræðistörfum hjá firmanu G. Gíslason f. Hay. Yfirréttarmálaflutningsmaður í Reykjavík 18. maí 1910. Var í ágúst s.á. ráðinn forstöðumaður útbús Íslandsbanka á Akureyri og síðar við útbú Útvegsbanka Íslands h.f. þar; sagði því starfi af sér frá ágústlokum 1935.--Fluttist þá til Rv. og vann þar að endurskoðun í Útvegsbanka Íslands h.f. til ársloka 1943.--Formaður yfirfasteignamatsnefndar Akureyrar 1921–25; í skattanefnd sst. 1921–35; bæjarfulltrúi á Akureyri 1912–13.--Heiðursfélagi í Stúdentafélagi Akureyrar 1935. R. af fálk, 1. dec. 1938. Ritstörf: Séra Jón Sveinsson (Nonni) í Lesb. Mbl. 7. dec. 1941; Upphaf Weywadtsættar á Íslandi sst. 12. mars 1944; Íslenzkir Hafnarstúdentar, Ak, 1949, mikið rit, og vann hann að því af kostgæfni alla tíð frá stúdentsárum sínum.--Kona (5. nóv. 1906): Solveig (f. 27. apríl 1876) Einarsdóttir bókara á Akureyri, Pálssonar. Börn þeirra: Einar aðalendurskoðandi ríkisins, Kristín átti Sigurð prentsmiðjustjóra á Akureyri Björnsson, Unnur skrifstofumær, Guðrún átti Hauk hagfr. Helgason, María átti Arnold Henckell kaupm. í Hamborg, Guðfinna átti Björn Ólafs bankafulltrúa (Agnar Kl. J.: Lögfr.; B.J.: Íslenzkir Hafnarstúdentar).