--Prestur. --Foreldrar: Síra Stefán Þorvaldsson í Stafholti og kona hans Ingibjörg Jónsdóttir prests í Steinnesi, Péturssonar. F. á Knappsstöðum í Stíflu. Var tekinn í Reykjavíkurskóla 1850, varð stúdent 1857, með 2. einkunn (75 st.), próf úr prestaskóla 1859, með 1. einkunn (45 st.). --Var 1 vetur kennari að Litla Hrauni á Eyrarbakka, næsta vetur með foreldrum sínum. --Fekk Nesþing 24. maí 1861, vígðist 9. júní s.á., Hvamm í Norðurárdal 24. febr. 1867 og var þar til æviloka (hafði að vísu fengið Árnes 19. sept. 1883, en fór þangað ekki, fekk lausn frá prestskap vegna brjóstveiki 4 dögum fyrir lát sitt). --Kona 1: Valborg Elísabet (f. 28. ágúst 1838, d. 9. ág. 1870) Sveinbjarnardóttir rektors, Egilssonar, Af börnum þeirra komst einungis upp: Benedikt Gröndal bæjarfógetaskrifari og skáld. --Kona 2 (15. júní 1872): Kristín (f. 11. apr. 1850, d. 8. apr. 1937) Jónsdóttir prests á Breiðabólstað í Vesturhópi, Sigurðssonar. --Börn þeirra, sem upp komust: Árni kennari í Akureyrarskóla, síra Jón á Stað á Reykjanesi, Valborg Elísabet átti Sigurð stúdent Pálsson að Auðshaugi á Barðaströnd. Kristín ekkja síra Þorvalds átti síðar síra Bjarna Símonarson að Brjánslæk (Vitæ ord.; BjM. Guðfr.; SGrBf.).