. Kaupmaður, útvegsbóndi. Foreldrar: Stefán Ólafsson stúdent í Selkoti undir Eyjafjöllum og 3. kona hans Anna (d. 11. júlí 1879, 75 ára) Jónsdóttir prests í Miðmörk, Jónssonar. Varð verzlunarmaður í Vestmannaeyjum, útvegsmaður og bóndi. Rak sjálfur verzlun frá 1881. Atorku- og greindarmaður. Átti sæti í sýslunefnd 1874–1903; enn fremur í yfirskattanefnd; var í stjórn Bátaábyrgðarfélags Vestm. og Framfarafélags.--Kona: Soffía Elísabet (d. 10. júní 1936, 89 ára) Andersdóttir skipstjóra í Vm., Asmundsens frá Arendal í Noregi. Börn þeirra: Síra Jes kennari í Vm., Ágúst útvegsmaður, Ásdís f. k. Gísla kaupmanns Johnsens, Guðbjörg átti fyrr A. L. Petersen símstjóra, svo Sæmund útvegsmann Jónsson, Friðrik ljósmyndari, Lárus ljósmyndari, Kristján útvegsmaður, Jóhann, Stefán útvegsmaður (Afmælisrit Bátaábyrgðarfélags Vestm., Rv. 1939).

Bóndi, stúdent. --Foreldrar: Vigfús sýslumaður Jónsson í Þingeyjarþingi og kona hans Halldóra Sæmundsdóttir. --Ólst upp hjá síra Gísla Magnússyni í Sauðanesi, síðar í Arnarbæli, tekinn í Reykjavíkurskóla hinn eldra 1788, stúdent þaðan 31. maí 1792, var hin síðari skólaár sín á vegum Steindórs sýslumanns Finnssonar að Oddgeirshólum, varð „djákn á Breiðabólstað í Fljótshlíð 6. júlí 1792, en 5. okt. 1793 í Hítardal, fór þaðan að Hítarnesi í apríl 1795, missti sama sumar rétt til prestskapar fyrir of bráða barneign með konu sinni, fekk uppreisn 5. júlí 1815, en tókst aldrei prestsembætti á hendur. --Var 1796 í húsmennsku að Stóra Kálfalæk, en kominn að Ökrum í Hraunhrepp fyrir 1800 og átti þar heima til dauðadags. Talinn maður vel að sér. --Kona (vorið 1795): Þórey (f. 1770, d. 1. ág. 1851) Sigurðardóttir prests í Hítarnesi, Jónssonar. --Börn þeirra, er upp komust: Vigfús í Fagradal, Guðríður s.k. Benedikts Sigurðssonar í Galtardal, Árni á Ísleifsstöðum (HÞ.).

--Prestur. --Foreldrar: Síra Auðun Jónsson að Blöndudalshólum og kona hans Halldóra Jónsdóttir prests að Auðkúlu, Björnssonar. Hann var bróðir Björns sýslumanns Blöndals. F. á Bergsstöðum. --Tekinn í Hólaskóla 1798 og var þar, meðan sá skóli var haldinn, en gekk í Reykjavíkurskóla hinn eldra 1803, stúdent frá Geir byskupi Vídalín 1804, fór þá að Odda á Rangárvöllum, 1806 fór hann að Litla Klofa á Landi, en 1807–17 bjó hann í Borg á Landi, 1818–20 að Minna Galtalæk á Landi, fekk 41 Húsavík 18. júní 1820, vígðist 25. júní s. á., tók aðstoðarprest (síra Daníel Jónsson) 1836, lét af prestskap 1840, fluttist þá að Skógargerði og andaðist þar. --Hann var fjörmaður á yngri árum og söngmaður góður, en drykkjumaður mikill, og lágu tvívegis fyrir kærur frá sóknarmönnum hans af þeim sökum, þrátt fyrir áminningar byskups til hans; var og hirðulítill og mjög fátækur. Meðan hann var í Rangárþingi, átti hann börn í lausaleik og 2 í hórdómi, eftir að hann kvæntist, og tafði það frama hans. --Kona (18. nóv. 1805): TIngibjörg (f. 28. febr. 1775, d. 4. sept. 1834) Jónsdóttir í Litla Klofa, Oddssonar, og var hún ein barnsmæðra hans. --Börn þeirra: Björn hreppstjóri í Búlandsnesi, Halldór að Steinum, Stefán á Torfastöðum í Fljótshlíð (Vitæ ord. 1820; HÞ.; SGrBf.).