--Prestur. --Foreldrar: Jón (d. 1746) Halldórsson í Höll í Þverárhlíð og kona hans Valgerður Björnsdóttir í Höll, Gíslasonar. Hann var kostaður til skólanáms af stjúpföður sínum, Guðmundi eldra Þorvarðssyni í Höll, tekinn í Skálholtsskóla 1749, en vikið þaðan fyrir litla yfirsjón 1752 og var ekki í skóla veturinn 1752–3, en tekinn aftur í skólann 1753, stúdent þaðan 6. maí 1755, var 5 ár djákn í Hítardal, en vígðist 12. maí 1761 prestur að Meðallandsþingum (boðið að taka við því prestakalli), bjó í Hólmaseli. --Átti erjur við Magnús Guðmundsson í Staðarholti og Lýð sýslumann Guðmundsson, enda þókti hann óbilgjarn, búhöldur góður, kennimaður í meðallagi og þó raddmaður góður, undarlegur í tali, stórbrotinn og óvæginn, og eru ýmsar sagnir um hann. Í Skaftáreldunum 1783 flýði hann frá Hólmaseli og fluttist að Eystri Skógum undir Eyjafjöllum, lénsjörð Meðallandsþinga, og hafði áður látið reka þangað mikið af búfé sínu. --Sagði lausum Meðallandsþingum 4. apr. 1784. Vorið 1784 fluttist hann að Syðri Gegnishólum í Flóa; hrundu þar þá öll bæjarhús um sumarið, í landskjálftum. Fekk Kaldaðarnes 19. ág. 1784 (bjó 1784–5 í Gerðiskoti, en síðan í Kálfhaga 1785–6), Hvalsnesprestakall 24. dec. 1785, fluttist þangað næsta vor og bjó á Löndum. Fekk s. á. --Hjarðarholt að veitingu, en vildi ekki fara þangað, og fekk Hrepphóla í skiptum við síra Sigurð Þorleifsson, var þar til dauðadags, vildi ekki láta af prestskap, þótt byskup færi þess á leit við hann 1806. --Kona (1769): Elín (f. 1745) Jónsdóttir prests á Mýrum í Álptaveri, Jónssonar; þau bl. Hún gaf próventu sína Steingrími síðar byskupi Jónssyni, bróðursyni sínum, og andaðist hjá honum 15. júní 1826 (HÞ.; SGrBf.).