Björn Blöndal f. 1853
Einstaklingur í sögulegu manntali
Björn Blöndal (f. 1853)
Björn Blöndal (f. 1853)
Einstaklingur hefur ekki fundist í Íslenzkum æviskrám
Einstaklingur hefur ekki fundist í nafnaskrá Lbs
Mögulegar samsvaranir við Björn Blöndal f. 1853 í Íslenzkum æviskrám
Sýslumaður. --Foreldrar: Stefán sýslumaður Bjarnarson í Gerðiskoti og kona hans Karen Emilía, f. Jörgensen. Tekinn í Reykjavíkurskóla 1869, stúdent 1877, með 2. einkunn (57 st.), tók próf í lögfræði í háskólanum í Kh. 31. maí 1883, með 2. einkunn (85 st.). Var ritstjóri Heimdallar (1884) og (með öðrum) blaðsins, Vort Hjem“. Stofnaði Listasafnið 1885 með gjöfum danskra málara. Var síðan um hríð aðstoðarmaður fógeta í Kh. --Gegndi sýslumannsstörfum í Þingeyjarþingi 1887, var síðan aðstoðarmaður föður síns, settur 23. apr. 1890 (frá 1. maí til 1. sept. s. á.) sýslumaður í Rangárþingi. Fekk Dalasýslu 9. jan. 1891, fekk lausn 11. sept. 1914, frá 1. jan. 1915. Bjó að Sauðafelli. Þm. Dal. 1901–7. --Atorkumaður í búskap og fekk verðlaun úr styrktarsjóði Kr. níunda. --Kona (26. júlí 1890): Guðný Jónsdóttir fræðimanns Borgfirðings. --Börn þeirra, sem upp komust: Anna Guðrún f. k. Mortens bankaritara Ottesens, Jón kaupm., Ragnar bankaritari í Rv., Guðrún átti Óskar forstm. Bjartmarz í Rv. (BB. Sýsl.; KIJ. Lögfr.; Árb. Fornlf. 1920).
--Prestur. --Foreldrar: Síra Hjálmar Þorsteinsson í Tröllatungu og kona hans Margrét Jónsdóttir prests sst., Ólafssonar. F. á Stað á Reykjanesi. Lærði fyrst hjá. föður sínum og síðan hjá síra Gunnari Pálssyni, er þá var uppgjafaprestur á Stað á Reykjanesi, tekinn í Reykjavíkurskóla hinn eldra 1786, stúdent 2. júní 1789, með ágætum vitnisburði. Var bókhaldari í Rv. um 4 ár, frá 1790. Fekk uppreisn fyrir barneign (1791) 28. júní 1793 með konu þeirri, er hann átti síðar. Vígðist 6. júlí 1794 aðstoðarprestur föður síns og tók að búa í hálfum Steinadal 1795, fekk prestakallið 1798, við uppgjöf föður síns, fluttist 1801 í sambýli við föður sinn á hálfa Tröllatungu, bjó á Kirkjubóli 1813–18, en fluttist þá aftur að Tröllatungu, settur prófastur í Strandasýslu 1827–8, fekk 1827 síra Jón, son sinn, til aðstoðarprests, en eftir lát hans, 1838, síra Halldór Jónsson, er fekk prestakallið eftir hann, bjó í sambýli við hann til 1843, en fluttist þá að Klúku og var þar til dauðadags. Lét af prestskap 14. júní 1847, en hafði samkv. úrskurði konungs fengið 25 rd. árleg eftirlaun 3 árum fyrr. Var vel að sér, góður kennimaður og söngmaður, heppinn læknir, hagmæltur, skrifari góður og málari, bráðlyndur, en hafði þó góða stjórn geðsmuna sinna, siðferðisgóður, vel látinn af sóknarmönnum sínum. --Kona (23. ág. 1792): Valgerður (d. 3. febr. 1848, 81 árs) Björnsdóttir á Þursstöðum á Mýrum, Runólfssonar. --Börn þeirra, er upp komust: Kristín d. á sveit í Þorpum 24. apr. 1870, átti Jón Jónsson að Hvalsá, síra Jón aðstoðarprestur föður síns, Páll þurrabúðarmaður í Rifi vestur (átti 2 launbörn), Sigríður átti Magnús Jónsson í Arnkötludal, Ólöf s.k. Magnúsar Sigurðssonar að Stóra Múla í Saurbæ, Sæmundur síðast að Gautshamri, Guðrún átti Grím hreppstjóra Jónsson á Kirkjubóli, Einar vinnumaður, ókv. og bl., Herdís átti Tómas Jónsson að Smáhömrum og víðar, Finnbogi í Heiðarbæ, Björn í Klúku, skáldmæltur og vel að sér, Þrúður átti Halldór Magnússon í Vonarholti (Ævisaga síra Björns eftir sjálfan hann í JS. 617, 4to., og Lbs. 946, 8vo.; Vitæ ord.; HÞ.: SGrBf.)).