--Prestur. --Foreldrar: Jón vefari Schiöld Þorsteinsson (prests að Krossi, Stefánssonar) og kona hans Þórey Jónsdóttir frá Hnefilsdal. F. á Arnheiðarstöðum í Fljótsdal. Lærði 7 vetur hjá síra Guttormi Pálssyni, en varð stúdent úr heimaskóla 1824 (1823, Vita) frá síra Gísla doktor Brynjólfssyni að Hólmum, hefir 20. okt. s. á. sókt um uppreisn og fengið líkl. næsta ár (hefir það verið barneign með konu hans, er síðar varð). Var 1 ár í Vallanesi, síðan að Eiðum, vígðist 29. apr. 1827 aðstoðarprestur síra Guðmundar Erlendssonar á Klyppsstað, fekk Berufjörð 15. maí 1838, Valþjófsstaði 18. júní 1858, sagði þar af sér prestskap 30. nóv. 1876, frá fardögum 1877. --Hann var hinn mesti merkismaður í öllum greinum og fær mikil lofsyrði í skýrslu Helga byskups Thordersens 31. dec. 1850. --Kona 1 (1825): Anna (d. 18. febr. 1865) Björnsdóttir prests í Kirkjubæ í Tungu, Vigfússonar. --Börn þeirra, sem upp komust: Björn alþm. á Hallfreðarstöðum, fór til Vesturheims og gerðist Unítaraprestur, Jón smiður í Jórvík, síra Stefán á Hjaltastöðum í Útmannasveit, Þórunn átti Nikulás trésmið Jónsson (prests að Hofi í Álptafirði, Bergssonar), fluttist til Vesturheims, Þórunn Sigríður átti síra Þorstein Þórarinsson í Heydölum. --Kona 2 (1867): Kristbjörg (d. 1907) Þórðardóttir á Kjarna, Pálssonar; þau bl. (Lbs. 48, fol.; Vitæ ord. 1827; SGrBf.; HÞ.).

. Sjómaður.--Foreldrar: Jón (d. 16. dec. 1900, 72 ára) Jónsson á Narfeyri á Skógarströnd og s.k. hans Málfríður (d. 24. sept. 1923, 74 ára) Jósefsdóttir á Valshamri á Skógarströnd, Hjaltalíns. Sjómaður og trésmiður í Stykkishólmi og átti þar heima til æviloka. Hélt uppi sjóferðum um Breiðafjörð. Forvígismaður í félagsskap verkamanna; stofnaði kaupfélag verkamanna í Stykkishólmi og var framkv.stjóri þess meðan það starfaði.--Fjölhæfur maður og vel að sér.--Trésmiður. Kona 1: Guðrún (d. 1921) Einarsdóttir í Garðbæ á Hvalnesi, Árnasonar. Börn þeirra: Steinar húsameistari í Rv., Kristján brúarsmiður í Rv., Lárus skipstjóri í Stykkishólmi, Magni stórkaupmaður í Rv., Nanna, Gunnlaug. Kona 2: Kristín Vigfúsdóttir í Brokey, Hjaltalíns. Börn þeirra: Þóra, Sigurbjörg, Atli (Breiðfirðingur II; kirkjubækur).

Kennari, --Foreldrar: Jón Davíðsson að Reykhúsum og kona hans Rósa Pálsdóttir hreppstjóra að Tjörnum í Eyjafirði, Steinssonar. Gagnfræðingur úr Akureyrarskóla 1903. Búfræðingur úr Hólaskóla 1904. Var síðan 1 vetur í lýðháskólanum í Askov, tók próf í landbúnaðarháskólanum í Kh. 1907. Var um tíma starfsmaður ræktunarfélags Norðurlands, kennari í Hvanneyrarskóla 1910–23, fekk lausn vegna vanheilsu. Bjó jafnframt í Einarsnesi frá 1916. Eftir hann eru ýmsar greinir í tímaritum og blöðum. --Kona (1913): Þóra (d. 1926) Baldvinsdóttir í Grenivík, Þórðarsonar. Synir þeirra: Karl Ottó, Baldvin (Br7.; o. fl.).

Prestur, --Foreldrar: Síra Jón Gíslason síðast á Breiðabólstað á Skógarströnd og 1. kona hans Hallgerður Magnúsdóttir prests að Kvennabrekku, Einarssonar. F. í Hjarðarholti. --Tekinn í 2. bekk Bessastaðaskóla 1814, varð stúdent 1818, með meðalvitnisburði (eignað þar feimni). Vígðist 4. júlí 1819 aðstoðarprestur föður síns, er þá hélt Hvamm í Hvammssveit, og varð aðstoðarmaður hans í prófastsembætti frá 1822, þjónaði einnig Saurbæjarþingum frá vori 1836 til vors 1837. Fekk Hvamm 18. mars 1841, er faðir hans fluttist þaðan, fekk lausn 20. febr. 1869, en gegndi þar þó prestskap til 1870. Var prófastur í Dalasýslu 1841–64. --Bjó á hluta úr Hvammi til æviloka. Hann varð með iðni vel að sér í mörgu, jafnvel lækningum, vandaður og vinsæll, rammur að afli og frækinn glímumaður. Ritstörf: Líkræða yfir síra Jóni Matthíassyni, Rv. 1860; Örnefni í Safni IT (sjá og Lbs.). --Kona 1 (25. júní 1823): Þorbjörg (f. 21. maí 1800, d. 20. jan. 1863) Hálfdanardóttir prests að Mosfelli, Oddssonar. --Börn þeirra, sem upp komust: Síra Jón á Ólafsvöllum, Ingibjörg átti Jens Jónsson á Skarfsstöðum (síðar að Hóli), Sigurður á Hróðnýjarstöðum og víðar, Páll mál- og heyrnarlaus, vefari, ókv. og bl., Sæunn átti fyrr Sigurð Magnússon að Ytra Felli, síðar Jón söðlasmið Jónsson á Oddsstöðum í Lundarreykjadal, Jóhanna Kristín átti Hákon kaupmann Bjarnason á Bíldudal, Hallgerður óg. og bl., Hólmfríður Magdalena varð s.k. Helga beykis Péturssonar á Bíldudal. --Kona 2 (27. okt. 1865): Margrét (í. 1832, d. 1912) Magnúsdóttir frá Fjarðarhorni í Helgafellssveit, Þorkelssonar; þau bl. (Bessastk.; Vitæ ord.; SGrBf.; HÞ.).

Skáld. --Foreldrar: Jón á Gvendarstöðum í Gönguskörðum Þorleifsson (frá Skarðsá) og kona hans Sigríður Guðmundsdóttir. Bjó um tíma í Vallholti, í Sjávarborg (1839–45). Var síðan lausamaður, oftast í Skagafirði. Dó á Bergsstöðum í Svartárdal. Var maður vel að sér. Á vetrum var hann barnakennari. Í Lbs. eru kvæði eftir hann. Pr. eru kvæði eftir hann í Norðanfara 1862 og 1868, Ljóðmæli í Rv. 1881. --Kona 1: Guðrún Þorsteinsdóttir skálds á Reykjavöllum, Pálssonar, ekkja Bjarna Jónssonar að Sjávarborg; þau Sigvaldi bl. og slitu samvistir. --Kona 2: Sofía Jónsdóttir. Af 8 börnum þeirra dóu 5 ung. Launbörn Sigvalda með Áslaugu Hannesdóttur (að Reykjarhóli hjá Víðimýri, Þorvarðssonar): Egill að Tjörnum í Sléttahlíð, Sigurlaug, dó ung. --Enn laundóttir Sigvalda var Stefanía Sigríður, fædd í Hofstaðaseli (Ýmsar heimildir).