--Prestur. --Foreldrar: Síra Jón Jónsson, síðast í Holti undir Eyjafjöllum, og kona hans Helga Steingrímsdóttir að Þverá, Jónssonar. F. á Mýrum í Álptaveri. Lærði fyrst hjá föður sínum, tekinn í Reykjavíkurskóla eldra 1793, stúdent 31. maí 1796, með góðum vitnisburði, var síðan hjá foreldrum sínum, en er Stóri Dalur var lagður undir Holts-Þrestakall, vígðist hann 25. maí 1806 aðstoðarprestur föður síns, þjónaði Stóra Dal; var þó í Holti, nema árin 1809–12, er hann bjó í Miðmörk. Gegndi hann prestakallinu eftir lát föður síns, til 1814, og varð 13. sept. 1813 prestur í Stóra Dal, er það prestakall var aftur greint frá Holtsprestakalli, og bjó í Neðra Dal, fekk Mosfell í Grímsnesi 27. dec. 1817, fluttist þangað vorið 1818 og hélt til dauðadags. Hann var búmaður góður, vel gefinn, hófsmaður mikill og ráðsvinnur, en ekki er látið mikið af kennimannshæfileikum hans. --Kona 1 (1809): Ástríður (f. 19. ágúst 1770, d. 3. júlí 1834) Lýðsdóttir sýslumanns Guðmundssonar, ekkja síra Ásgríms Pálssonar í Miðmörk. --Kona 2 (1834): Anna (f. 7. dec. 1791, d. 20. febr. 1866) Jónsdóttir að Bíldsfelli, Sigurðssonar, ekkja síra Jóns Jónssonar að Klausturhólum. Bl. með báðum konum sínum (Vitæ ord. 1806; HÞ.; SGrBf.).

--Bóndi. Foreldrar: Jón (d. 6. júní 1785, 60 ára) Arnbjörnsson á Stokkahlöðum í Eyjafirði og kona hans Þuríður (f. um 1741) Sigurðardóttir á Klúkum og Ytra-Gili, Jónssonar. Fæddur á Helgastöðum í Möðruvallasókn í Eyjafirði. Ráðsmaður um hríð hjá Stefáni amtmanni Þórarinssyni á Möðruvöllum í Hörgárdal og síðan í 2 ár (1814–16) hjá Carl Fr. Schram kaupmanni á Þverá í Hallárdal. Bóndi á Þverá í Norðurárdal 1816–18, síðan um hríð á Leysingjastöðum og Bakka í Þingi, á Undirfelli í Vatnsdal 1824–39, þá á Auðkúlu og Grund í Svínadal, en á Gilsstöðum í Vatnsdal frá 1842 til æviloka. Mesti fjör- og atorkumaður, góður búhöldur, hófs- og reglumaður, góður félagsmaður. Af mörgum talinn bezti söngmaður í Húnavatnssýslu eftir að síra Friðrik Þórarinsson dó. Kona 1 (ókunn).--Kona 2 (1813): Sigríður (d. 2. júlí 1823, 33 ára) Guðmundsdóttir í Fornhaga, Rögnvaldssonar. Synir þeirra: Guðmundur í Kirkjubæ á Skagaströnd, Frímann á Helgavatni. Kona 3 (4. nóv. 1823): Steinunn (d. 19. júní 1869, 75 ára) Pálsdóttir prests á Undirfelli, Bjarnasonar, Börn þeirra: Páll á Akri, Sigríður átti Sigurð Sigurðsson í Selási. Sonur Ólafs (með Ingveldi Jónsdóttur): Sigvaldi (f. 1. jan. 1814) á Fremsta-Gili í Langadal (Þjóðólfur XI; kirkjubækur).

Trésmiður. --Foreldrar: Jón Sigfússon að Brennihóli í Kræklingahlíð og kona hans María Rannveig Kristjánsdóttir í Hraukbæjarkoti, Bergþórssonar. Nam ungur trésmíðar og stundaði um hríð. Setti bú í Glæsibæ 1888 og bjó þar síðan. Gerði hann þar geysimiklar umbætur. enda framfaramaður á marga lund og gegndi ýmsum trúnaðarstörfum í héraði. --Kona (1881): Guðrún Oddsdóttir á Dagverðareyri, Jónssonar. --Börn þeirra, sem upp komust: Jón kennari í Bragholti, Oddur gagnfræðingur á Hjalteyri, Arnbjörg, Guðmundur búfræðingur, María Rannveig, Stefán Ágúst (Óðinn XV; Br7.).

--Bóndi. --Foreldrar: Jón Halldórsson á Laugabóli við Ísafjarðardjúp og kona hans Guðrún Þórðardóttir. Bjó á Kirkjubóli í Langadal 1892–7, síðan á Laugabóli til æviloka. Kappsmikill atorkumaður, varð t. d. formaður á útvegi föður síns í verstöðvum vestra. Í búskap bætti hann t.d. vel hús öll og jók túnið um 60 dagsláttur. --Var mikils metinn og gegndi trúnaðarstörfum í héraði. Naut sín lítt frá fimmtugu til æviloka, fyrir sakir vanheilsu. --Kona 1 (1887): Sigríður (d. 1889) Jónsdóttir á Melum í Hrútafirði, Jónssonar; Þau bl. --Kona 2 (27. sept. 1890): Hallfríður (Halla) skáldkona Eyjólfsdóttir. Af börnum þeirra komust upp: Sigurður á Laugabóli, Jón framkvstj. á Siglufirði, Gunnar, Ólafur, Eyjólfur, Gústaf Adolf, Jón Leópold, Guðrún, Jóhanna, Jakobína, Guðbjörg, Ingibjörg (Óðinn XIV; o. fl.).

Umboðsmaður, ráðherra. --Foreldrar: Jón alþm. Sigurðsson á Gautlöndum og kona hans Solveig Jónsdóttir prests í Reykjahlíð (Kirkjubæ), Þorsteinssonar. --Bjó á Gautlöndum 1884–1919. --Hafði á hendi margvísleg trúnaðarstörf. Kaupfélagsstjóri Þingeyinga 1889–1919, umboðsmaður Norðursýslujarða frá 1901, formaður sambands ísl. samvinnufél, 1902–20, þm. S.-Þing. 1894–1921. Var í landbúnaðarnefnd 1904, skattamálanefnd 1907, útflutningsnefnd 1918, í yfirfasteignamatsnefnd 1918. Var atvinnumálaráðherra frá 25. febr. 1920. Ritstörf: Fjárhagsmálið, Ak. 1907 (úr Norðra) o. fl. greinir í blöðum. Ritstjóri Tímarits kaupfélaganna, Rv. 1896–8. --Kona (23. sept. 1881): Þóra (d. 30. nóv. 1894) Jónsdóttir að Grænavatni, Jónassonar. --Börn þeirra, sem upp komust: Solveig átti Pétur á Gautlöndum Jónsson (í Reykjahlíð, Péturssonar), Kristjana skólastjóri húsmæðraskóla að Laugum, Jón Gauti oddviti á Gautlöndum, Hólmfríður átti Sigurð skáld Jónsson að Arnarvatni, Þorleif átti Jón lækni Norland (Andvari, 55. árg.; Óðinn X; Samvinnan, 19. árg; JJ. Reykjahlíðarætt, Rv. 1939).

Prófessor. --Foreldrar: Jón Borgfirðingur fræðimaður Jónsson og kona hans Anna Guðrún Eiríksdóttir. Tekinn í Reykjavíkurskóla 1872, stúdent þaðan 1878, með 1. einkunn (89 st.). Tók próf í málfræði í háskólanum í Kh. 1883, með 2. einkunn, varð Dr. phil. sst. 6. nóv. 1884, dócent sst. Í norrænu 1887, varð prof. extr. 1898, en prof. ord. 1911, fekk lausn 1928. Varð félagi vísindafél. danska 1898 og ýmissa fl. félaga síðan og heiðursdoktor, var komm.? af dbr., hafði stórkr. af fálkaorðu o. fl. Var í stjórn fornritadeildar fornfræðafél. frá 1891, formaður þar og ritari frá 1919, en varaform. fél. frá 1924, í stjórn Samf. til Udg. af gl. nord. Litt. frá 1895, í stjórn Árnasafns frá 1905, form. frá 1920, o.m.fl. --Sá um prentun fjölda fornsagna og fornrita (einkum má nefna Skjaldedigtning), hefir og samið fjölda bóka og ritgerða um ísl. efni, og mun talið merkast Den oldn. og oldisl. Litt. Hist., Kh. 1894–1902 (2. útg. 1920–21). --Hann orkti við og við. Um rit hans vísast í nákv. skrá í Skírni 1934 (eftir Finn Sigmundsson; Ævisaga eftir sjálfan hann, Kh. 1936). --Kona (1885): Emma Heraczek. --Sonur þeirra: Jón kaupmaður í Odense (Óðinn TI og VIII; Andvari, 61. árg.; Aarb. Í. nord. oldk. 1934 o.m. fl.).

--Kaupmaður, stúdent. --Foreldrar: Jón kaupmaður Kolbeinsson í Stykkishólmi og kona hans Ragnheiður Jónsdóttir prests í Holti í Önundarfirði, Eggertssonar, Lærði hjá föður sínum, tekinn í efra bekk í Bessastaðaskóla 1819, og var þar einungis veturinn 1819–20, við góðan orðstír, yfirgaf skólann að læknisráði, hélt síðan áfram námi hjá föður sínum, stúdent úr heimaskóla í júni 1821 frá Geir byskupi Vídalín, fór utan 1824, mistókst í aðgönguprófi í háskólanum, hélt síðan áfram verzlun föður síns um hríð, var síðast í Kiðey og andaðist þar (úr slagi). --Kona: Guðrún Jóhannesdóttir að Nautabúi í Hjaltadal, Arasonar. --Börn þeirra: Pétur drukknaði 1858, ókv., Bjarni drukknaði 1861, ókv., Margrét óg., Jón húsmaður í Efri Hlíð í Helgafellssveit, d. 17. júlí 1882 úr mislingum. --Átti launbarn í föðurgarði (með Margréti Þorsteinsdóttur, systur Árna sýslumanns); það dó ungt (Bessastsk.; Lbs. 48, fol.; Lbs. 394, 4to.; HÞ.).

--Prestur. --Foreldrar: Síra Jón Jónsson að Kálfafelli og kona hans Guðný Jónsdóttir prests á Prestbakka, Steingrímssonar. F. í Lyngum í Meðallandi. Tekinn í Reykjavíkurskóla eldra 1803, var síðan 1 ár hjá Þórði sýslumanni Thorlacius í Eskifirði, tekinn í Bessastaðaskóla 1805, stúdent 1809, með heldur lélegum vitnisburði. --Var næsta vetur að Lágafelli, en síðan hjá foreldrum sínum, vígðist 10. okt. 1812 aðstoðarprestur síra Odds Jónssonar að Felli í Mýrdal og gegndi eftir lát hans prestakallinu veturinn 1814, fekk Stórólfshvolsþing 20. jan. 1815 og bjó að Stórólfshvoli, fekk Þykkvabæjarklaustursprestakall 1817 (í skiptum við síra Sigurð G. Thorarensen) 57 og bjó á Mýrum, fekk Ofanleiti 19. júlí 1827 og hélt til æviloka; var Kirkjubær lagður við Ofanleiti 1837, og hefir þar síðan verið 1 prestakall. Við lá, að honum væri vikið frá (vegna drykkjuskapar) 1851–2, en sóknarfólk hans mæltist til að halda honum, og var það þó ráðs tekið (1852), að honum var fenginn sérstakur aðstoðarprestur (síra Brynjólfur Jónsson) og skyldi hafa hálfar tekjur, Hann var vel gefinn, hagmæltur (sjá handrit í Lbs.), raddmaður mikill og skörulegur prestur, hraustmenni, og farnaðist vel. Pr. er eftir hann lýsing á Kötlugosi (Safn, IV). --Kona (1. nóv. 1811): Þórdís (d. 3. sept. 1859, 71 árs) Magnúsdóttir klausturhaldara í Þykkvabæ, Andréssonar. --Börn þeirra, sem upp komust: Helga átti Ringsted kaupmann, Magnús stúdent á Vilborgarstöðum, Jón beykir, Guðný átti síra Ólaf Magnússon í Einholti, Guðmundur, Guðfinna átti Árna alþm. Einarsson á Vilborgarstöðum, Jórunn átti fyrr Jón verzIunarstjóra Salómonsen, síðan Engilbert verzlunarmann Engilbertsson, Þórunn, Stefán (Bessastsk.; Vitæ ord. 1812; HÞ.; SGrBf.).

--Prestur. --Foreldrar: Jón Magnússon í Broddanesi og kona hans Guðbjörg Björnsdóttir að Fjarðarhorni "stóra í Kollafirði, Guðmundssonar, F. að Sólheimum í Blönduhlíð. Tekinn í Reykjavíkurskóla 1878, stúdent 1884, með 1. einkunn (85 st.), próf úr prestaskóla 1886, með 1. einkunn (50 st.). Fekk Bergstaði 31. ág. 1886, vígðist 12. sept. s. á., Miklabæ 24. maí 1889, fekk þar lausn frá prestskap 24. febr. 1921 vegna sjóndepru, fluttist þá að Sólheimum í Blönduhlíð og andaðist þar. Prófastur í Hegranesþingi, settur 1913, skipaður 1914–19. Ritg. í Nýju kirkjubl.; Skírni 1936. --Kona (14. ág. 1884): Guðfinna (f. 4. apr. 1862, d. í okt. 1938) Jensdóttir að Veðrará innri, Jónssonar. --Börn þeirra, sem upp komust: Síra Guðbrandur í Viðvík og við Hofsós, Elinborg, Þorsteinn á Hrólfsstöðum, Sigríður átti síra Eirík Dr. theol. Albertsson að Hesti, Jón, Guðbjörg átti Svein bankaritara Bjarman á Akureyri, Guðrún átti síra Lárus Arnórsson í Miklabæ, Jensína, síra Bergur í Stafholti (Bjarmi, 18. árg.; Prestafélagsrit, 6. árg.; JKr. Prest.; BjM. Guðfr.; SGrBf.).

. Hreppstjóri. Foreldrar: Jón (d. 30. jan. 1839, 713 ára) Oddsson á Geitabergi og síðar í Þingnesi og Efri-Hrepp í Skorradal og kona hans Oddný (d. 3. ág. 1810, 39 ára) Runólfsdóttir. Bóndi á Efra-Skarði í Leirársveit 1822–29, en síðan á Innri-Skeljabrekku til æviloka. Var hvatamaður að stofnun búnaðarfélags, eins hins fyrsta hér á landi, og forustumaður um ýmis framfaramál. Þótti harður í horn að taka og samdi því miðlungi vel við suma samtíðarmenn sína, en lét ekki hlut sinn. Kona 1 (22. júlí 1822): Guðrún (d. 30. ág. 1825, 32 ára) Jónsdóttir í Varmadal, Þorkelssonar. Af börnum þeirra komust upp: Salvör dó óg., Oddný átti Vigfús Hansson (3. kona hans).--Kona 2: Ástríður Jónsdóttir, systir fyrri konunnar. Börn þeirra, sem upp komust: Jón á Vatnshömrum og Hvanneyri, Guðmundur í Staðarhól og Árdal, Kristín átti Ara Jónsson á Syðstu-Fossum (A.G.; kirkjubækur).