--Bóndi. --Launsonur Jóhannesar Jónssonar vinnum. í Tóarseli í Breiðdal og Guðbjargar Guðmundsdóttur bóndadóttur þar (hún dó skömmu eftir fæðing hans og faðir hans ári síðar). Ólst upp með móðurföður sínum í Tóarseli og varð fjármaður góður. --Bjó víða um Breiðdal 1875–1912, lengst í Jórvík (18 ár). --Fluttist 1913 til dvalar að Stapa í Hornafirði. Var 4 ár póstur í milli Seyðisfjarðar og Akureyrar, um tíma oddviti og gegndi ýmsum sveitarstörfum, enda félagslyndur. --Kona (1875): Mensaldrína (d. 24. júní 1890) Þorsteinsdóttir. --Börn þeirra, sem upp komust: Anna átti Sigurjón Gíslason í Bakkagerði í Reyðarfirði, Guðmundur húsgagnasmiður í Rv., Aðalbjörg átti Magnús Gunnarsson að Brekkuborg í Breiðdal, Gísli á Skjöldólfsstöðum, Stefanía átti Björn símritara Ólafsson í Seyðisfirði, Elísabet átti Lúðvík Kemp að Hafragili á Skaga. --Kona 2 (19. sept. 1891): Bergþóra Jónsdóttir (ættuð úr Hornafirði; þau bl. (Óðinn X).