--Prestur. Foreldrar Ólafur Ólafsson að Múla í Þorskafirði og kona hans Guðrún Einarsdóttir úr Steingrímsfirði, Jónssonar. Var hann á barnsaldri tekinn í fóstur af síra Benedikt Pálssyni á Stað á Reykjanesi, en gekk í Hólaskóla 1795, stúdent þaðan 1800, var síðan 2 ár í Djúpa Dal í Skagafirði, vígðist 2. maí 1802 aðstoðarprestur fóstra síns síra Benedikts á Stað. Meðan hann var þar, beittist hann mjög fyrir garðrækt meðal bænda og aðrar búnaðarframkvæmdir og fann upp nýjar selalagnir; þar var hann til 1814, bjó síðan 1 ár á Skerðingsstöðum, en var síðan 1815–19 aðstoðarprestur síra Sæmundar Magnússonar Hólms að Helgafelli, og samdi þeim lítt, fekk Sauðlauksdal 6. apríl 1820, lét af prestskap 1852, en gegndi þó prestsverkum þar í veikindum síra Magnúsar, sonar síns, árin 1855–60. Hann var vel fjáður, vel gefinn, lipur kennimaður, hagmæltur (sjá Lbs.), hraustur að afli, drykkfelldur mjög, enginn stillingarmaður og því ekki alls kostar þokkasæll. --Kona (13. sept. 1810): Sigríður (f. 13. sept. 1792, d. 11. nóv. 1855) Magnúsdóttir í Stóra Holti í Saurbæ, Jónssonar. --Börn þeirra, er upp komust: Benedikt bókbindari í Rudköbing, Valgerður f.k. Özurar skálds Ögzurarsonar að Látrum, Solveig átti Jóhannes Þórðarson frá Hjarðarfelli, Sæunn átti Henrik Guðlaugsson frá Kvígendisdal, Guðfinna átti Friðbert Gunnarsson í Tungu í Tálknafirði, Magnfríður átti Gísla Magnússon í Höfðadal í Tálknafirði, síra Magnús í Sauðlauksdal, Ólafur bókbindari í Bonn, Frúgit átti Friðrik Jónsson í Rifgirðingum, Þuríður átti Svein Gíslason í Klúku, Gróa átti 2 launbörn, Jóhanna Bente Kristjana átti Bjarna húsmann Gíslason á Geirseyri, Sigurður bókbindari í Botni í Patreksfirði (Vitæ ord. 1802; SGrBf.; HÞ.; BB. Sýsl.).