Herr. Páll Þórðarson Melsted f. 1791
Einstaklingur í sögulegu manntali
Herr. Páll Þórðarson Melsted (f. 1791)
Herr. Páll Þórðarson Melsted (f. 1791)
Einstaklingur hefur ekki fundist í Íslenzkum æviskrám
Einstaklingur hefur ekki fundist í nafnaskrá Lbs
Mögulegar samsvaranir við Herr. Páll Þórðarson Melsted f. 1791 í Íslenzkum æviskrám
Amtmaður. --Foreldrar: Síra Þórður Jónsson á Völlum og miðkona hans Ingibjörg Jónsdóttir prests á Mel, Guðmundssonar. Tekinn í Bessastaðaskóla (efra bekk) 1807, stúdent 1809, með ágætum vitnisburði. Varð síðan skrifari Stefáns amtmanns Þórarinssonar, fór utan 1813, tók próf í dönskum lögum 1815, með 1. einkunn, settur sýslumaður í Suður-Múlasýslu 3. júní s.á., fekk veiting fyrir henni 19. sept. s. á., fekk NorðurMúlasýslu 17. maí 1817, bjó á Ketilsstöðum á Völlum, fekk Árnesþing 24. febr. 1835 og fluttist þá að Hjálmholti, gegndi jafnframt Rangárþingi fardagaárið 1836–T, gegndi stiftamtmannsstörfum sumarið 1840, varð amtmaður í Vesturamti 12. maí 1849 og hélt því starfi til æviloka, átti þann tíma heima í Stykkishólmi. Sat í embættismannanefnd í Reykjavík 1839 og 1841, aðstoðarmaður konungsfulltrúa 1845, konungkjörinn þjóðfundarfulltrúi 1851, forseti þjóðfundar 1851, konungsfulltrúi á alþingi 1849 og 1853–9, kammerráð 8. maí 1832, jústitsráð 8. júlí 1848, r. af dbr. 10. júní 1841, dbrm. 21. sept. 1851, kommandör af dbr. 14. júlí 1859. Pr. eftir hann: Nýjar athugasemdir, Rv. 1845; greinir í dönskum blöðum um alþingismál o.fl. --Kona 1 (2. nóv. 1815): Anna Sigríður (d. 8. júní 1844) Stefánsdóttir amtmanns, Þórarinssonar (hún hafði áður átt launbarn). --Börn þeirra, sem upp komust: Páll Melsteð, Ragnheiður átti Vigfús sýslumann Thorarensen í Strandasýslu, Ingibjörg átti síra Gísla skáld Thorarensen á Stokkseyri, Sigurður lektor, Björg átti Guðmund sýslumann Pálsson í Arnarholti, Guðrún átti síra Stefán Stephensen að Vatnsfirði, Stefanía átti Halldór adjunkt Guðmundsson, síra Jón að Klausturhólum, Jakobína Jóhanna Sigríður átti Pétur kaupmann Eggerz, Halldór amtskrifari, Þórdís átti Jónas sýslumann Thorstensen að Eskifirði. --Kona 2 (5. sept. 1846): Ingileif (f., 6. maí 1812, d. 13. mars 1894) Jónsdóttir prests Bachmanns að Klausturhólum. --Sonur þeirra: Hallgrímur landsbókavörður (Bessastsk.; BB. Sýsl.; Sunnanfari V; Óðinn I; Tímar. bmf. II; HÞ.).