--Prestur. --Foreldrar: Jóhannes sýslumaður Guðmundsson í Hjarðarholti og kona hans Maren Ragnheiður Friðrika Lárusdóttir sýslumanns Thorarensens að Enni. --Tekinn í Reykjavíkurskóla 1875, stúdent 1881, með 1. einkunn (85 st.), próf úr prestaskóla 1883, með 2. einkunn lakari (27 st.). Vígðist 16. sept. 1883 aðstoðarprestur síra Vigfúsar Sigurðssonar í Sauðanesi og var það til æviloka. Frábær söngmaður, lipurmenni og vinsæll. --Kona (1884): Guðrún (f. 27. nóv. 1854, d. 11. dec. 1936) Björnsdóttir umboðsmanns á Eyjólfsstöðum, Skúlasonar (systurdóttir síra Vigfúsar Sigurðssonar), varð síðar bæjarfulltrúi í Rv., dugnaðarkona mikil. Dætur þeirra, sem upp komust: Maren Ragnheiður Friðrika átti Finnboga Rút smið í Rv. Jónsson (prests í Húsavík, Arasonar), Bergljót kennari í Rv. (d. 1918), Lára Ingibjörg átti Ólaf Jónsson lækni í Rv. (Óðinn 1908; BjM. Guðfr.; SGrBf.).