Skáld. Launsonur Árna Eyjafjarðarskálds eldra Jónssonar með unnustu hans, er brá heiti við hann, Sigríði Magnúsdóttur að Kambi í Eyjafirði (hún átti síðar Guðna skáld Sigurðsson). Varð framan af ýmist með móðurfrændum sínum eða föður. Varð skrifari hjá Jóni sýslumanni 32 Sveinssyni í Eskifirði og átti síðan heima í Múlaþingi. --Skemmtinn maður og glettinn, sem faðir hans, og bera því vitni margar vísur hans; eru þær víða í handriti í Lbs. og eins rímur (af Ármanni, Sálusi og Nikanor, Agöthu og Barböru). Í alm. þjóðvinafél., 1923 er pr. Jóabragur eftir hann. --Kona: Kristbjörg Jónsdóttir frá Nefbjarnarstöðum, Hjörleifssonar. Meðal barna þeirra: Sigurður fótalausi, Ingveldur átti Antoníus Eiríksson í Steinaborg, fluttist með honum til Vesturheims 1879 (FSigm. Amma I.) Þess skal getið, að annar maður var alnafni hans í Skálpagerði (ættfræðingur), og lagfærast að því leyti lyklar að skrá um hdr.söfn Lbs.).